អតីតអ្នកគ្រប់គ្រង MGC ព្រមានបញ្ចេញមុខបរវរកញ្ញាម្នាក់ ដែលប្រើសម្តីមិនសមរម្យលើខ្លួន

អ្នកស្រី អុឹម សុគន្ធា បានធ្វើឱ្យអ្នកគាំទ្រភ្ញាក់ផ្អើលនិងចាប់អារម្មណ៍ ខណ:ដែលសុខៗបានចេញមុខសព្រមានបរវរកញ្ញាម្នាក់ ដែលអ្នកនាងអះអាងថា អត្ថចរិតមិនល្អ និងសម្តីឈ្លើយដាក់ខ្លួន។

ចំពោះការប្រតិកម្មដោយបញ្ចេញអារម្មណ៍មិនសប្បាយចិត្ត និងការព្រមានទម្លាយមុខបរវរកញ្ញាម្នាក់ពីសំណាក់អ្នកស្រី អុឹម សុគន្ធា ពេលនេះ ត្រូវគេដឹងថា ទើបតែជាលើទី១ ដែលអតីតអ្នកគ្រប់គ្រង Miss Grand Cambodia ២០២៤ រូបនេះ ផ្ទុះកំហឹងខ្លាំងព្រមានចាត់វិធានការផ្លូវច្បាប់ទៅលើបុគ្គលបរវរកញ្ញាម្នាក់នោះ។

បើតាមអ្នកស្រី អុឹម សុគន្ធា បានបញ្ចេញសំណេរនៅលើទំព័រហ្វេករបស់ខ្លួនដោយព្រមានថា “ការអត់ឱនមានដែនកំណត់ បើនៅតែបន្តឈ្លើយបែបនេះ ផុសឱ្យខ្មាស់គេម្ដង…”។ អ្នកនាងបានបញ្ជាក់ប្រាប់អ្នកគាំទ្រដោយខ្លីទៀតថា ខ្លួនគិតថាមិនចង់ផុសទេ តែនេះច្រើនដងពេកហើយ។

អតីតអ្នកគ្រប់គ្រង Miss Grand Cambodia អុឹម សុគន្ធា បានបញ្ជាក់បន្ថែមថា បវរកញ្ញារូបនោះឈ្លើយណាស់ មិនដែលឃើញទេខំជួយអត់ប្រយោជន៍ ទំនេរតិចទៀតទៅរកមេធាវីសិន។ ទោះបីយ៉ាងណា ក៏មានអ្នកគាំទ្រមួយចំនួនបានសួរនាំ ប៉ុន្តែនាងមិនទាន់បង្ហើបទេថាបរវរកញ្ញាម្នាក់នេះគឺជានណា ហើយកើតមានជម្លោះដោយរឿងអ្វីឱ្យពិតប្រាកដឡើយ៕ អត្ថបទ៖​ ចាន់រ៉ា