មួយឃ្លាពីម្ចាស់ជ័យលាភី RAPPER FIGHTER ធ្វើឱ្យមហាជនពោលថា ទប់ទឹកភ្នែកមិនបានទេ

ក្នុងការប្រកួតផ្តាច់ព្រ័ត្រ RAPPER FIGHTER រដូវកាលទី១ កាលពីយប់មិញនេះ OGGolden ដណ្តើមបានម្ចាស់ខ្សែកជ័យលាភី ធ្វើឱ្យមហាជនរំភើបស្រក់ទឹកភ្នែក ដោយសារតែ OGGolden ជាកូនក្រុមរបស់ Ruthko ដែលទើបតែចែកចាយឋានទៅ បន្សល់ត្រឹមអនុស្សាវរីយ៍ឱ្យគេនៅអាឡោះអាល័យ។

ទោះគ្មានវត្តមានគ្រូបង្វឹកនៅចាំបង្ហាញតម្រង់ទិសដល់ឆាកប្រកួតផ្តាច់ព្រ័ត្រ តែ OGGolden បានប្រឹងប្រែងអស់ពីសមត្ថភាពដើម្បីតបស្នងនឹងតម្លៃដែល Ruthko ធ្លាប់ចង្អុរបង្ហាញខ្លួនកន្លងមក ជាមួយនឹងប្រយោគមួយឃ្លាថា «លោកគ្រូ ខ្ញុំធ្វើបានហើយលោកគ្រូ» ។

ជាមួយនឹងពាក្យពេចន៍មួយប្រយោគនេះ ទស្សនិកជនដែលនៅទីតាំងឆាកប្រកួតផ្ទាល់ បានស្រែកហ៊ោបន្ទោរអបអរ ខណៈមហាជនដែលទស្សនាតាមការ Live ផ្ទាល់ឯណេះវិញ ក៏បង្ហាញក្តីរំជួលចិត្តជាមួយនឹងម្ចាស់ជ័យលាភីរូបនេះផងដែរ តាមរយៈការបញ្ចេញមតិ។

ជ័យជំនះ OGGolden ធ្វើបាន បន្ទាប់ពីឆ្លងកាត់ការប្រកួតដ៏ស្វិតស្វាញអស់ជាច្រើនវគ្គ ក្នុងកម្មវិធីប្រឡងចម្រៀងរ៉េប Ra pper Fighter រដូវកាលទី១ ជាមួយខ្សែកជ័យលាភី និងងទឹកប្រាក់ ៦០លានរៀល។

ការឈ្នះពាននេះក៏ជាការឧទ្ទិសកុសលទៅកាន់ព្រលឹង Coach របស់ខ្លួនផងដែរ ដែលតាមថែរក្សារហូតដល់គេអាចលើកពានបានយ៉ាងជោគជ័យនិងគួរមោទន:។ អ្នកគាំទ្របានលើកឡើងថាអារម្មណ៍មួយនេះ សប្បាយលាយឈឺចាប់គឺ ពិបាកទប់ណាស់ជោគជ័យហើយ ធ្វើបានហើយតែគ្មានវត្តមានគ្រូនៅក្បែរ៕