បង្ហាញស្ថានភាពរបស់ នាយ កុយ ពេលនេះ បន្ទាប់ពីវះកាត់ ដុំសាច់ក្នុងក្រពះ

កាលពីពេលថ្មីនេះ តារាកំប្លែងជើងចាស់ នាយ​ កុយ ត្រូវបានបញ្ចូនទៅកាន់មន្ទីពេទ្យដើម្បីធ្វើការវះកាត់ភ្លាមៗ បន្ទាប់ពីរកឃើញថា មានដុំសាច់ដុះក្នុងក្រពះ កាលពីថ្ងៃទី០៧ ខែកុម្ភះ កន្លងទៅនេះ។ ជាមួយគ្នានេះ អ្នកសិល្បៈ ក៏ដូចជាមហាជនបាននាំគ្នាបង្ហាញពីក្ដីព្រួយបារម្ភចំពោះស្ថានភាពរបស់ នាយ កុយ និងនាំគ្នាបួងសួងវត្ថុស័ក្កសិទ្ធិឲ្យតារាកំប្លែងរូបនេះមានសុវត្ថិភាព។

ក្រោយពីការវះកាត់បានជោគជ័យ កូនស្រីរបស់ នាយ កុយ បានបង្ហាញអំពីស្ថានភាពរបស់ឪពុក បន្ទាប់ពីវះកាត់ដុំសាច់ដុះក្នុងក្រពះរួចមក មានស្ថានភាពប្រសើរជាងមុនហើយ។ យ៉ាងណាមិញ នាយ កុយ ត្រូវសម្រាកព្យាបាលនៅមន្ទីពេទ្យសិន ដើម្បីឲ្យជាសះស្បើយ។

គួរបញ្ជាក់ដែរថា ស្ថានភាពសុខភាពរបស់ នាយកុយ បានប្រសើរឡើង បន្ទាប់ពីកូនៗរបស់តារាកំប្លែងជើងចាស់រូបនេះ បានបង្ហោះរូបភាពជាច្រើនសន្លឹក ក្រោយឪពុកភ្ញាក់ពីសន្លប់ និង បានបញ្ជូនចេញពីបន្ទប់សង្គ្រោះបន្ទាន់មកបន្ទប់អ្នកជំងឺទូទៅវិញ៕