ជីវិតកម្សាន្ដ
អេដវីន ថា អតីតកាលបែបណា អត់ចាំទេ សំខាន់ចេះកែប្រែអនាគតឲ្យល្អ
មហាជនអ្នកគាំទ្រចាំបានថាតារាសម្តែងរូបសង្ហាសាច់ដុំធំៗ លោក យិត មាសឧស្សាហ៍ ហៅ អេដវីន កន្លងទៅផ្ទុះនូវរឿងអាស្រូវយ៉ាងអាម៉ាស់ បន្ទាប់ពីប្រើហិង្សាលើអតីតគូស្នេហ៍រងរបួសពេញខ្លួន រហូតឈានដល់សមត្ថកិច្ចឃាត់ខ្លួនបញ្ជូនទៅតុលាការ និងជាប់ពន្ធនាគារជាច្រើនខែ។
ទោះជាយ៉ាងណាក្រោយពេលបាត់មុខមួយសន្ទុះធំពីអាជីពសិល្បៈ និងត្រូវបានដោះលែងឲ្យមានសេរីភាព តារាសម្តែង អេដវីន បច្ចុប្បន្នបានចាប់ផ្ដើមឱកាសជាថ្មីឡើងវិញតាមរយៈការបង្ហាញវត្តមានថតសម្តែង និងចូលរួមកម្មវិធីសិល្បៈមួយចំនួន។
ជាមួយគ្នានេះដែរ លោក អេដវីន បានបញ្ជាក់ថា រឿងអតីតកាលបែបណា លោកអត់ចាំទេ សំខាន់ចេះកែប្រែអនាគតកាលឲ្យបានល្អ។
លោក យិត មាសឧស្សាហ៍ ហៅ អេដវីន លើកឡើងខ្លឹមសារខ្លីភ្ជាប់វីដេអូ នៃកិច្ចសម្ភាសន៍មួយថា «អតីតកាលខ្ញុំបែបណា ខ្ញុំអត់ចាំនោះទេ សំខាន់ខ្ញុំចេះកែប្រែអនាគតកាលរបស់ខ្ញុំឲ្យបានល្អ»។
លោក អេដវីន បានរម្លឹកថា បន្ទាប់ពីជួបរឿងអាស្រូវខាងលើបានធ្វើឲ្យបាត់បង់គ្រប់យ៉ាងសូម្បីតែអ្នកម្តាយជាទីស្រលាញ់ និងធ្វើឲ្យលោកធ្លាក់ខ្លួនជាមនុស្សធ្លាក់ក្នុងភពងងឹតអស់រយៈពេលប្រមាណជាង ១ ឆ្នាំ។
អេដវីន និយាយថា ឆ្លងកាត់រឿងរ៉ាវជីវិតជាច្រើន លោកធ្លាប់ក្លាយជាមនុស្សដែលវង្វេងគោលដៅ ព្រោះតែការជឿទុកចិត្តមនុស្ស ពោលគឺមនុស្សស្រីដែលខ្លួនស្រលាញ់។ ប៉ុន្តែជាលទ្ធផលបានមកវិញនោះចុងក្រោយបំផុតគេបានបំផ្លាញទឹកចិត្ត ក្តីស្រឡាញ់ និងអ្វីៗ គ្រប់យ៉ាងទាំងអស់តែមួយប៉ប្រិចភ្នែកប៉ុណ្ណោះ។
លោកបន្តថា លោកបានបាត់បង់អ្នកម្តាយជាទីស្រលាញ់អំឡុងពេលជាប់នៅពន្ធនាគារ និងមានឈ្មោះជាមនុស្សមិនល្អពាក់ព័ន្ធរឿងបង្កអំពើហិង្សាក្នុងគ្រួសារ។
លោក អេដវីន បញ្ជាក់ដែរថា លោកមិនបកក្រោយទេ គឺ លោកអរគុណរឿងរ៉ាវទាំងអស់នោះដែលធ្វើឲ្យលោកជួប។ បើមិនបានជួបរឿងនោះទេ លោកក៏មិនដឹងត្រូវធ្វើអ្វីដែរ។
គួររម្លឹកថា លោក យិត មាសឧស្សាហ៍ ហៅ អេដវីន កន្លងមកធ្លាប់ជាប់ពន្ធនាគារប្រមាណជាង ១ ឆ្នាំ កាលពីអំឡុងឆ្នាំ ២០២២ ដោយសារការប្រើអំពើហិង្សាលើអតីតគូស្នេហ៍។
ក្រោយចេញពីពន្ធនាគារមកវិញ លោកក៏បានសម្រេចចិត្តចូលសាងផ្នួសរយៈពេល ២ ឬ ៣ ខែ ខណៈបច្ចុប្បន្នលោកបានវិលចូលអាជីពចាស់សិល្បៈ និងកាលពីថ្មីៗ នេះ អេដវីន ទើបបានបង្ហាញខ្លួនចូលរួមប្រកួតកីឡាករកាយវប្បកម្មលើឆាកអន្តរជាតិ៕
អត្ថបទ ៖ ចាន់រ៉ា
១៩ ថ្ងៃដើមខែមករា ថៃទទួលភ្ញៀវទេសចរបរទេស ២,១ លាននាក់
លោក ឥត សារ៉ាត់ ស្នើសមាជិកគណបក្សប្រជាជន ក្នុងក្រុងសៀមរាបបន្តបម្រើប្រជាជនដោយយកចិត្តទុកដាក់
វៀតណាម អញ្ជើញរដ្ឋមន្ត្រីការបរទេសអាមេរិក មកបំពេញទស្សនកិច្ច ដើម្បីពង្រឹងទំនាក់ទំនង
ឯកឧត្តម ហ៊ុន ម៉ានី៖ ការចូលរួមការងារស្ម័គ្រចិត្តមិនត្រឹមតែជាប្រយោជន៍ដល់សង្គមតែដើម្បីអភិវឌ្ឍបុគ្គលម្នាក់ៗឲ្យកាន់តែរឹងមាំ
អត្រាកំណើតនៅប្រទេសថៃ ធ្លាក់ចុះក្រោម៥០ម៉ឺននាក់ មិនធ្លាប់មានក្នុងរយៈពេល៨០ឆ្នាំ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ