ជីវិតកម្សាន្ដ

នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម

បានផុស

៣ ខែ មុន

នៅ

ថ្ងៃអង្គារ ៧ មករា ២០២៥

ដោយ

តារាកំប្លែងជើងចាស់និងជាតួអង្គយក្សល្ខោនបាសាក់ នាយ ព្រីង ទុំ កាលពីថ្មីៗនេះត្រូវបានក្រុមគ្រួសារបញ្ចូនទៅព្យាបាលនៅមន្ទីពេទ្យបន្ទាប់ពីទើបប្រទះជំងឺទឹកនោមផ្អែមធ្វើទុក្ខខ្លាំងរហូតឈានដល់ការវះកាត់ជើងម្ខាង។ នេះបើតាមការបញ្ជាក់ឲ្យដឹងពីកូនប្រុសតារាកំប្លែងជើងរូបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនប្រុសតារាកំប្លែងនាយ ព្រីង ទុំ បានប្រាប់ឲ្យដឹងពីស្ថានភាពជំងឺរបស់ឪពុកថាក្រោយទទួលបានការព្យាបាលពេលនេះឪពុករបស់លោកបានវះកាត់ជើងមួយចំហៀងរួចរាល់ហើយ ខណៈដែលស្ថានភាពជំងឺក៏បានធូរស្រាលបន្តិចហើយ។លោកបន្តថា ឪពុកខ្លួនមានជំងឺមួយចំនួនដូចជា ទឹកនោមផ្អែម លើសឈាម ឡើងអាស៊ីដ បេះដូងទើបតែធ្វើទុក្ខខ្លាំងរហូតដំបៅជើងរលួយដែលក្រុមគ្រូពេទ្យតម្រូវឲ្យកាត់ជើងមួយចំហៀងក្រោមជង្គង់បន្តិច។

លោកបានរៀបរាប់ឲ្យដឹងទៀតថាប៉ាបានធូរស្បើយបន្តិចហើយ សង្ឃឹមថាប៉ានឹងឆាប់បានត្រឡប់ទៅផ្ទះវិញ(ជំងឺទឹកនោមផ្អែមដំបៅជើងត្រូវវះកាត់ជើង)សង្ឃឹមថាអ្វីគឺនឹងល្អប្រសើរខ្លួនទីពឹងខ្លួនគឺកូននិងប្រឹងឲ្យអស់ពីលទ្ធភាពមើលថែប៉ាគេផ្សេងយើងផ្សេងគ្មានអ្នកមើលឃើញទេ ណាមួយមកពីនិស្ស័យផលបុណ្យរបស់ប៉ាគ្មានដូចគេ គេឈឺគេមានជួយជ្រោមជ្រែងប៉ាឈឺគឺពឹងលើខ្លួនឯង។

កូនប្រុសនាយ ព្រីង ទុំ បានបញ្ជាក់ឲ្យដឹងទៀតថា ជីវិតពេលយើងនៅមានប្រយោជន៍ គឺមានតម្លៃពេលអស់សមត្ថភាពគឺតម្លៃស្មើសូន្យសូម្បីតែសួរសុខទុក្ខក៏គ្មានដែរ តែមិនអីទេប៉ា ប៉ានឹងឆាប់វិលទៅផ្ទះយើងវិញ។

សូមជម្រាបថាស្ថិតក្នុងវ័យ៦៣ឆ្នាំ នាយ ព្រីង ទុំ ត្រូវបានមហាជនស្គាល់ថាលោកជាតារាកំប្លែងមួយរូបដែលតែងតែធ្លាប់បង្ហាញវត្តមានសម្តែងជាញឹកញាប់ជាមួយក្រុមកំប្លែងនាយ កុយ និងនាយ ក្រឹម។ លោកក៏ធ្លាប់បានចូលសម្តែងនៅក្នុងកម្មវិធីសំណើចចុងសប្តាហ៍របស់ស្ថានីយទូរទស្សន៍បាយ័នផងដែរ៕

អត្ថបទ៖ ចាន់រ៉ា