ជីវិតកម្សាន្ដ

តារាស្រីល្បីស្អាតដាច់គេ Joey Wong បង្ហាញមុខគ្មានគ្រឿងតុបតែង ក្នុងថ្ងៃកំណើត ៥៨ ឆ្នាំ

បានផុស

១ ខែ មុន

នៅ

ថ្ងៃចន្ទ ៣ កុម្ភៈ ២០២៥

ដោយ

នៅក្នុងការថតរូប Selfie នៅលើប្រព័ន្ធផ្សព្វផ្សាយសង្គមរបស់ Joey Wong បានទាក់ទាញការចាប់អារម្មណ៍ជាមួយនឹងមុខទទេស្អាតគញមានការតុបតែ ទាំងសម្លៀកបំពាក់ធម្មតា និងមួកត្បាញពណ៌ខ្មៅ។ ក្នុងនោះតារាស្រីបានសរសេរថា សួស្តីឆ្នាំថ្មី! រីករាយថ្ងៃកំណើតក្នុងឆ្នាំម្យាញ់។

ការបង្ហោះរបស់តារាស្រី វ័យ៥៨ឆ្នាំ ទទួលបានការចាប់អារម្មណ៍យ៉ាងឆាប់រហ័ស។ មនុស្សជាច្រើនបានសម្ដែងការភ្ញាក់ផ្អើលចំពោះសម្រស់របស់ Joey Wong ទោះជាមានវ័យជ្រេបន្តិចក្ដី ប៉ុន្តែនាងត្រូវបានគេសរសើរថា មើលទៅក្មេងជាងអាយុជាមួយនឹងស្បែកសពណ៌ផ្កាឈូក ដែលមានសុខភាពល្អ មានស្នាមជ្រីវជ្រួញtតិចៗ ព្រមទាំងសក់ខ្មៅក្រាស់។

កន្លងមកពិភពកម្សាន្តមានពាក្យចចាមអារ៉ាមថា Joey Wong បានជួបគ្រោះថ្នាក់ចរាចរណ៍ធ្វើឲ្យមុខនាងខូចមុខ។ ទោះជាយ៉ាងណា តារាស្រីរូបនេះបានបដិសេធ។ ជាងមួយទសវត្សរ៍កន្លងមកនេះ តារាស្រីរូបនេះកម្របានត្រឡប់ទៅហុងកុង ហើយគ្មានចេតនាវិលមកសម្តែងវិញទេ។

Wong Cho-Hsien ត្រូវបានគេចាត់ទុកថាជាសម្រស់មួយនៃឧស្សាហកម្មកម្សាន្តចិនក្នុងទសវត្សរ៍ឆ្នាំ ១៩៨០-១៩៩០ នៃសតវត្សរ៍ចុងក្រោយ។ សម្រស់ស្អាតឥតខ្ចោះ មានទាំងផ្អែមល្ហែម និងបុរាណជួយឲ្យនាងល្បីក្នុងវិស័យសិល្បៈយ៉ាងងាយ។

ឈ្មោះរបស់ Joey Wong ត្រូវបានផ្សារភ្ជាប់ជាមួយនឹងខ្សែភាពយន្តដូចជា A Chinese Ghost Story, Green Snake, A Dream of the Wandering World, Shanghai Story, God of Gamblers, Pan Jinlian។ ក្រៅពីការសម្ដែង សម្រស់អេក្រង់របស់ចិនក៏ច្រៀង និង បានចេញផ្សាយកំណត់ត្រាជាភាសាជប៉ុន។

Joey Wong ត្រូវបានគេចុះបញ្ជីម្តងហើយម្តងទៀតថាជានារីស្អាតបំផុតនៅលើកញ្ចក់ទូរទស្សន៍ចិន ហើយជាការចង់បានរបស់បុរសអាស៊ីពេញមួយទសវត្សរ៍ទី ៩០ នៃសតវត្សចុងក្រោយនេះ។ នាងជាតារាស្រីដ៏ស្រស់ស្អាតម្នាក់ក្នុងចំណោមសម្រស់ដ៏អស្ចារ្យទាំងបួននៃឧស្សាហកម្មកម្សាន្តហុងកុងរួមជាមួយនឹង Maggie Cheung, Chung Chu Hung និង Rosamund Kwan។

ក្នុងឆ្នាំ ២០០០ តារាតៃវ៉ាន់ បានសម្រេចចិត្តចាកចេញពីការចាប់អារម្មណ៍ ហើយទៅរស់នៅប្រទេសកាណាដា។ នាងធ្លាប់មានបំណងចង់ត្រលប់មកសម្តែងវិញ ប៉ុន្តែបន្ទាប់ពីមរណភាពរបស់មិត្តជិតស្និទ្ធរបស់នាង Leslie Cheung ក្នុងឆ្នាំ ២០០៣ សម្រស់ដែលមាននាមត្រកូល Wang បានសម្រេចចិត្តមិននៅប្រឡូកក្នុងវិស័យសិល្បៈឡើយ៕