ជីវិតកម្សាន្ដ

ដំណឹងមរណភាពម្តាយ វី ឌីណែត ធ្វើឲ្យមហាជននិងសិល្បករ-សិល្បការិនីរន្ធត់កាន់តែខ្លាំង

បានផុស

៤ years មុន

នៅ

ថ្ងៃសុក្រ ១៩ មីនា ២០២១

ដោយ

ដំណឹងមរណភាពអ្នកម្តាយតារាចម្រៀងកញ្ញា វី ឌីណែត និងត្រូវជាភរិយាតារាចម្រៀងជើង ចាស់លោកគ្រូ ហួរ ឡាវី បានធ្វើឲ្យមហាជននិងអ្នកគាំទ្របង្ហាញអារម្មណ៍រន្ធត់ចិត្តនិងចូលរួមសោកស្តាយខ្លាំងចំពោះមរណទុក្ខដ៏ក្រៀមក្រំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី នួន សុផាន្នី ដែលត្រូវជាអ្នកម្តាយតារាចម្រៀងកញ្ញា វី ឌីណែត ហើយជាភរិយារបស់តារាជើ ងចាស់លោកគ្រូ ហួរ ឡាវី បានទទួលមរណភាពនៅនៅវេលារសៀលថ្ងៃទី១៩ ខែមីនាឆ្នាំ២០២១។ ភ្លាមៗនៃការស្លាប់នេះ គេឃើញមានអ្នកសិល្បៈប្រុស-ស្រីជាច្រើនបានសម្តែងការសោកស្តាយនិងរំលែកទុក្ខគ្រប់គ្នា។

ដោយឡែកកញ្ញា វី ឌីណែត ដែលត្រូវជាកូនបានត្រឹមថ្លែងសារទាំងទឹកភ្នែកនិងអាឡោះអាល័យថា ខ្ញុំលែងមានម៉ាក់ហៅហើយ សូមម៉ាក់ទៅឲ្យបានសុខម៉ាក់កុំបារម្ភណាកូននឹងនៅមើលថែប៉ានឹងអ្នកផ្ទះយើង កូននឹងរឹងមាំ។

តារាស្រីរូបនេះបានបន្ថែមថា សូម្បីតែមុខជាលើកចុងក្រោយក៏មិនបានឃើញម៉ាក់ឈឺក៏កូនៗមិនអាចទៅមើលថែបានម៉ាក់ខូចហើយក៏មិនអាចឃើញសូម្បីតែសព ខ្ញុំក៏មិនអាចចេញទៅបានចេញទៅធ្វើបុណ្យឲ្យម៉ាក់ក៏មិនបាន សូមឲ្យវិញ្ញាណក្ខន្ធម៉ាក់ទៅកាន់សុខគតិភពផងចុះ។សូមបងប្អូនទាំង អស់គ្នាប្រុងប្រយ័ត្នជាមួយនឹងជំងឺដ៏សាហាវនេះ វាលឿនពេកហើយម៉ាក់អើយ៕

អត្ថបទ៖ ចាន់រ៉ា

សូមចុចអាន៖ ក្កុកក្តួលណាស់ ! លោក ហួរ ឡាវី បានត្រឹមអង្គុយយំហៅប្រពន្ធឲ្យត្រឡប់វិញ