វី ឌីណែត ជំងឺធ្វើ​ទុក្ខខំ​លេប​បាយទាំង​ទឹកភ្នែក ម្តាយ​​វិញ​កាន់តែធ្ងន់​ ត្រូវ​បញ្ជូនទៅ​សង្គ្រោះ​បន្ទាន់

តារាចម្រៀង វី ឌីណែត ទោះ​បីស្ថានភាព​ព្យាបាល​មាន​ភាពធូរស្រាល​ច្រើន តែ​នាង​ក៏​ជួប​ការ​លំបាក​ច្រើន​ដែរ ដោយសារ​កា​រធ្វើ​ទុក្ខជំងឺ។

តារាចម្រៀងហង្សមាស ដែល​កំពុងព្យាបាលជំងឺកូវីដ​បាន​ថ្លែង​ពីស្ថានភាព​ពេល​នេះធូរស្បេីយច្រេីន ហេីយក៏អរគុណបងប្អូនទាំងអស់ដែលបានបារម្មណ៍សួរនាំ។ តារាចម្រៀងរូបនេះប្រាប់ថា អ្វីដែលពិបាកគឺការពិសារបាយ​ ជំងឺនេះគឺធ្វេីឲ្យ​ខ្ពេីមបាយដល់ម៉ោងញ៉ាំបាយម្ដងៗ​ ត្រូវញ៉ាំទាំងទឹកភ្នែកក៏មាន​។

ដោយ​ខំបន្លប់អារម្មណ៍ខ្លួនឯងថាឆ្ងាញ់ខំ​រាំផងអីផង​ ហើយ​ត្រូវតែញ៉ាំទោះជាលេបពិបាកយ៉ាងណា​ក៏ដោយដេីម្បីទប់ទល់ជំងឺ​និង​ថ្នាំ​។ នាង​ក៏​បង្ហាញក្តីបារម្ម​មួយ​ទៀត ក្រោយ​ដឹង​ថា គ្រួសារ​នាង​ដែល​មាន​ម្តាយ និង​ប្អូនស្រីក៏​ឆ្លង​ជំងឺ​កូវីដ ១៩ ដែរ។ នាង​ប្រាប់​ថា អ្វីដែលគួរបារម្មពេលនេះគឺប្អូនស្រីពៅរបស់នាង​ក៏វិជ្ជមានកូវីត19​ ហេីយគេង​នៅពេទ្យម្នាក់ឯងទៀត។ ម៉ាក់របស់នាងទៀត ជំងឺ​ធ្វេីទុក្ខខ្លាំង ត្រូវ​បញ្ជូន​ទៅសង្រ្គោះបន្ទាន់។

ក្រៅពី​ខំតស៊ូជម្នះព្យាបាល នាង​ក៏អរគុណដល់​អ្នក​គាំទ្រ ហេីយក៏សូមអរគុណក្រុមគ្រូពេទ្យដែលបានយកចិត្តទុកដាក់ព្យាបាលក្រុម​គ្រួសារនាង​មកដល់ពេលនេះ៕