ជីវិតកម្សាន្ដ

ជោគជ័យលើអាជីព តែជីវិតតារាជើងចាស់ចិន Siqin Gaowa មានតែរឿងបរាជ័យ

បានផុស

៤៨ វិនាទី មុន

នៅ

ថ្ងៃចន្ទ ៦ មករា ២០២៥

ដោយ

Siqin Gaowa ត្រូវបានគេចាត់ទុកជាអ្នកសម្តែងដ៏ឆ្នើមម្នាក់ក្នុងចំណោមអ្នកសម្តែងតួអធិរាជស្រី អ៊ូ ម៉ីនាង នៅលើកញ្ចក់ទូរទស្សន៍។ គាត់មិនត្រឹមតែបង្ហាញពីសិទ្ធិអំណាចជាក់ស្តែងប៉ុណ្ណោះទេ ប៉ុន្តែថែមទាំងបង្ហាញយ៉ាងស៊ីជម្រៅអំពីភាពឯកកោរបស់អធិរាជស្រីតែមួយគត់ក្នុងប្រវត្តិសាស្ត្រចិន។

ក្រៅពីតួអង្គ អ៊ូ ម៉ីនាង ឈ្មោះរបស់នាងក៏ត្រូវបានផ្សារភ្ជាប់ជាមួយនឹងតួនាទីនៅក្នុងខ្សែភាពយន្តដូចជា៖ Silver Spoon, Sterling Shackles, Genghis Khan, Kangxi Dynasty។ យ៉ាងណានាពេលថ្មីៗនេះ តារាជើងចាស់ស្រាប់តែលេចឈ្មោះក្តៅគគុកម្តងទៀតនៅលើបណ្តាញសង្គម នៅពេលដែលកម្មវិធីទូរទស្សន៍មួយ ស្រាប់តែដកឈ្មោះគាត់ចេញពីបញ្ជីភ្ញៀវ ទោះបីជាកន្លងមកគាត់ធ្លាប់បានប្រកាសចូលរួមក៏ដោយ។

ក្នុងពេលដែលមនុស្សជាច្រើនរិះគន់ផលិតករ តារាស្រីរូបនេះបានពន្យល់ថា ក្នុងវ័យចាស់ សុខភាពរបស់គាត់លែងល្អគ្រប់គ្រាន់ក្នុងការចូលរួមក្នុងកម្មវិធីដ៏សកម្មជាមួយយុវវ័យបែបនេះទៀតហើយ ដូច្នេះហើយទើបរូបគាត់បដិសេធ។

ថ្វីដ្បិតតែថាជោគជ័យលើអាជីពសម្ដែងយ៉ាងរលូនយ៉ាងណាក្ដី ប៉ុន្តែងាកមកកាន់ជីវិតឯកជនរបស់តារាស្រីគឺមានអាពាហ៍ពិពាហ៍បែកបាក់ដល់ទៅពីរដងឯណោះ។

Siqin Gaowa កើតនៅម៉ុងហ្គោលីខាងក្នុង ធំឡើងខ្វះការស្រលាញ់ និងមើលថែពីឪពុកម្តាយ ហើយរស់នៅជាមួយជីតាតាំងពីក្មេង។ មិនយូរប៉ុន្មាននាងបានបង្ហាញទេពកោសល្យសិល្បៈរបស់នាងហើយបានឈានជើងចូលផ្លូវសម្ដែង។ជីវិតរបស់គាត់បានឆ្លងកាត់អាពាហ៍ពិពាហ៍ដ៏ឈឺចាប់ពីរ។ នៅអាយុ ១៨ ឆ្នាំ តារាស្រីបានរៀបការជាមួយអ្នកដឹកនាំរឿង Chen Liang-Sheng មានអាយុលើសនាង ៩ ឆ្នាំ ។ ប៉ុន្តែអំពើឃោរឃៅដែលប្ដីចាស់ប្រច័ណ្ឌបានប្រែជីវិតរៀបការទៅជានរក។ បន្ទាប់ពី ៨ ឆ្នាំនាងបានលែងលះនិងយកកូនស្រីមកជាមួយ ឯកូនប្រុសរស់នៅជាមួយឪពុកវិញ។

ក្រោយមក Siqin Gaowa បានជួប និងរៀបការជាមួយតារាសម្តែង Ao Xingchen ប៉ុន្តែអាពាហ៍ពិពាហ៍នេះក៏បែកបាក់គ្នាដែរ ព្រោះប្តីមិនអាចទ្រាំរស់នៅក្រោមម្លប់របស់ភរិយាបាន។

មិនទាន់ដល់ពេលដែលនាងបានជួប Tianxiang Sun ដែលជាប្តីទីបីមានអាយុច្រើនជាងនាង ១៧ ឆ្នាំ ទើបនាងបានរកឃើញសុភមង្គលពិត។ ដំបូងឡើយ ដោយសារខ្លាចរៀបការក្រោយបរាជ័យពីរដង តារាស្រីរូបនេះបានបដិសេធចំពោះស្នេហារបស់ Tianxiang ។ ច្រើនឆ្នាំក្រោយមក ទីបំផុតនាងទទួលបានអារម្មណ៍ស្មោះត្រង់របស់គាត់ ហើយបានយល់ព្រមរៀបការ។ នៅឆ្នាំ ១៩៨៦ ពួកគេបានរៀបការហើយសម្រេចចិត្តរស់នៅប្រទេសស្វីស។

អាជីពជាបន្តបន្ទាប់ និងភាពឯកោក្នុងវ័យចាស់

Siqin Gaowaនិងស្វាមីចុងក្រោយមិនមានកូនជាមួយគ្នាទេ ពួកគេមានតែកូនប្រសាពីរនាក់ពីការរៀបការលើកមុន។ បន្ទាប់ពីលោក Tianxiang Sun បានទទួលមរណៈភាពនៅឆ្នាំ ២០២២ ដោយសារជំងឺមហារីក ទ្រព្យសម្បត្តិទាំងអស់របស់គាត់ត្រូវបានទុកឲ្យកូនប្រសារបស់គាត់។ ការបាត់បង់នេះ បានក្លាយជារបួសដ៏ធំក្នុងចិត្តរបស់គាត់ ដែលធ្វើឲ្យ Tianxiang Sun សម្រេចចិត្តត្រឡប់ទៅប្រទេសចិនវិញដើម្បីសម្ដែងភាពយន្ត និងចូលរួមក្នុងកម្មវិធីទូរទស្សន៍ពិត ដោយសង្ឃឹមថានឹងសម្រាលទុក្ខសោករ។ យ៉ាងណាមិញ សុខភាពរបស់តារាស្រីមិនប្រសើរដូចមុនទៀតទេ ដោយសារតែរបួសផ្លូវចិត្តកាលពីវ័យក្មេង។

បច្ចុប្បន្នក្នុងវ័យ ៧៤ ឆ្នាំ Tianxiang Sun រស់នៅក្នុងជីវិតឯកជន ដោយកំណត់ការបង្ហាញខ្លួនជាសាធារណៈ។ ដោយបានឆ្លងកាត់អាពាហ៍ពិពាហ៍ចំនួន ៣ ដងរួចមកហើយ នាងនៅតែរស់នៅក្នុងភាពឯកា។ កូនប្រុសស្រីរបស់នាងទាំងពីរមានអាជីពនិងជីវិតរៀងខ្លួន ហើយមិនបានរស់នៅជាមួយម្ដាយទេ៕