ជីវិតកម្សាន្ដ

អតីតម្តាយក្មេក សាន់ឆាយ រងការរិះគន់ពីមហាជនថា ធ្វើរឿងមិនសមរម្យ កំឡុងពេលកាន់ទុក្ខ

បានផុស

១ ខែ មុន

នៅ

ថ្ងៃព្រហស្បតិ៍ ៦ កុម្ភៈ ២០២៥

ដោយ

ស្ត្រីអ្នកជំនួញជនជាតិចិន Zhang Lan និងជាអតីតម្តាយក្មេករបស់ Barbie Hsu ឬតួសាន់ឆាយ បានប្រឈមមុខនឹងការរិះគន់ចំពោះសកម្មភាពប្រព័ន្ធផ្សព្វផ្សាយសង្គមឥតឈប់ឈររបស់គាត់ ដែលមនុស្សជាច្រើនគិតថាមិនសមរម្យ បន្ទាប់ពីតារាសម្តែងតៃវ៉ាន់បានទទួលមរណភាពក្នុងអាយុ ៤៨ឆ្នាំ។

កាលពីថ្ងៃទី ០៣ ខែកុម្ភៈ លោកស្រីបានរៀបចំការផ្សាយបន្តផ្ទាល់ពីផ្ទះ ខណៈពេលដែលកំពុងញ៉ាំអាហារនិងជជែកជាមួយទស្សនិកជនរបស់នាង។ នាងក៏បានបង្ហោះនៅលើ Weibo ថា «កុំធ្វើខ្លួនឲ្យអ្នកណាម្នាក់ ត្រូវក្លាហាន ហើយធ្វើជាខ្លួនអ្នក។ សូមឲ្យឲ្យពន្លឺរបស់អ្នកបំភ្លឺផ្លូវខាងមុខ» ។

ក្នុងរយៈពេល ៣០នាទី ការបង្ហោះនេះមានអ្នកចូលមើលជាង ២២២០,០០០ដង ដោយមានមនុស្សជាច្រើនបានចោទប្រកាន់ថា គាត់មិនយល់ចិត្តចំពោះការផ្សាយផ្ទាល់ភ្លាមៗ បន្ទាប់ពីការស្លាប់របស់អតីតកូនប្រសាស្រី។

អ្នកលេងអ៊ីនធឺណិតបានថ្កោលទោសទង្វើរបស់ Zhang Lan ដោយមានការបញ្ចេញមតិដូចជា តើគាត់ប្រើសោកនាដកម្មនេះ ដើម្បីទទួលបានការទស្សនាដែរឬទេ? តើគាត់អាចឲ្យ Barbie សម្រាកដោយសន្តិភាពទេ? អ្នកខ្លះបានចោទប្រកាន់គាត់ថា គ្មានបេះដូង និង បិសាចដ៏គួរឲ្យភ័យខ្លាច។ ប៉ុន្តែអ្នកផ្សេងទៀតបានការពារដោយលើកហេតុផលថា ពេលវេលាគឺចៃដន្យ ហើយមិនទាក់ទងនឹងការស្លាប់របស់អតីតកូនប្រសារគាត់ឡើយ។

យ៉ាងណាក៏ដោយ បន្ទាប់ពីមានការរិះគន់ជាខ្លាំងទើប អ្កជំនួញរូបនេះបានបង្ហោះសារមួយនៅលើបណ្ដាញសង្គមដើម្បីសម្ដែងការរំលែកទុក្ខដល់ Barbie សូមឲ្យនាងទៅកាន់ឋានសួគ៌ និងបានទៅដោយសុខសាន្ត។ ជាមួយគ្នាថែមទៀតដែរលោកស្រីថែមទាំងបញ្ចាក់ថា «Wang Xiaofei និងខ្ញុំ ក្នុងនាមគ្រួសាររបស់កូនៗ មានឆន្ទៈក្នុងការផ្តល់ជំនួយប្រសិនបើមានតម្រូវការណាមួយក្នុងការរៀបចំពិធីបុណ្យសព។ ការស្លាប់របស់ Barbie គឺជាការបាត់បង់ដ៏ធំធេងសម្រាប់គ្រួសាររបស់ពួកគេ និងជាទុក្ខដ៏ធ្ងន់ធ្ងរដល់កូនពីរនាក់របស់នាង។ អាទិភាពទីមួយរបស់ពួកយើងនៅពេលនេះ គឺការលួងលោម និងការពារកុមារទាំងពីរ។ នេះជាទំនួលខុសត្រូវទូទៅរបស់គ្រួសារទាំងពីរ» ។

Barbie បានរៀបការជាមួយអ្នកជំនួញ Wang Xiaofei ចាប់ពីឆ្នាំ ២០១១ រហូតដល់ការលែងលះរបស់ពួកគេនៅឆ្នាំ ២០២១ ហើយពួកគេមានកូនពីរនាក់ជាមួយគ្នា។ បន្ទាប់ពីបែកគ្នាកូនេះតែងតែបង្ហោះសារឌឺដងគ្នាទៅមក និងប្ដឹងផ្ដល់បរិហារកេរ្តិ៍ឥតឈប់ឈរ ទោះបីជាសាន់ឆាយលាចាកលោកក្ដី ប៉ុន្តែជម្លោះនេះហាក់មិនទាន់ចប់នូវឡើយទេ។ ជីវិតផ្ទាល់ខ្លួនរបស់នាង ជាពិសេសអាពាហ៍ពិពាហ៍ តែងតែជាចំណុចស្នូលនៃចំណាប់អារម្មណ៍សាធារណៈ និងប្រព័ន្ធផ្សព្វផ្សាយនិច្ច៕