ជីវិតកម្សាន្ដ

ខេម ចាត់ទុកការនិពន្ធបទចម្រៀង ឬ ច្រៀងប្រើពាក្យអសុរោះ ជាការសាបព្រោះគំរូអាក្រក់ទាំងមិនដឹងខ្លួន

បានផុស

២ សប្តាហ៍ មុន

នៅ

ថ្ងៃចន្ទ ១៧ កុម្ភៈ ២០២៥

ដោយ

ស្របពេលក្រសួងវប្បធម៌ និងវិចិត្រសិល្បៈ ឲ្យបញ្ឈប់ការតែងនិពន្ធបទចម្រៀង ឬ ច្រៀង ដែលមានខ្លឹមសារគ្រោតគ្រាត អសុរោះ តារាចម្រៀង ខេម បានបង្ហាញការគាំទ្រយ៉ាងពេញទំហឹងចំពោះសេចក្ដីណែនាំនេះ ហើយចាត់ទុកទង្វើនេះជាការសាបព្រោះគំរូអាក្រក់ទាំងមិនដឹងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ តារាចម្រៀងសំឡេងស្អក លោក ខេម ក៏បានបញ្ចេញទស្សនៈរបស់ខ្លួនដោយយល់ឃើញថា រាល់ការតែងនិពន្ធបទចម្រៀង ឬ ច្រៀង តាមរយៈន័យប្រើពាក្យគ្រោតគ្រាតអសុរោះវាជាការសាបព្រោះទង្វើ និងជាគំរូអាក្រក់ទៅកាន់ហ្វេន និងប្រជាជន ទាំងមិនដឹងខ្លួន។

លោក ខេម លើកឡើងថា នេះជាអ្វីដែលលោកតែងតែសង្ឃឹមចង់ឃើញបែបនេះ ជាការពិតខ្មែរមានពាក្យច្រើនណាស់ដែលអាចយកមកនិយាយ ឬ ច្រៀងបាន ឧទាហរណ៍ ,លោកតា អធិរាជសំឡេងមាស លោកមិនចាំបាច់ទេដែលចាំបាច់ត្រូវយកពាក្យអសុរោះមកច្រៀងអួតអាងពាក្យឈ្លើយ ពាក្យ ជេរប្រមាថ ដើម្បីឲ្យបានល្បីលើសិល្បៈផ្នែកចម្រៀងនោះទេ។

តារាចម្រៀង ខេម បន្តថា «បងចង់ឲ្យប្អូនៗ មួយចំនួនដែលតែងតែប្រើពាក្យអសុរោះបែបនេះលើវិស័យចម្រៀងមួយនេះ សាកឆែកចម្រៀងខ្លួនឯងទៅក្រោយលមើល តើប៉ុន្មានឆ្នាំនេះប្អូនបានធ្វើអ្វីខ្លះក្នុងបណ្ដាញសង្គមមួយនេះ សង្គមយើង ក្មេងៗ ឬ មនុស្សមួយចំនួន ចាប់ផ្ដើមឲ្យតម្លៃពាក្យជេរ ពាក្យប្រមាថ អួតអាង ដូចអ្វីដែលបងនិយាយដែរឬទេ?»។

ក្នុងន័យនេះ លោក ខេម បានសង្កត់ធ្ងន់ថា «នេះជាការសាបព្រោះទង្វើ និងជាគំរូអាក្រក់ទៅកាន់ហ្វេន និងប្រជាជនទាំងមិនដឹងខ្លួន រឿងល្អដែលមនុស្សគ្រប់គ្នាចង់ធ្វើនោះ ពិបាកធ្វើណាស់។ ប៉ុន្តែការអាក្រក់ដែលមនុស្សមិនចូលចិត្ត វារមែងចូលមកក្នុងជីវិតអ្នកដោយមិនបានព្រាងទុក ឬ មិនដឹងខ្លួន»។

ខេម បន្ថែមថា «បញ្ជាក់ ខ្ញុំ សរសេរសារនេះ មិនមែនជាការជាន់ពន្លិចអ្វីនោះទេ សូម្បីបទមួយចំនួនរបស់ប្អូនៗ បងក៏ស្តាប់ដែរ ប៉ុន្តែបងស្តាប់ចម្រៀងណាដែលលើកទឹកចិត្ត ពាក្យល្អ ដូច្នេះខ្ញុំសង្ឃឹមប្អូនៗ ជំនាន់ក្រោយ មិនចាំបាច់អ្វីទេប្រើពាក្យមិនល្អចំពោះគ្នានោះទេ ដោយក្តីស្រលាញ់ក្នុងនាមយើងជាជនជាតិតែមួយ បងប្អូនអាចបញ្ចេញមតិបានដោយក្រមសីលធម៌»៕

អត្ថបទ ៖ ចាន់រ៉ា