ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី

តារាកំប្លែងថៃ Kohtee Aramboy និងត្រូវទស្សនិកជនកម្ពុជាស្គាល់យ៉ាងច្បាស់ថា ជាតួក្នុងរឿង «ខ្មោចត្រឡោកបែក» នាពេលនេះលោកបានសម្រេចចិត្តប្តូរឈ្មោះនៅក្នុងឆ្នាំថ្មី២០២៥ ដោយសង្ឃឹមថាអ្វីៗនឹងប្រសើរឡើង ក្រោយឆ្លងកាត់ព្យុះជីវិតលែងលះ​ជាមួយ​ភរិយាដែលមើលចិត្តគ្នាអស់ពេល១២​ឆ្នាំ និងទើប​រៀប​ការត្រឹមតែ​១​ឆ្នាំប៉ុណ្ណោះ។

កាលពីថ្ងៃទី ១៤ ខែមករា Kohtee Aramboy  ឬមានឈ្មោះពិតថា Jaroenporn Onlamai បានបង្ហោះរូបភាពនៃឯកសារសំខាន់មួយ ដែលបង្ហាញពីការផ្លាស់ប្តូរឈ្មោះរបស់គាត់ដោយភ្ជាប់អត្តសញ្ញាណប័ណ្ណសញ្ជាតិថៃ ដែលលែងប្រើឈ្មោះដើមទៀតហើយ។ ប៉ុន្តែ​បាន​ប្តូរ​ទៅ​ជា Chaikrit Onlammai ដែល​មាន​លម្អិត​ក្នុង​ឯកសារ។ វា​បង្ហាញ​យ៉ាង​ច្បាស់​ថាតារាកំប្លែងទើប​តែ​បាន​ប្តូរ​ឈ្មោះនៅ​សាលា​ស្រុក Khan Na Yao នៃទីក្រុងបាងកក មុន​នឹង​បង្ហោះ​រូប​ឲ្យ​អ្នក​រាល់​គ្នា​មើល​លើ​បណ្ដាញ​សង្គម។

មិនតែប៉ុណ្ណោះ Kohtee ក៏បានដាក់បញ្ចូលសំណេរមួយដែរថា «ហៅខ្ញុំថា Chaikrit ប្រហែលជាអ្វីៗនឹងប្រសើរឡើង»។​ ដែលទាំងនោះមានន័យថា អ្នកធ្វើវាឲ្យមានជ័យជំនះ ជាឈ្មោះដ៏ល្អសម្រាប់លោកបំផុតនាពេលនេះ។ ជាពិសេស​ក្នុង​អាជីព​ដែល​ត្រូវ​បាន​មនុស្ស​ទូទៅ​គោរព​ ឬ​មាន​តួនាទី​ដែល​ល្បី​ដល់​មនុស្ស​ក្នុង​សង្គម ទំនងជានឹងក្លាយជាការអ្នកប្រយុទ្ធដ៏ធំនាពេលអនាគត។ ឈ្មោះ​នេះ​ត្រូវ​បាន​គេ​ចាត់​ទុក​ថា​មាន​អត្ថន័យ និង​ថាមពល​ល្អ​ខ្លាំង​ណាស់​តាម​វិទ្យាសាស្ត្រ​នៃ​ការ​ទស្សន៍ទាយ។

គួរជម្រាបជូនថា តារាកំប្លែងដ៏ល្បីប្រចាំប្រទេសថៃ Kohtee បានបង្ហោះព័ត៌មានដ៏គួរឲ្យភ្ញាក់ផ្អើលនៅលើ Instagram ផ្ទាល់ខ្លួន កាលពីថ្ងៃទី ០២ ខែមករា ឆ្នាំ ២០២៥ ដោយរូបលោកបានពន្យល់ពីហេតុផលនៃការបែកបាក់ជាមួយអតីតភរិយា Kwang Suphak ក្រោយសេពគប់មើលចិត្តថ្លើមគ្នាអស់រយៈពេល១២ឆ្នាំ និងរៀបការស្របច្បាប់ត្រឹម១ឆ្នាំ ដោយសារតែមូលហេតុចរិតនិង​ទម្លាប់​មិន​ត្រូវ​គ្នា​មួយ​ចំនួនក្នុងនាមជាប្ដីប្រពន្ធ។ យ៉ាងណាដំណឹងនៃការបែកបាក់របស់អ្នកទាំងពីរបានបង្កឲ្យមានការពិភាក្សាគ្នាយ៉ាងទូលំទូលាយសឹងតែមិនចង់ជឿថា គូនេះបែរជាដើរដល់ផ្លូវបំបែកនោះទេ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖តារាកំប្លែងថៃ​ Kohtee បញ្ចប់ចំណងស្នេហ៍១២ឆ្នាំ ក្រោយរៀបការជាប្ដីប្រពន្ធត្រឹម១ឆ្នាំប៉ុណ្ណោះ