ជីវិតកម្សាន្ដ
TOP បកស្រាយគ្រប់ចម្ងល់ ខ្ទេចខ្ទីគ្មានសល់ ប្រាប់សារព័ត៌មាន
កាលពីថ្មីៗនេះ TOP អតីតសមាជិកក្រុម Big Bang បានធ្វើសន្និសីទកាសែតមួយ ដើម្បីបកស្រាយនូវចម្ងល់ទាំងឡាយរបស់អ្នកគាំទ្រ និងមហាជន ក្រោយពីសម្ងំស្ងាត់មិននិយាយអ្វីបន្ដិចសោះអស់រយៈពេលជាច្រើនឆ្នាំ សូម្បីតែការចាកចេញពីក្រុមក៏ TOP ស្រាប់តែបាត់ខ្លួនទៅតែម្ដង។

យ៉ាងណាមិញ TOP ដែលមានឈ្មោះពិតថា Choi Seunghyun បានទម្លាយពីរឿងរ៉ាវជាច្រើន ប្រាប់ទៅដល់សារព័ត៌មានយ៉ាងជាក់លាក់។ ចំពោះមូលហេតុដែលលោកសម្រេចចិត្តដើរចេញពីក្រុម Big Bang នោះគឺ ដើម្បីការពារកេរ្តិ៍ឈ្មោះសមាជិកទាំង៣នាក់ មិនចង់ឲ្យ Big Bang ត្រូវខូចឈ្មោះដោយសាររឿងក្ដីរបស់ខ្លួន ពាក់ព័ន្ធនឹងគ្រឿងញៀនកាលពី៨ឆ្នាំមុន។
មុននឹងចាកចេញ TOP បានចេញចម្រៀងរួមគ្នាជាមួយ Big Bang ជាមួយនឹងបទ Still life កាលពីឆ្នាំ2022 ដោយសារតែលោកគិតថា វាជាការងារចុងក្រោយសម្រាប់គាត់និង សមាជិក ដើម្បីឲ្យអ្នកគាំទ្រទុកស្ដាប់កម្សាន្ត និងជាការលាចុងក្រោយផងដែរ។

លើសពីនោះ តារាប្រុសរូបនេះ ក៏បាននិយាយផងដែរថា លោកក៏បានមើលការសម្ដែងរបស់ Big Bang នៅក្នុងកម្មវិធី MAMA 2024 ដែលបានប្រព្រឹត្តិទៅកន្លងទៅនេះដែរ។ “ខ្ញុំបានមើលការសំដែងរបស់ BIGBANG ក្នុងកម្មវិធី ‘2024 MAMA Awards កាលពីចុងឆ្នាំមុន។ ខ្ញុំបានចំណាយពេលអាយុ ២០ ឆ្នាំរបស់ខ្ញុំជាមួយ BIGBANG។ វាគឺជាពេលវេលាដ៏ល្អមួយ ប៉ុន្តែកំហុសរបស់ខ្ញុំបានធ្វើឱ្យមានការប៉ះពាល់ដល់ក្រុម។

ខ្ញុំសុំទោសដែលកំហុសរបស់ខ្ញុំបណ្តាលឱ្យមានការប៉ះពាល់ដល់ក្រុម និងសមាជិកដែលបានទទួលរងការរិះគន់ដោយសារវា។ ខ្ញុំបានប្រកាសពីបំណងចាកចេញពីក្រុមព្រោះខ្ញុំមិនចង់បង្កឱ្យមានការប៉ះពាល់បន្ថែមទៀតទៅលើពួកគេ។ សម្រាប់ ‘Still Life’ (២០២២) ខ្ញុំបានទទួលយកគម្រោងនេះ ព្រោះខ្ញុំគិតថាវាជាការបង្ហាញខ្លួនចុងក្រោយរបស់ខ្ញុំជាមួយ BIGBANG សម្រាប់អ្នកគាំទ្រ និងសមាជិក។”

ចំណែកឯ ការត្រឡប់មកវិញរបស់ TOP នៅក្នុងនាមជាតារាសម្ដែងក្នុងរឿង Squid Game 2 ជាតួអង្គ Thanos វិញ លោកបាននិយាយថា វាជាការបង្ហាញខ្លួនដ៏គួរឲ្យភ័យខ្លាចមួយរបស់លោក គឺមានការលះបង់ខ្លាំងណាស់ សម្រាប់ការសម្ដែងតួអង្គមួយនេះ។
លោកបាននិយាយថា “ការស្នើរឲ្យលេងជាតួអង្គ Thanos គឺជាសំណើដ៏គួរឱ្យភ័យខ្លាចមួយ។ តួអង្គនេះបានឆ្លុះបញ្ចាំងពីអតីតកាលរបស់ខ្ញុំដោយឆ្លុះបញ្ចាំងពីទិដ្ឋភាពដែលខ្ញុំចង់លាក់បាំង។ ការភ័យខ្លាចក្នុងការគាស់កកាយ នៅក្នុងតួអង្គមួយនេះ បានធ្វើឱ្យខ្ញុំស្ទាក់ស្ទើរ។ ប៉ុន្តែវាសនាហាក់ដូចជាកំពុងទាញខ្ញុំទៅទិសដៅនេះ”។

ចំពោះគម្រោងនៅថ្ងៃអនាគតដែលជាគោលដៅចម្បងរបស់លោក គឺបង្កើតជីវិតដែលមានស្ថេរភាព និងមិនសូវទទួលបានការចាប់អារម្មណ៍។ “[…] ខ្ញុំចង់ឈានដល់ចំណុចមួយដែលខ្ញុំអាចក្រោកឡើង ដោយមិនត្រូវបានគេបំផ្ទុះដោយព័ត៌មានអវិជ្ជមាន និងមានអារម្មណ៍សុខសាន្តថែមទៀត។”
ទន្ទឹមនឹងនេះផងដែរ អ្នកគាំទ្របានបង្ហាញការស្រឡាញ់ គាំទ្រទៅកាន់តារាប្រុសរូបនេះ បើទោះបីជាលោកមិនបានត្រឡប់មកក្នុងក្រុម Big Bang វិញក៏ដោយ ប៉ុន្ដែក្រោយពីបានស្ដាប់បទសម្ភាសន៍មួយនេះហើយ ធ្វើឲ្យអ្នកគាំទ្របានយល់ចិត្ត TOP កាន់តែច្បាស់ ហើយក៏ឈប់យល់ច្រឡំទៀតដែរ៕


-
ព័ត៌មានអន្ដរជាតិ៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៨ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?