ជីវិតកម្សាន្ដ

ក្រោយបែកផ្លូវជាមួយប្រពន្ធ! Kelly ប្រាប់ត្រង់ៗថា ផ្លូវចិត្តពេលនេះកំពុងទ្រុឌទ្រោមខ្លាំង

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

Kelly Tanapat និងភរិយាវ័យក្មេងរូបស្រស់បានចាប់ដៃនិងរស់នៅជាមួយគ្នាជាប្ដីប្រពន្ធកាលពីចុងឆ្នាំ២០១៨ បើគិតមកដល់ពេលនេះមានរយៈពេលជិត៣ឆ្នាំហើយ។ ប៉ុន្តែមកដល់ពេលនេះ ចំណងចងផ្អោបគ្នារបស់តារាសម្ដែងលោក Kelly និងភរិយា បានបញ្ចប់ដាច់ស្រេចទៅហើយ។ នេះបើតាមការបញ្ជាក់តារាប្រុសខាងលើ បន្ទាប់ពីមានផ្ទុះព័ត៌មានអំពីការបែកបាក់គ្នារបស់លោកកាលពីថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មកដល់ថ្ងៃទី១៧ ខែមីនាម្សិលមិញ មានឱកាសបានជួបអ្នកសារព័ត៌មានជាថ្មីម្ដងទៀត Kelly ក៏បានបកស្រាយបន្ធែមជុំវិញរឿងរ៉ាវបែកបាក់ស្នេហ៍នេះ។ តារាថៃខាងលើក៏បានបង្ហើបពីអារម្មណ៍របស់លោកថា ស្ថានភាពផ្លូវចិត្តនាពេលនេះកំពុងតែទ្រុឌទ្រោមខ្លាំង។ មិនទាន់រួចរាល់សម្រាប់ការបន្តដំណើរទៅមុខទៀតនោះទេ ។ ប៉ុន្តែយ៉ាងណា Kelly បន្ថែមថា ខ្ញុំមិនសោកស្តាយអតីតកាលទេ ព្រោះនៅមានរឿងល្អៗជាច្រើនទៀត។

គួរបញ្ជាក់ថាការបែកបាក់គ្នារវាងលោក Kelly និងភរិយា ត្រូវបានតារាសម្ដែងប្រុសរូបនេះបើកចំហរមូលហេតុថា ជាការរស់នៅមិនចុះសម្រុងគ្នា និងអាចមកពីកត្តាគម្លាតអាយុខុសគ្នាខ្លាំងរវាងអ្នកទាំងពីរផងដែរ ហើយអ្វីដែលសំខាន់ពិតជាមិនមានពាក់ព័ន្ធនឹងបញ្ហាជនទី៣នោះទេ៕