ជីវិតកម្សាន្ដ

លេចវត្តមានតារាភាពយន្តជើងចាស់ ទូច វលក្ខណ៍ មកស្រុកខ្មែរ ក្រោយបាត់មុខពីសិល្ប:យូរឆ្នាំ

បានផុស

៤ សប្តាហ៍ មុន

នៅ

ថ្ងៃពុធ ៨ មករា ២០២៥

ដោយ

បន្ទាប់បាត់វត្តមានពីសិល្ប:មួយរយៈ អតីតតារាសម្តែងធ្លាប់មានកេរ្តិ៍ឈ្មោះល្បីល្បាញ អ្នកនាង ទូច វលក្ខណ៍ ថ្មីៗនេះ ស្រាប់តែបង្ហាញមុខនៅលើទឹកដីប្រទេសកំណើតកម្ពុជា ធ្វើឱ្យអ្នកគាំទ្រចាប់អារម្មណ៍គ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាភាពយន្តជើងចាស់ ទូច វលក្ខណ៍ ត្រូវបានគេដឹងថា អ្នកនាងធ្លាប់ល្បីឈ្មោះតាមរយៈស្នាដៃភាពយន្តខ្មែររឿង «សំឡេងទ្រខ្មែរ» ដែលរួមសម្តែងជាមួយតារាប្រុសលោក ហម ឈរ៉ា និង រឿង «ប្រុសដែលខ្ញុំស្រលាញ់» ខណ:ដែលខ្សែភាពយន្តទាំង២រឿងនេះ ល្បីល្បាញនាអំឡុងទសវត្សរ៍៩០ ។

គិតមកទល់ពេលនេះអ្នកនាង ទូច វលក្ខណ៍បានឃ្លាតឆ្ងាយពីសិល្ប:រយៈពេលជាច្រើនឆ្នាំមកហើយ ដែលអ្នកនាង វលក្ខណ៍ បានចាកចេញពីទឹកដីកំណើត ទៅរស់នៅប្រទេសអូស្ត្រាលី ក្រោយពីសាងសុភមង្គលគ្រួសារនៅទីនោះ។

ដោយឡែកអ្វីដែលមហាជនចាប់អារម្មណ៍ស្រាប់តែថ្មីៗនេះអតីតតារាភាពយន្ត ទូច វលក្ខណ៍ បានលេចវត្ត មានមកលេងស្រុកខ្មែរដែលជាទឹកដីកន្លែងកំណើត។ បើតាមការឱ្យដឹងពីលោក សុះ ម៉ាច បានរៀបរាប់អមដោយរូបភាពមួយសន្លឹកថា “តារាភាពយន្តអ្នកនាង ទូច វលក្ខណ៍ ជាតារាដំបូងដែលខ្ញុំចូលប្រឡូកវិស័យខារ៉ាអូខេថតជាមួយគាត់កាលពី ៣៣ឆ្នាំមុន”។

លោក សុះ ម៉ាចបាននិយាយទៀតថា “សព្វថ្ងៃគាត់រស់នៅប្រទេសអូស្ត្រាលី រដ្ឋPerth ថ្ងៃនេះជួបគ្នាចៃដន្យនៅកន្លែងដែលខ្ញុំធ្វើការរាល់រាត្រីគាត់មកផ្តល់ភាពភ្ញាក់ផ្អើលដល់ខ្ញុំ ក្រោយពីបែកគ្នាជាង២០ឆ្នាំ ពេលគាត់ចុះមកលេងស្រុកខ្មែរនិងខ្ញុំទៅសម្តែងអូស្ត្រាលី”។

សូមរម្លឹកថា អតីតតារាភាពយន្តល្បីឈ្មោះអ្នកនាង ទូច វលក្ខណ៍ កាលពីចូលប្រឡូកក្នុងវិស័យសិល្ប:ត្រូវទស្សនិកជនកត់សម្គាល់ថា នាងជាតារាម្នាក់និយមចូលចិត្តតតុបតែងខ្លួនបែបយេៗនិងសិចស៊ី។ នៅឆ្នាំ១៩៩៦ អ្នកនាង ទូច វលក្ខណ៍ បានចាកចេញទៅសម្តែងនៅប្រទេសអូស្ត្រាលីជាលក្ខណៈដើរកម្សាន្តផង ហើយជួបគូស្នេហ៍(ស្វាមី) និងបានរៀបការសាងជីវិតគ្រួសាររស់នៅទីនោះរហូតដល់បច្ចុប្បន្ន៕ អត្ថបទ៖ ចាន់រ៉ា