ជីវិតកម្សាន្ដ

អ្នកជិតខាងរិះគន់គ្រួសារ សាន់ឆាយ ថា ទុកផេះរបស់សព នៅផ្ទះល្វែងជាជាងធ្វើបុណ្យ

បានផុស

៤ សប្តាហ៍ មុន

នៅ

ថ្ងៃចន្ទ ១០ កុម្ភៈ ២០២៥

ដោយ

អ្នកជិតខាងរបស់តារាសម្ដែង Barbie Hsu បានចោទប្រកាន់ថា និងរិះគន់គ្រួសាររបស់នាងចំពោះការទុកផេះនៅក្នុងផ្ទះល្វែងរបស់ពួកគេ ដោយហៅវាថាជារឿងអាត្មានិយម និងមិនគិតពីកង្វល់របស់អ្នកស្រុកផ្សេងទៀត។ អ្នកប្រើប្រាស់បានប្រកែកថា ប្រសិនបើគ្រួសារពិតជាគោរពនាងមែននោះ ពួកគេគួរតែដាក់ផេះសាន់ឆាយនៅដី ជាជាងនៅក្នុងអគារផ្ទះល្វែងរួមគ្នា។

រាយការណ៍ដោយ Dimsum Daily អ្នកប្រើប្រាស់ម្នាក់ដែលអះអាងថាអ្នកជិតខាងបានសរសេរថា «ជាដំបូងត្រូវតែបង្ហាញការគោរព! អ្នកស្លាប់សមនឹងទទួលបានសន្តិភាព។ ប្រសិនបើអ្នករស់នៅក្នុងផ្ទះវីឡាឯកជន អ្នកអាចទុកផេះជាច្រើនដោយគ្មានកង្វល់ ប៉ុន្តែសូមកុំធ្វើឲ្យប៉ះពាល់ដល់គុណភាពជីវិតសម្រាប់អ្នករស់នៅក្នុងផ្ទះល្វែង ដោយសារភាពអាត្មានិយមរបស់អ្នក»។

ការរិះគន់នេះបានកើតឡើងខណៈដែលប្អូនស្រីរបស់សាន់ឆាយគឺនាង Dee Hsu បានបញ្ជាក់ថាក្រុមគ្រួសារបានបញ្ចប់ការរៀបចំសម្រាប់ការបញ្ចុះសពដែលមានលក្ខណៈបរិស្ថាន ដើម្បីបំពេញតាមការចង់បានរបស់តារាស្រី។ ក្រោយពេលកំណត់កន្លែងបូជា និងកាលបរិច្ឆេទច្បាស់លាស់ គ្រួសារនឹងធ្វើពិធីបន្តទៀត ។

Barbie Hsu បានទទួលមរណភាពក្នុងប្រទេសជប៉ុនកាលពីថ្ងៃទី ២ ខែកុម្ភៈ។ គ្រួសាររបស់នាងបានធ្វើពិធីបូជាសពនៅទីក្រុងតូក្យូ មុនពេលនាំយកផេះត្រឡប់ទៅតៃវ៉ាន់វិញនៅថ្ងៃទី ០៥ខែកុម្ភៈ៕