ជីវិតកម្សាន្ដ

តារាកំប្លែង Moon Se Yoon ថា គាត់ឈប់ជក់បារី ដោយសារគុណបុណ្យ Hyeri

បានផុស

២ ខែ មុន

នៅ

ថ្ងៃព្រហស្បតិ៍ ៦ កុម្ភៈ ២០២៥

ដោយ

កាលពីថ្ងៃទី ០៥ ខែកុម្ភៈ តារាកំប្លែង Moon Se Yoon បានបង្ហោះវីដេអូមួយ នៅលើ YouTube Channel YOUTUBOOM ផ្ទាល់ខ្លួន។ ក្នុងវីដេអូ លោកបានអង្គុយជាមួយតួសម្ដែងរួមគ្នារឿង “Amazing Saturday” គឺ Hanhae និង Moon Se Yoon អំពីមូលហេតុដែលគាត់ឈប់ជក់បារី។

តារាកំប្លែងរូបនេះបាននិយាយថា មានពេលមួយដែលកំពុងថតរឿង តារាស្រី Hyeri តែងតែអាចប្រាប់ពីពេលដែលសមាជិកចាស់ៗបានផឹកកាលពីយប់មុន។ ប្រសិនបើមាននរណាម្នាក់បង្ហាញខ្លួនក្នុងឈុតថតដែលមានក្លិនដូចជាតិអាល់កុល នោះនាងនឹងស្រែកពេលថតថា សុំចេញឲ្យឆ្ងាយ។

នៅត្រង់ចំណុចនេះ Moon Se Yoon បានរំឮកដល់ពេលដែល Hyeri ស្តីបន្ទោសគាត់ថាធុំក្លិនបារី។ គាត់ពន្យល់ថា Dong Hyun និងខ្ញុំតែងតែអង្គុយនៅចុងបញ្ចប់នៃកម្មវិធី Amazing Saturday។ ប៉ុន្តែថ្ងៃមួយ ពួកគេបានប្រាប់ខ្ញុំថា ចាប់ពីជុំទី 2 Moon Se Yoon សូមផ្លាស់ទីទៅកណ្តាល ដែលដាក់ខ្ញុំនៅក្បែរ Hyeri”។

បន្ទាប់ពីដើរទៅក្រៅដើម្បីជក់បារីក្នុងពេលសម្រាក គាត់ក៏ត្រឡប់ទៅកន្លែងអង្គុយវិញ ធ្វើឱ្យ Hyeri ប្រតិកម្មភ្លាមៗ។ គាត់បាននិយាយយ៉ាងលម្អិតថា ពេលខ្ញុំអង្គុយ Hyeri ស្រាប់តែស្រែកថាធំក្លិនក្លិនបារី! នាងបានស្រែកដាក់គាត់ថា ស្អុយបារីនិងស្នើសុំឲ្យឈព់ជក់ថែមទៀតផង។

យ៉ាងណាក៏ដោយ ចាប់តាំងពីរឿងហេតុថតថ្ងៃនោះមកលោកហាក់មានអារម្មណ៍ខ្មាស់អៀននាងជាខ្លាំងហើយសន្យាថាឈប់ជក់បារីអស់មួយជីវិត។មានថ្ងៃនោះទើបលោកអាចផ្ដាច់វាបាននិងមានសុខភាពល្អជាងមុនហើយក៏សូមអរគុណទឹកចិត្តរបស់តារាសម្ដែង Hyeri ចាប់ពីពេលនោះមក៕