Connect with us

ជីវិតកម្សាន្ដ

សមាគមសិល្បករខ្មែរ គាំទ្រពេញទំហឹងចំពោះចំណាត់ការរបស់ក្រសួងវប្បធម៌ និងវិចិត្រសិល្បៈ

បានផុស

នៅ

សមាគមសិល្បករខ្មែរបានចេញការប្រកាសធ្វើការគាំទ្រយ៉ាងពេញទំហឹងចំពោះសេចក្ដីណែនាំរប ស់ក្រសួងវប្បធម៌និងវិចិត្រសិល្បៈឱ្យបញ្ឈប់ការតែងនិពន្ធច្រៀងដែលមានខ្លឹមសារគ្រោតគ្រាត អសុរោះនាំឱ្យប៉ះពាល់ ដល់វប្បធម៌ប្រពៃណី ទំនៀមទម្លាប់និងសេចក្តីថ្លៃថ្នូរសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាគមបានឱ្យដឹងថា ក្នុងនាមសមាគមសិល្បករខ្មែរ សូមសម្ដែងនូវការគាំទ្រទាំងស្រុងចំពោះសេចក្ដីណែនាំរបស់ក្រសួងវប្បធម៌ និងវិចិត្រសិល្បៈស្ដីពី «ការតែងនិពន្ធខ្លឹមសារចម្រៀង ការច្រៀងនិងសិល្បៈកម្សាន្តនានា ដែលមានអត្ថន័យប្រាកចាកពីក្រមសីលធម៌ និងប៉ះពាល់ដល់សេចក្ដីថ្លៃថ្នូសង្គម»។

សមាគមសិល្បករខ្មែរ អំពាវនាវសារជាថ្មីដល់អ្នកពាក់ព័ន្ធទាំងអស់ដែលឈរលើមូលដ្ឋានសិល្បៈវប្បធម៌ជាគោលជាពិសេសបងប្អូនជាអ្នកនិពន្ធ អ្នកច្រៀងនិងអ្ន កផលិតនូវស្នាដៃសិល្ប:នានាគួគប្បីអនុវត្តន៍តាមសេ ចក្ដីណែនាំរបស់ក្រសួងវប្បធម៌និងវិចិត្រសិល្បៈ ដើម្បីចៀសវាងនូវការប្រើប្រាស់ពាក្យពេចន៍ និង ខ្លឹមសារគ្រោតគ្រាតអសុរោះប្រាសចាកនូវក្រមសីលធម៌ និង សេចក្ដីថ្លៃថ្នូសង្គម និងបង្កការប៉ះពាល់ដល់វប្បធម៌ទំនៀមទម្លាប់ ប្រពៃណីដ៏ផូរផង់របស់ជាតិ ព្រមទាំងជាគំរូមិនល្អដែលជះឥទ្ធិពលជាអវិជ្ជមានដោយផ្ទាល់ និងប្រយោលដល់អ្នកគាំទ្ររបស់ខ្លួន និងយុវវ័យជំនាន់ក្រោយ។

ម្យ៉ាងវិញទៀត សមាគមសិល្បករខ្មែរ ក៏សូមអំពាវនាវយ៉ាងទទួចដល់សិល្បករទាំងអស់ សូមប្រកាន់យកនូវវប្បធម៌រួបរួមសាមគ្គីគ្នាជាធ្លុងមួយ ប្រកៀកស្មាគ្នាក្នុងស្មារតីខ្មែរតែមួយចូលរួមអភរិក្ស និងអភិវឌ្ឍលើកកម្ពស់កិត្យានុភាពនៃវិស័យសិល្បៈវប្បធម៌ជាតិ ទាំងនៅលើឆាកជាតិ តំបន់និងអន្តរជាតិ។

គួរបញ្ជាក់ថាដោយសង្កេតឃើញមួយរយ:ចុងក្រោយនេះមានតារាចម្រៀងខ្មែរមួយចំនួនបានធ្វើការតែងនិ ពន្ធច្រៀងបទចម្រៀង ឬ ស្នាដៃសិល្បៈដែលមានខ្លឹម សារគ្រោតគ្រាត អសុរោះ មិនសមរម្យមានលក្ខណ: ឌឺដងគ្នាក្រសួងវប្បធម៌ឱ្យញ្ឈប់ជាបន្ទាន់និងលុបចោ លនូវរាល់ស្នាដៃអវិជ្ជមានដែលបង្ហោះផ្សព្វផ្សាយក្នុងបណ្តាញសង្គមនាពេលកន្លងមក។

ក្រសួងក៏សូមអំពាវនាវដល់បុគ្គលដែលធ្វើអាជីវកម្ម ក្នុងបណ្តាញសង្គមសូមបញ្ឈប់សកម្មភាពចែកចាយបន្ត ឬធ្វើអធិប្បាយបញ្ចេញបញ្ចូលបន្ថែមលើស្នាដៃអវិជ្ជមានទាំងនោះ ក្នុងគោលបំណងជំរុញបញ្ហាឱ្យកាន់តែក្តៅ ដើម្បីប្រយោជន៍លាភសក្ការៈរបស់ខ្លួន។ ក្រសួងនឹងសហការជាមួយបណ្តាស្ថាប័នពាក់ព័ន្ធនានា ដើម្បីចាត់វិធានការទប់ស្កាត់យ៉ាងម៉ឺងម៉ាត់នូវសកម្មភាពអ វិជ្ជមានស្របតាមបទប្បញ្ញត្តិ និងនីតិវិធីនានាដែលមានជាធរមាន៕ អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៣ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម