Taylor Swift ធ្វើរឿងចម្លែកក្នុងកម្មវិធី Grammy Awards

ពិធីប្រគល់ពានរង្វាន់តន្ត្រីដ៏ល្បីល្បាញបំផុតរបស់ពិភពលោក Grammy 2025 កំពុងប្រព្រឹត្តទៅនៅទីក្រុង Los Angeles សហរដ្ឋអាមេរិក Grammy 2025 ប្រមូលផ្តុំតារាល្បីៗជាច្រើនដូចជា Taylor Swift, Lady Gaga, Sabrina Carpenter, Paris Hilton, Olivia Rodrigo, Miley Cyrus, Billie Eilish, Jaden – Willow Smith, Kanye West ជាដើម។

ក្នុងអំឡុងពេលនៃពិធីប្រគល់ពានរង្វាន់ ពេលដែល Taylor ក្រោកឈរតែម្នាក់ឯងដើម្បីលើកទឹកចិត្ត Sabrina Carpenter នៅលើឆាក​ បានក្លាយជាចំណុចកណ្តាលនៃការចាប់អារម្មណ៍។ ដោយ​សារ​តែ​ស្លៀក​សម្លៀក​បំពាក់​ពណ៌​ក្រហម តារា​ចម្រៀង​ស្រី​ល្បី​ឈ្មោះ​កាន់​តែ​លេចធ្លោ​ក្នុង​ចំណោម​មហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ Taylor ក៏បាននាំមិត្តជិតស្និទ្ធរបស់នាង Jack Antonoff ទៅចូលរួមអបអរសាទរ Sabrina នៅពេលនាងទទួលបានពានរង្វាន់ Grammy លើកដំបូងក្នុងអាជីពរបស់នាង។ អ្វីដែលកាន់តែធ្វើឲ្យមហាជនចាប់អារម្មណ៍ធំបំផុតនៅកណ្ដាលកម្ម​វិធី តារាចម្រៀងវ័យ៣៥ឆ្នាំស្រាប់តែចាប់ថើបថ្ងាស​ Sabrina ដោយបង្ហាញអារម្មណ៍សប្បាយរីករាយក្រែងលែង។

ភ្លាមៗនោះដែរ ក្រុមអ្នកលេងអ៊ីនធឺណេតបានចូលទៅបញ្ចេញមតិលេងសើចថាមើលទៅពួកគេជិតស្និទ្ធគ្នាណាស់ហើយជាមិត្តជួយលើកទឹកចិត្តគ្នាទៅវិញទៅមកដែរ។ ជាពិសេសសថែមទៀត នៅដើមឆ្នាំ ២០២៤ Sabrina បានបើកសម្រាប់កម្មវិធី The Eras Tour របស់ Taylor Swift ហើយនាងបានល្បីល្បាញយ៉ាងឆាប់រហ័ស ដែលនោះជាអំណរគុណមួយដែលពួកគេបានជួយគ្នាកន្លងមក៕

អត្ថបទ៖ សាង ស្រីល័ក្ខ

ចុចអាន៖G-Dragon ចាប់ផ្ដើមពង្រឹងទំនាក់ទំនងអ្នកគាំទ្រទូទាំងពិភពលោក