Connect with us

ជីវិតកម្សាន្ដ

Cardi B បន្ទោសលោក ត្រាំ ថា ធ្វើឲ្យខូចស្បែកជើងប្រណិត និងទារសំណងជាថ្នូរឲ្យពូបង្កើតវិលមកអាមេរិកវិញ

បានផុស

នៅ

Cardi B បានធ្វើឲ្យអ្នក លេងអ៊ីនធឺណេតខកចិត្ត ដោយការស្តីបន្ទោសប្រធានាធិបតី ដូណាល់ ត្រាំ ចំពោះស្បែកជើងដែលខូចខាត និងទាមទារឲ្យផ្តល់សំណងដល់នាង ជាថ្នូរមួយស្នើឲ្យពូបង្កើតរបស់នាងដែលត្រូវនិរទេស វិលត្រឡប់មកសហរដ្ឋអាមេរិកវិញ។

ក្នុងអំឡុងពេលនៃការផ្សាយបន្តផ្ទាល់ Instagram បន្ទាប់ពី Super Bowl នៅថ្ងៃទី ០៩ ខែកុម្ភៈ Cardi B បានសោកសៅអំពីស្បែកជើងយីហោ Louboutins តម្លែ៣ពាន់ដុល្លារ រង​ការ​ខូច​ខាត ​ខណៈ​ពេល​ចូល​រួម​ក្នុង​ព្រឹត្តិការណ៍​កីឡាកាលពីប៉ុន្មានថ្ងៃមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Cardi B បានពន្យល់ថា សេវាកម្មរទេះរុញនៅ Caesars Superdome ក្នុងទីក្រុង New Orleans ត្រូវបានផ្អាកជាបណ្តោះអាសន្ន ដោយសារវត្តមានរបស់ប្រធានាធិបតីអាមេរិក។ ជា​លទ្ធផល នាង​ត្រូវ​បង្ខំ​ចិត្ត​ដើរ​ក្នុង​ស្បែកជើង​អ្នក​ច្នៃ​ម៉ូដ ដែល​ធ្វើ​ឲ្យថ្នាំលាប​ពណ៌​ក្រហម​នៅ​លើ​បាត​ជើង​រលាត់​ចេញ។

តារា​រ៉េប​​កើត​ក្នុង​ឆ្នាំ ១៩៩២ បានត្អូញត្អែរដែរថា គ្រប់យ៉ាងមកពីកំហុសលោកត្រាំទាំងអស់។ ភ្នាក់ងារសម្ងាត់របស់សហរដ្ឋអាមេរិក​ មកទីវាលមិនមែនដើម្បីលេងបាល់ទាត់ទេ តែបង្កការលំបាកដល់មនុស្សក្នុងការប្រកួត។ នាងមានការសោកស្ដាយចំពោះស្បែកជើងយ៉ាងខ្លាំងទើប ស្នើឲ្យសេតវិមានអនុញ្ញាតឲ្យពូរបស់នាងដែលត្រូវបាននិរទេស វិលត្រឡប់មកកាន់ទឹកដីអាមេរិកវិញ ដើម្បីជាមធ្យោបាយទូទាត់សងសម្រាប់ការខាតបង់របស់គាត់។

វីដេអូរបស់ Cardi B ស្តីបន្ទោសលោកត្រាំ បានក្លាយជាប្រធានបទនៃការពិភាក្សាលើវេទិកាអនឡាញ ស្របពេលដែលមនុស្ស​ភាគ​ច្រើន​ សម្ដែង​ការ​ខក​ចិត្ត​ចំពោះ​ហេតុផល​រឹងរូស​របស់​តារា​រ៉េប​ខាង​លើ។ មនុស្សជាច្រើនបានធ្វើ​អត្ថាធិប្បាយ​ថា នាង​បន្ទោស​លោកត្រាំដែល​ធ្វើ​ឲ្យ​នាង​ដើរ។ តើនាងចង់ឲ្យប្រធានាធិបតីទៅតែម្នាក់ឯង ដោយគ្មានសុវត្ថិភាព ហើយអាចប្រឈមមុខនឹងការប៉ុនប៉ងធ្វើឃាតម្ដងទៀតឬយ៉ាងណា? អ្នកផ្សេងទៀតបានចោទសួរនាងថា តារាស្រីរូបនេះគិតស្បែកជើងសំខាន់ជាង។

មិនតែប៉ុណ្ណោះទៀត ទស្សនិកជនមួយចំនួនបានបញ្ចេញមតិថា Cardi B គ្រាន់តែប្រើស្បែកជើងជាលេសដើម្បីបង្ហាញពីការមិនពេញចិត្តផ្ទាល់ខ្លួនចំពោះគោលនយោបាយរបស់លោកត្រាំ ក្នុងការនិរទេសជនអន្តោប្រវេសន៍ខុសច្បាប់ទេ។ ជាពិសេស នៅក្នុងការបោះឆ្នោតប្រធានាធិបតីអាមេរិកឆ្នាំ ២០២៤ Cardi B បានគាំទ្រជាសាធារណៈចំពោះបេក្ខជនប្រជាធិបតេយ្យ Kamala Harris និងបានចូលរួមការជួបជុំយុទ្ធនាការឃោសនាបោះឆ្នោតរបស់អតីតអនុប្រធានាធិបតីអាមេរិកក្នុងរដ្ឋ Wisconsin ដែលនាំឲ្យមានសង្គ្រាមពាក្យសម្តីជាមួយមហាសេដ្ឋី Elon Musk ។

នៅពេលដែលលោកត្រាំឈ្នះ តារារ៉េបស្រីបានរិះគន់យ៉ាងចំៗទៅលើរដ្ឋដែលគាំទ្រលោកត្រាំ ថា សមនឹងត្រូវបានគេរិះគន់មិនខុស។ ការ​បង្ហោះ​នេះ​ត្រូវ​បាន​លុប​ចេញ​ភ្លាម​ៗ ប៉ុន្តែ​មិន​បាន​គេច​ផុត​ពី​ការ​ចាប់​អារម្មណ៍​របស់​អ្នក​លេង​អ៊ីនធឺណិត​ឡើយ។ មនុស្សជាច្រើនមានការខឹងសម្បារចំពោះពាក្យសម្តីខ្លី និងអសុរោះរបស់នាង ថាមិនសមជាតារាឡើយ៕

អត្ថបទ៖ សាង ស្រីល័ក្ខ

ចុចអាន៖ជើងចាស់ Harrison Ford ប្រកាសចូលនិវត្តន៍ពីអាជីពហូលីវូដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ២ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២២ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម