ផ្ទុះការរិះគន់ Sandara ធ្លាប់ទាក់ទងជាមួយប្រុសក្មេង មិនទាន់គ្រប់អាយុ

ផ្ទុះការរិះគន់ បន្ទាប់ពីគាស់កកាយវីដេអូមួយដែលបានបង្ហោះនៅលើ Channel YouTube របស់ Sandara ដែលនាងបានជជែកជាមួយ Minzy បានលេចចេញជាថ្មី និងបង្កឱ្យមានការស្អប់ខ្ពើម។

នៅក្នុងវីដេអូនោះ Dara បានបង្ហើបថា មុនពេលនាង Debut ក្លាយជាសមាជិកក្រុម 2ne1 មានក្មេងប្រុសគួរឲ្យស្រលាញ់ម្នាក់បានសុំលេខនាង ហើយដោយសារតែមើលទៅគួរឲ្យស្រលាញ់ ទើបនាងឲ្យលេខទៅ ហើយបុរសនោះ ក្មេងទើបតែមានអាយុ ១៤ឆ្នាំតែប៉ុណ្ណោះ។

ក្រោយមក តារាស្រីរូបនេះ បានពន្យល់ថា ថ្វីត្បិតតែក្មេងប្រុសនោះមានអាយុ ១៤ឆ្នាំ នាងមានអាយុ ១៩ឆ្នាំ ប៉ុន្តែនាងបានកុហកថា “ខ្ញុំដូចជា ‘ខ្ញុំអាយុ 16 ឆ្នាំ។” ដើម្បីបានណាត់ជួបជាមួយក្មេងប្រុសរូបសង្ហារម្នាក់នោះ។ ទោះបីជាវាមិនច្បាស់ថា នាងមានន័យថា អាយុអន្តរជាតិ ឬ អាយុកូរ៉េក៏ដោយ។

នាង​បាន​បង្ហើប​ថា ហេតុផល​តែ​មួយ​គត់​ដែល​ពួក​គេ​ឈប់​និយាយ​ទៀត គឺ​ដោយ​សារ​តែ Sandara ចេញ​ Debut ដំបូង​នៅពេលអំឡុង​ទាក់ទងគ្នា និង​ក្នុង​ពេល​ណែនាំខ្លួន ​នាង​ក៏បាន​បង្ហាញ​អាយុពិតថា​ នាង​មាន​អាយុ 19 ឆ្នាំ នៅពេលដែលការបង្ហោះត្រូវបានចែករំលែកអំពីឃ្លីបដែលលេចចេញនៅលើ Reddit អ្នកនិយមលេងអ៊ីនធឺណិតមានការភ្ញាក់ផ្អើលដែលគ្មាននរណាម្នាក់បានបង្ហោះអំពីវាពីមុនមក។