ជីវិតកម្សាន្ដ

Rith Omega នឹងនាំ ប៊ុត សីហា ប្រឡូកវិថីសិល្បៈវិញជាមួយ YK Lab ដោយរំពឹងថា សាធារណជនផ្តល់ឱកាស

បានផុស

១ ខែ មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

អ្នកដឹកនាំសម្តែងវ័យក្មេង លោក ឃុន ធារិទ្ធិ (Rith Omaga) បញ្ជាក់ថា ខ្លួននិងអតីតជ័យលាភីលេខ១ កម្មវិធី The Voice Cambodia រដូវកាលទី១ (ឆ្នាំ២០១៤) បានជួបជជែកលក្ខណ្ឌការងារជាមួយគ្នារួចរាលហើយ ដើម្បីត្រៀមចូលរួមជាមួយនឹង YK Lab (យុគៈ) ដោយរំពឹងថា មហាជននឹងទុកឱកាសដល់អ្នកដែលធ្លាប់ធ្វើខុសហើយចង់កែខ្លួន។នេះបើតាមការបញ្ជាក់របស់លោក ឃុន ធារិទ្ធិ លើបណ្តាញទំនាក់ទំនងផ្ទាល់ខ្លួននៅរសៀលថ្ងៃទី៣០ មករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃុន ធារិទ្ធិ បានរៀបរាប់ថា “ខ្ញុំបានជួប ប៊ុត សីហា ហេីយបានឱ្យ សីហា និយាយរឿងក្នុងចិត្តរបស់សីហា និង រឿងការងារ លក្ខណ្ឌការងារដែលគាត់ចូលរួមជាមួយនឹង YK Lab ( យុគៈ )”។ អ្នកដឹកនាំសម្តែងវ័យក្មេងរូបនេះ សង្ឃឹមថា មហាជននឹងទុកឱកាសឱ្យអតីតអ្នកចម្រៀងរូបនេះ ខណៈលោកជឿជាក់ថា លោកប្រាកដជាអាចធ្វេីឱ្យលោក ប៊ុត សីហា ត្រលប់មកវិញក្នុងរូបរាងថ្មី និងរសជាតិថ្មី។

លោកថា “ខ្ញុំធ្លាប់ខុស សីហាធ្លាប់ខុស ខ្ញុំបាននិយាយប្រាប់ពីបញ្ហាខ្ញុំធ្លាប់ជួប នឹងលេីកទឹកចិត្តឱ្យសីហាត្រលប់មកវិញ ជាមួយនឹងខ្ញុំ…”។

ទន្ទឹមនឹងការស្នើសុំឱកាសនេះដែរ សាធារណជនក៏បានបង្ហាញការគាំទ្រ មិនយកទោសអូសដំណើរតារាចម្រៀងនេះឡើយ ហើយថែមទាំងបានលើកទឹកចិត្តលោក ឱ្យបន្តដំណើរលើអាជីពមួយនេះ ជាមួយជំនាញនិងទេពកោសល្យ ធ្វើជាមនុស្សដែលមានគុណតម្លៃដល់សង្គមជាតិ។

គួររំលឹកថា លោក ប៊ុត សីហា ធ្លាប់ផុងខ្លួនជាមួយនឹងគ្រឿងញៀន តែមានចិត្តចង់កែប្រែខ្លួនធ្វើជាមនុស្សល្អ និងបន្តបំពេអារម្មណ៍អ្នកគាំទ្រខ្លួនបន្តទៀត ជាមួយនឹងទេពកោសល្យច្រៀងដែលលោកមាន៕ អត្ថបទ៖ សុធាវី