តារាសម្ដែង Barbie Hsu តួអង្គ សាន ឆាយ បានលាចាកលោកហើយ

តារាសម្តែងស្រី ជនជាតិតៃវ៉ាន់ Barbie Hsu ដែលត្រូវបានគេស្គាល់តាមរយៈការសម្ដែង ជាតួអង្គ សាន ឆាយ នៅក្នុងរឿង Meteor Garden ឬ F4 បានទទួលមរណភាពក្នុងអាយុ 48 ឆ្នាំ។

នៅក្នុងសេចក្តីថ្លែងការណ៍មួយ ដែលចែករំលែកដោយគ្រួសាររបស់នាងបានបញ្ជាក់ពីការស្លាប់របស់នាងនាពេលថ្មីៗនេះ ថាដោយសារ ផ្ដាសាយ និង ជំងឺរលាកសួត។

ប្ដូនស្រីរបស់ Barbie បានសរសេរសារចែករំលែកទៅក្នុងបណ្ដាញសង្គមថា “អរគុណអ្នកទាំងអស់គ្នាសម្រាប់ការព្រួយបារម្ភ! ក្នុង​ឱកាស​បុណ្យ​ចូល​ឆ្នាំចិន គ្រួសារ​យើង​បាន​ធ្វើ​ដំណើរ​ទៅ​ប្រទេស​ជប៉ុន។ ជាអកុសល បងស្រីជាទីស្រឡាញ់ និងចិត្តល្អរបស់យើង ឈ្មោះ Xiyuan (ឈ្មោះរបស់ Barbie Hsu) បានទទួលមរណភាព បន្ទាប់ពីឆ្លងជំងឺផ្តាសាយ និងរលាកសួត។ ខ្ញុំ​មាន​អំណរគុណ ​ដែល​ខ្ញុំ​អាច​ក្លាយ​ជា​ប្អូនស្រី​របស់​នាង​ពេញ​មួយ​ជីវិត​ដោយ​មើល​ថែ និង​កំដរ​គ្នា​ទៅ​វិញ​ទៅ​មក។ ខ្ញុំនឹងដឹងគុណអ្នកជានិច្ច ហើយនឹងនឹកអ្នក!

Shan ~ (ឈ្មោះហៅក្រៅខ្លីសម្រាប់ Xiyuan) សូមធ្វើដំណើរប្រកបដោយសុវត្ថិភាព! ខ្ញុំស្រលាញ់អ្នកជារៀងរហូត។ រួមគ្នាចងចាំជារៀងរហូត”។