ជីវិតកម្សាន្ដ

Ahreum អតីតក្រុម T-ara ប្តឹងឧទ្ធរណ៍តបវិញ ក្រោយតុលាការកាត់ទោស៨ ខែ និងព្យួរ២ឆ្នាំ

បានផុស

២ ខែ មុន

នៅ

ថ្ងៃអង្គារ ២៨ មករា ២០២៥

ដោយ

អតីតសមាជិកក្រុម T-ara Ahreum បានប្តឹងឧទ្ធរណ៍ប្រឆាំងនឹងការព្យួរទោសរបស់នាង សម្រាប់ការចោទប្រកាន់ពីបទបំពានលើកុមារ និងការបរិហារកេរ្តិ៍។ នេះបើយោងតាមការចុះផ្សាយពី Allkpop នៅថ្ងៃទី២៨ ខែមករា ឆ្នាំ ២០២៥។

យោងតាមរបាយការណ៍ Ahreum បានដាក់ពាក្យប្តឹងឧទ្ធរណ៍តាមរយៈតំណាងស្របច្បាប់របស់នាង កាលពីថ្ងៃទី ២៣ ខែមករាដោយជំទាស់នឹងសេចក្តីសម្រេចរបស់តុលាការដំបូង។ កន្លងមក សាខា Ansan នៃតុលាការស្រុក Suwon បានកាត់ទោសអតីតក្រុម T-ara ឲ្យជាប់ពន្ធនាគាររយៈពេល ៨ ខែ ព្យួររយៈពេល២ឆ្នាំ ក្រោមការចោទប្រកាន់ពីបទបំពានលើកុមារ និងបរិហារកេរ្តិ៍។ នាងក៏ត្រូវបានបញ្ជាឲ្យចូលរួមការអប់រំបង្ការការរំលោភបំពានលើកុមាររយៈពេល ៤០ ម៉ោងផងដែរ។

មិនតែប៉ុណ្ណោះ Ahreum បានចោទប្រកាន់ថា អតីតស្វាមីរបស់នាង បានប្រព្រឹត្តអំពើហឹង្សាលើកូនរបស់ពួកគេក្នុងអំឡុងពេលរៀបការ។ ជាការឆ្លើយតប អតីតស្វាមីបានដាក់ពាក្យបណ្តឹងកាលពីខែកុម្ភៈឆ្នាំមុនប្រឆាំងនឹងនាង ព្រមទាំងម្តាយរបស់នាង ដោយចោទប្រកាន់ពួកគេពីបទរំលោភលើច្បាប់សុខុមាលភាពកុមារ (ការរំលោភបំពាន និងការមិនយកចិត្តទុកដាក់លើកុមារ) និងប្រព្រឹត្តិអំពើចាប់ពង្រត់ និងបោះបង់ចោលអនីតិជន។

ក្រោយមក នៅថ្ងៃទី ១៦ ខែមករា Ahreum ត្រូវបានកាត់ទោសពីបទចាប់ពង្រត់អនីតិជន និងបំពានច្បាប់ស្តីពីការលើកកម្ពស់ការប្រើប្រាស់បណ្តាញទំនាក់ទំនង និងការការពារព័ត៌មាន (បរិហារកេរ្តិ៍)។ នាងត្រូវបានកាត់ទោសឱ្យជាប់ពន្ធនាគាររយៈពេល ៨ ខែជាមួយនឹងការព្យួររយៈពេល ២ ឆ្នាំ។ ម្តាយរបស់នាងក៏បានទទួលទោសដាក់ពន្ធនាគារ៤ខែព្យួរ១ឆ្នាំផងដែរចំពោះបទចោទពាក់ព័ន្ធ។

គួរបញ្ចាក់ដែរថា Ahreum បានបង្ហាញខ្លួនជាលើកដំបូងជាសមាជិកក្រុម T-ara ប៉ុន្តែបានចាកចេញពីក្រុមនៅឆ្នាំ ២០១៣ ។ នាងបានរៀបការម្តងទៀតនៅឆ្នាំ ២០១៩ បន្ទាប់ពីលែងលះជាមួយប្តីដំបូងរបស់នាង ដែលនាងមានកូនប្រុសពីរនាក់។ កាលពីឆ្នាំមុន នាងបានប្រកាសពីកំណើតកូនទីបី បន្ទាប់មកមានដំណឹងនៃការមានផ្ទៃពោះលើកទីបួនរបស់នាង៕