សំបុត្រចុងក្រោយរបស់ប្អូនស្រី វី ឌី ណែ ត ផ្ញើជូនម្ដាយមុនពេល ស្លាប់ អានហើយចង់ស្រក់ទឹកភ្នែក

សំបុត្រមួយច្បាប់របស់កញ្ញា វី លីដា ត្រូវជាប្អូនស្រីបង្កើត វី ឌីណែត ដែលសរសេរដោយដៃផ្ទាល់ផ្ញើជូនម្ដាយ មុនពេលគាត់ស្លាប់ បានចែកចាយលើបណ្ដាញសង្គមកាលពីប៉ុន្មានម៉ោងមុននេះ អានហើយទប់ទឹកភ្នែកសឹងមិនបាន។

កញ្ញា វី លីដា បានបង្ហោះសំបុត្រមួយច្បាប់​ ក្រោយដំណឹងម​រណៈភាពរបស់ម្ដាយនៅវេលាព្រឹកថ្ងៃទី ១៩ ខែមីនា ដោយកញ្ញាបានសម្ដែងនូវអារម្មណ៍សោកស្ដាយ ស្រណោះអ្នកមានគុណជាពន់ពេក ខណៈគាត់កំពុងឈឺខ្លាំង ហើយខ្លួនមិនអាចទៅថែទាំគាត់ទាល់តែសោះ។

កញ្ញាបានរៀបរាប់ថា អ្វីដែលឈឺចិត្តបំផុត គឺពេលម្ដាយឈឺមិនអាចសូម្បីតែមើលថែ និងមើលមុខគាត់ ជាពិសេសសរសេរសំបុត្រផ្ញើឱ្យអ្នកម៉ាក់ហើយ ប៉ុន្តែគាត់មិនអាចអាន មិនអាចដឹង និងមិនអាចឮអ្វីទាំងអស់។

ដោយឡែក​នៅក្នុងខ្លឹមសារលិខិត វី លីដា បានសរសេរថា “ម៉ាក់ត្រូវសហកាជាមួយក្រុមគ្រូពេទ្យ ម៉ាក់ត្រូវទ្រាំ ត្រូវតែតស៊ូជម្នះឱ្យបាន។ ម៉ាក់ក្លាហានណាស់! ប៉ា កូន​ចៅ បងៗ និងក្មួយៗ រង់ចាំម៉ាក់ និងផ្ដល់កម្លាំងចិត្តឱ្យម៉ាក់។ ម៉ាក់ត្រូវត្រឡប់មកផ្ទះយើងវិញ។ កុំបារម្ភ! យើងទាំងអស់គ្នា​សប្បាយទេ តែត្រូវការម៉ាក់! ម៉ាក់ស៊ូស៊ូ! កូនស្រឡាញើម៉ាក់-ពីកូនស្រី វី លីដា”។

អ្នកស្រី ងួន សុផាន្នី ជាម្ដាយកញ្ញា វី ឌីណែត បានតេស្តវិជ្ជមានវីរុសកូវីដ-១៩ បន្ទាប់ពីកូនស្រី និងត្រូវបានគេដឹងថា ជំងឺអ្នកស្រីធ្វើទុក្ខខ្លាំង រហូតបញ្ជូនចូលបន្ទប់សង្រ្គោះបន្ទាន់ កាលពីថ្ងៃទី ១៧​ ខែ មីនា ឆ្នាំ ២០២០។ លុះមកដល់ព្រឹកនេះ អ្នកស្រីត្រូវបានប្រកាសមរណភាព ប៉ុន្តែខាងមន្ទីរពេទ្យមិនទាន់បញ្ជាក់ច្បាស់ពីមូលហេតុស្លាប់នៅឡើយទេ៕

អត្ថបទ៖ សន្យា

ចុចអាន៖ ពី​មន្ទីរពេទ្យ​រុស្សី លម្អិត​បន្ថែម​ករណីស្លាប់​ម្តាយ​តារាចម្រៀង វី ឌីណែត