នៅក្រៅសាច់រឿង តួសម្ដែង «Squid Game 2» សុទ្ធតែជាប់ក្នុងបញ្ជីអ្នកមានទ្រព្យរាប់លានដុល្លារ

រដូវកាលទី២ នៃភាពយន្ត «Squid Game 2» បានបំបែកកំណត់ត្រាទាំងអស់ ប៉ុន្តែផ្ទុយពីជោគវាសនាសោកនាដកម្មរបស់តួសម្ដែងនៅលើកញ្ចក់ទូរទស្សន៍ តារាប៉ុន្មានដួងនោះកំពុងរកលុយក្នុងជីវិតពិតយ៉ាងសស្រាក់ស្រាំបំផុត។

មិនតែប៉ុណ្ណោះ Squid Game មិន​ត្រឹម​តែ​ល្បីល្បាញលើពិភពលោក​ប៉ុណ្ណោះ​ទេ ប៉ុន្តែ​វា​ក៏​ជាភាពយន្តដែលជួយផ្នែកសេដ្ឋកិច្ច​ក្នងប្រទែសកូរ៉េផង​ដែរ។ យោងតាម ​​Bloomberg ជាមួយនឹងការចំណាយលើការផលិតត្រឹមតែ ២១.៤ លានដុល្លារ រដូវកាលដំបូងបានជួយ Netflix រកចំណូលជិត ៩០០ លានដុល្លារ។ ដូច្នេះ​មិន​មាន​អ្វី​ភ្ញាក់​ផ្អើល​ទេ​ ដែល​តារា​ខាងក្រោមនេះទទួល​បាន​ប្រាក់​ខែ​ខ្ពស់​កប់​ពពក ជាមួយនឹងការបន្តជោគជ័យនៃវគ្គ២។

១. Lee Byung-hun តួ Front Man ដ៏អាថ៌កំបាំង មានទ្រព្យសម្បត្តិ – ២០ លានដុល្លារ

ដោយតួជា Front Man ដ៏អាថ៌កំបាំងក្នុងរឿង Squid Game ជាមួយនឹងតួនាទីដ៏គួរឲ្យចាប់អារម្មណ៍ បាននាំ Lee Byung-hun ទទួលបានតំណែងកំពូលក្នុងបញ្ជីអ្នកមានរបស់តួសម្តែង។ ជាមួយនឹងបទពិសោធន៍ជាង ៣០ ឆ្នាំនៅក្នុងឧស្សាហកម្មកម្សាន្ត គាត់មិនត្រឹមតែក្លាយជាតារាជាប់កិច្ចសន្យាភាពយន្តដ៏ធំប៉ុណ្ណោះទេ ប៉ុន្តែគាត់ក៏ជាអ្នកមានទ្រព្យសម្បត្តិដ៏ច្រើនលើសលុបម្នាក់ដែរ។

រាប់ចាប់តាំំងពីគម្រោងល្បីៗរបស់ហូលីវូដ រហូតដល់តំណាងឲ្យម៉ាកសម្លៀកបំពាក់ប្រណីតដូចជា Prada និង Sony តារាប្រុសវ័យ៥៤ឆ្នាំក៏ជាវិនិយោគិនដ៏ឆ្លាតវៃផងដែរ ជាម្ចាស់ក្រុមហ៊ុនប្រឹក្សាអចលនទ្រព្យ Project B ដែលជាផ្ទះវីឡាកម្ពស់១៦ ជាន់នៅទីក្រុងសេអ៊ូល និងផ្ទះតម្លៃ ២ លានដុល្លារ នៅជិតហូលីវូដ។ គាត់ថែមទាំងមានក្រុមហ៊ុនគ្រប់គ្រងដ៏ជោគជ័យ BH Entertainment និងហាង BHNC ផងដែរ។

២. Gong Yoo ​តួសម្ដែងលេចធ្លោនៃការផ្សាយពាណិជ្ជកម្ម មានទ្រព្យសម្បត្តិ – ១៤ លានដុល្លារ

ជាមួយនឹងអាជីពសម្ដែងដែលមានរយៈពេលជាង២ទសវត្សរ៍ Gong Yoo បានបន្សល់ទុកនូវចំណាប់អារម្មណ៍ ចំពោះទស្សនិកជនតាមរយៈស្នាដៃល្បី ៗ ជាច្រើនដូចជា Train to Busan និង Goblin ។ គាត់ក៏បុសរសង្ហាតំណាងឲ្យយីហោធំៗរបស់ Louis Vuitton, Tom Ford Beauty, Chanel, New Balance ដែលនាំមកនូវប្រាក់ចំណូលយ៉ាងច្រើន។ តារាប្រុសក៏មានផ្ទះជួលតម្លៃ ៨ លានដុល្លារនៅទីក្រុងសេអ៊ូល ដែលជាផ្ទះវិស្សមកាលតម្លៃ ៥៣៧,០០០ដុល្លារ និងជាកន្លែងប្រមូលផ្តុំរថយន្តទំនើបក្នុងក្តីស្រមៃដូចជា Porsche 911, Mercedes-Benz S-Class, Kia Cadenza ។

៣. Lee Jung-jae អ្នកលេងល្អបំផុត មានទ្រព្យសម្បត្តិ – ១២លានដុល្លារ

មុនពេលថតរឿង Squid Game តារាប្រុស Lee Jung-jae មានកេរ្តិ៍ឈ្មោះល្បីល្បាញនៅក្នុងឧស្សាហកម្មភាពយន្តកូរ៉េស្រាប់ទៅហើយ។ តួនាទីរបស់ Seong Gi-hun បានធ្វើឲ្យអាជីពរបស់គាត់ឈានដល់កម្រិតថ្មី ជាមួយនឹងពានរង្វាន់ដ៏មានកិត្យានុភាពជាបន្តបន្ទាប់។

Lee Jung-jae ក៏ត្រូវបានគេនិយាយថា ទទួលបានប្រាក់ ២៤៨,០០០ ដុល្លារក្នុងមួយវគ្គសម្រាប់រដូវកាលទី ១ ហើយថែមទាំងទាមទារប្រាក់ខែ ១ លានដុល្លារក្នុងមួយវគ្គសម្រាប់រដូវកាលទី២ ផងដែរ។​ គាត់ក៏បានចាប់ដៃគ្នាជាមួយ Gucci ដែលជាសហកម្មសិទ្ធិរបស់ក្រុមហ៊ុន Artist និងកាន់កាប់អចលនទ្រព្យដែលមានតម្លៃជិត ៤០ លានដុល្លារឯណោះ។

៤. TOP: តួនាទី Rapper មានទ្រព្យសម្បត្តិ – ១២លានដុល្លារ

ការ​វិល​ត្រឡប់​ដែល​មិន​នឹក​ស្មាន​ដល់​របស់ T.O.P ក្នុងរឿង Squid Game វគ្គ២ បាន​ធ្វើ​ឲ្យទស្សនិកជន​ភ្ញាក់​ផ្អើលជាខ្លាំង។ សមាជិក BigBang រូបនេះ មិនត្រឹមតែជាតារារ៉េបដែលមានទេពកោសល្យប៉ុណ្ណោះទេ ថែមទាំងជាតារាសម្តែងដែលលេចធ្លោផងដែរ។ គាត់មានផ្ទះចំនួន ៣ រួមទាំងផ្ទះចំនួន ២.៦ លានដុល្លារនៅទីក្រុងសេអ៊ូលជាមួយនឹងការប្រមូលសិល្បៈដ៏ធំនាពេលកន្លងមក។

លើសពីនេះ T.O.P ក៏ជាស្តេចនៃការផ្សាយពាណិជ្ជកម្មផងដែរ ដោយរកចំណូលបាន ៥០០០,០០០ ដុល្លារសម្រាប់កិច្ចសន្យារយៈពេល ៦ ខែ និងទ្វេដងសម្រាប់កិច្ចសន្យារយៈពេល ១ ឆ្នាំ។ ដោយមានអ្នកតាមដានជាង ១៩លាននាក់នៅលើ Instagram TOP ក៏រកបានប្រាក់យ៉ាងច្រើនពីកិច្ចសន្យាម៉ាកយីហោផងដែរ។

៥. Park Gyu-young មានទ្រព្យសម្បត្តិ– ៥ លានដុល្លារ

Park Gyu-young បានយកឈ្នះទស្សនិកជនជាមួយនឹងការសម្តែងចម្រុះរបស់នាងក្នុងនាមជាតួអ្នកបាញ់លេខ ០១១ នៅក្នុងវគ្គ២។ តារាស្រីវ័យក្មេងរូបនេះបានលេចមុខក្នុងខ្សែភាពយន្តល្បីៗជាច្រើនដូចជា It’s Okay to Not Be Okay និង Sweet Home ។ នាងគឺជាទូតសុឆន្ទៈរបស់ Gucci ដោយសហការជាមួយ Tiffany and Co. និងម៉ាកគ្រឿងសំអាងធំៗជាច្រើន ដែលនាំមកនូវទ្រព្យសម្បត្តិចំនួន ៥លានដុល្លារ។

៦. Park Sung-hoon: បុរសកែភេទដ៏មានទេពកោសល្យ ដែលមានទ្រព្យសម្បត្តិ – ៣លានដុល្លារ

ថ្វីដ្បិតតែថា Park Sung-hoon រងនូវភាពចម្រូងចម្រាសជាមួយនឹងតួនាទីជា Hyun Ju ប៉ុន្តែយ៉ាងណាលោកបានបញ្ជាក់ជំហរផ្ទាល់ខ្លួននៅក្នុងឧស្សាហកម្មកម្សាន្តកូរ៉េ។ តារាប្រុសបាន​ទិញ​អាផាតមិន​តម្លៃ ១.៤ លាន​ដុល្លារ​នៅ​តំបន់​លំនៅឋាន​ដ៏​ធំ​នៃ​ទីក្រុង Seongdong-gu។ លោក​ក៏​ជា​មុខ​មាត់​របស់​ម៉ាក​ម៉ូដ​លំដាប់​ខ្ពស់​ជា​ច្រើន​ដូច​ជា Valentino, YSL និង Gucci។

៧. Wi Ha-joon: តួអង្គប៉ូលិសសង្ហា​ ដែលមានទ្រព្យសម្បត្តិ – ៣លានដុល្លារ

ទោះបីជាតួអង្គប៉ូលិសត់នៅក្នុង Squid Game 2 បង្កឲ្យមានភាពចម្រូងចម្រាសជាច្រើនក៏ដោយ ក៏វាមិនអាចប្រកែកបានថា Wi Ha-joon បានក្លាយជាតួប្រុសដែលគេស្វែងរកច្រើនបំផុត។ ជាមួយនឹងរូបរាងដ៏សង្ហា និងការសម្ដែងដ៏គួរឲ្យចាប់អារម្មណ៍ គាត់មិនត្រឹមតែបានបង្ហាញខ្លួននៅក្នុងខ្សែភាពយន្តល្បីៗដូចជា Little Women និង Gonjiam: Haunted Asylum ប៉ុណ្ណោះទេ ប៉ុន្តែគាត់ក៏ជាមុខមាត់គួរឲ្យទុកចិត្តសម្រាប់ម៉ាកយីហោជាច្រើនផងដែរ។

តារាប្រុសវ័យ ៣៣ឆ្នាំ សហការជាមួយម៉ាកល្បីៗជាច្រើនដូចជា Louis Vuitton, Prada, TAG Heuer ហើយត្រូវបានតែងតាំងជាទូតសុឆន្ទៈតំណាងឲ្យម៉ាកយីហោពិភពលោករបស់ TAG Heuer បន្ទាប់ពីជោគជ័យក្នុងរឿង Squid Game វគ្គ២៕

អត្ថបទ៖ សាង ស្រីល័ក្ខ

​ចុចអាន៖ អ្នក​គាំទ្រ​ខក​ចិត្តដែល «Squid Game 2» មិនទទួល​ពាន Golden Globe  នៅអាមេរិក ដូចការគ្រោងទុក