ជីវិតកម្សាន្ដ

អ៊ឹម សុគន្ធា អង្វរសុំចិត្តអ្នកបើកលើដងផ្លូវ បើកបរដោយប្រុងប្រយ័ត្ន អាណិតអាយុជីវិតអ្នកដទៃ

បានផុស

២ ខែ មុន

នៅ

ថ្ងៃចន្ទ ២០ មករា ២០២៥

ដោយ

អតីតអគ្គនាយិកាកម្មវិធី Miss Grand Cambodia បានចេញមុខមកស្នើសុំ និងអង្វរយ៉ាងទទូច ចំពោះអ្នកបើកបររថយន្តនៅលើដងផ្លូវ សូមមេត្តាបើកបរដោយប្រុងប្រយ័ត្ន ព្រោះអាណិតដល់អាយុជីវិតអ្នកដទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខរបស់អតីតអគ្គនាយិកាកម្មវិធី Miss Grand Cambodia រូបនេះ ដោយសារសង្កេតឃើញថាអំឡុងពេលមួយរយៈចុងក្រោយនេះ កើតមានករណីគ្រោះថ្នាក់ចរាចរណ៍ដ៏រន្ធត់ជាបន្តបន្ទាប់ បណ្ដាលឲ្យស្លាប់ និងរងរបួសធន់-ស្រាល។

លើសពីនេះ អ្នកស្រី អ៊ឹម សុគន្ធា ក៏បានភ្ជាប់នឹងករណីគ្រោះថ្នាក់មួយ ដោយរថយន្តបើកបុកលោកតាវ័យ ៨២ ឆ្នាំ ប្រកបរបរធាក់ស៊ីក្លូ បណ្ដាលឲ្យរងរបួសធ្ងន់។

អ្នកស្រី អ៊ឹម សុគន្ធា លើកឡើងថា «ឃើញហើយទឹកភ្នែក មិនអាចទប់បាន ខ្ញុំមិនអាចទៅជួបសួរសុខទុក្ខគាត់បានទេ តែចៅនឹងជួយលោកតាពីចម្ងាយ សុំចិត្តអ្នកបើកបរទាំងឡាយលើដងផ្លូវជួយបើកបរដោយប្រយ័ត្នប្រយែង អាណិតដល់អាយុជីវិតអ្នកដទៃដែលមិនដឹងអី»។

អតីតអគ្គនាយិកាកម្មវិធី Miss Grand Cambodia អ្នកស្រី អ៊ឹម សុគន្ធា និយាយទៀតថា អាយុជីវិតមនុស្សយើងម្នាក់ៗ ថ្លៃណាស់ លុយមិនអាចទិញបានទេ សូមគិតដល់អាយុជីវិតគេ និងក្រុមគ្រួសារដែលគេស្រលាញ់កូនចៅគេផង។

ការបញ្ចេញមតិរបស់អ្នកស្រី អ៊ឹម សុគន្ធា នេះ ដោយសារកត់សម្គាល់ឃើញថា រាល់ថ្ងៃ បញ្ហាគ្រោះថ្នាក់ចរាចរណ៍នៅបន្តកើតមានជាបន្តបន្ទាប់ ខណៈការបើកបរមួយចំនួនហាក់នៅមានការធ្វេសប្រហែស និងមិនចូលរួមគោរពច្បាប់ចរាចរណ៍ទាំងអ្នកធ្វើដំណើរដោយម៉ូតូ និងរថយន្ត ជាដើម៕

អត្ថបទ ៖ ចាន់រ៉ា