ការ​ស្លាប់​ Kim Sae Ron ជំរុញ​ឲ្យសង្គមឈប់ប្រព្រឹត្ត​អំពើឃោរឃៅ និងរុញច្រាន​តារា​ដល់ជ្រោះមរណៈ

ការស្លាប់របស់តារាសម្តែង Kim Sae Ron ក្នុងវ័យ ២៤ ឆ្នាំ បានធ្វើឲ្យមានការរិះគន់កាន់តែខ្លាំងឡើង ចំពោះការស្អប់ខ្ពើមហួសហេតុដែលនាងស៊ូទ្រាំ ខណៈដែលសាធារណជនកាន់ទុក្ខចំពោះការសោកនាដកម្មមួយនេះ ព្រមទាំងអំពាវនាវឲ្យឆ្លុះបញ្ចាំងពីសង្គមលើការវិនិច្ឆ័យដ៏ឃោរឃៅ ជារឿយៗសំដៅទៅលើតារាល្បីៗក្នុងប្រទេសកូរ៉េខាងត្បូង។

Na Jong-ho ជំនួយការសាស្រ្តាចារ្យផ្នែកចិត្តសាស្រ្តនៅសាកលវិទ្យាល័យ Yale បានសរសេរនៅលើ Facebook កាលពីថ្ងៃទី ១៧ ខែកុម្ភៈថា ការស្លាប់របស់តារាស្រីមានអារម្មណ៍ថា ដូចជាមនុស្សម្នាក់បានរុញច្រាននាងឲ្យដល់ជ្រោះមរណៈ។ សង្គមដែលកប់មនុស្សដោយមិនផ្តល់ឱកាសទីពីរដល់ពួកគេ បន្ទាប់ពីកំហុសគឺមិនមែនជា​រឿង​ល្អ​នោះ​ទេ ។

លោកបានបន្ថែមថា សង្គមរបស់យើងបោះបង់អ្នកដែលជំពប់ដួល ហើយបន្តដំណើរទៅមុខទៀត ហាក់ដូចជាគ្មានអ្វីកើតឡើង។ វាមានអារម្មណ៍ដូចជាកំណែជីវិតពិតដ៏ធំនៃរឿង «Squid Game»។ តើ​ត្រូវ​បាត់បង់​ជីវិត​ប៉ុន្មាន​ទៀត មុន​នឹង​យើង​ឈប់​ធ្វើ​ឲ្យ​មនុស្ស​មាន​ភាព​អាម៉ាស់​នេះ?»។​​​

តារាចម្រៀង Migyo ក៏បានចូលរួមគោរពវិញ្ញាណក្ខន្ធនៅលើ Instagram ដោយសរសេររៀបរ៉ាប់លម្អិតថា សង្គមនេះបានក្លាយជាទម្លាប់មួយថា ទាល់តែមាននរណាម្នាក់ស្លាប់ ទើបអ្នកស្អប់ឈប់រូបគេ។ ការប្រមាថ ការតិះដៀល និងមតិស្អប់ខ្ពើមចំពោះតារាល្បីៗ បានធ្វើឲ្យពួកគេប្រឈមនឹងភាពទាល់ច្រក រកផ្លូវមិនឃើញមកវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kim Sae Ron ប្រឈមមុខនឹងការរិះគន់ជាសាធារណៈ បន្ទាប់ពីត្រូវបានគេចាប់បានថាបើកបរក្នុងស្ថានភាពស្រវឹងនៅក្នុងស្រុក Gangnam នៃទីក្រុងសេអ៊ូលក្នុងខែឧសភា ឆ្នាំ ២០២២។ នាងត្រូវបានពិន័យជាប្រាក់ចំនួន ២០ លានវ៉ុន (១ម៉ឺន៥ពាន់ដុល្លារ) និងបញ្ឈប់សកម្មភាពទាំងអស់។ នៅពេលនោះ ឈ្មោះរបស់នាងត្រូវគេបញ្ចេញមតិអវិជ្ជមានជាច្រើនរួមទាំងពាក្យសម្ដីអសុរសដែលមិនសមគួរហាក់បីដុចជាចង់ឲ្យនាងបាត់មុខពីលោកនេះដែរ។

យ៉ាងណាក៏ដោយ តារាស្រីបានចេញលិខិតសុំទោសដែលសរសេរដោយដៃនៅលើប្រព័ន្ធផ្សព្វផ្សាយសង្គម ប៉ុន្តែនាពេលនោះនាងត្រូវការលុយទើបបង្ខំចិត្តធ្វើការនៅហាងកាហ្វេមួយក្រៅពីអាជីពសម្ដែង។ ភ្លាមៗនោះ រូបភាពរបស់នាងបានលេចឡើង ហើយការ​វិល​វិញដែល​គ្រោង​ទុក​ក្នុង​ខែ​មេសា​ឆ្នាំ​មុន ​ស្រាប់តែលុប​ចោល ​បន្ទាប់​ពី​ប្រឈម​នឹង​ការ​រិះគន់​ជា​សាធារណៈ​ជា​ថ្មី​។

ការ​ស្អប់​ខ្ពើម​ជាប់​រហូត​ពីមហាជន និងរឿងចម្រូងចម្រាសជាបន្តបន្ទាប់ បាន​ធ្វើ​ឲ្យនាងរឹងមាំហ៊ានប្រឈមមុខ និងបានបង្ហោះ​វីដេអូ​ខ្លី​មួយ​លើ Instagram ​ថា អ្នក​ទាំង​អស់​គ្នា​មិន​អាច​បញ្ឈប់​បាន​ទេ? នាង​បាន​ត្រៀម​ខ្លួន​ត្រលប់​មក​ចាក់​បញ្ចាំង​វិញ​ជាមួយ​នឹង​រឿង «Guitar Man» ដែល​គ្រោង​នឹង​ចេញ​នៅ​ឆ្នាំ​នេះផ្ទាល់តែម្ដង។

ដោយឡែក បន្ទាប់ពីការស្លាប់ទាំងវ័យក្មេងរបស់តួឯកស្រីកូរ៉េ បាន​ជំរុញ​ឲ្យមាន​ការ​ពិភាក្សា​អំពី​ការ​ពិនិត្យ​មើល​មិន​សមាមាត្រ​តារា​ល្បី​ដែល​ប្រឈម​មុខ​។ ជាពិសេស ស្តង់ដារទ្វេរដងរបស់សង្គម ចំពោះតារាល្បីៗដែលកំពុងរស់រងទុក្ខ។ អ្នកគាំទ្ររបស់នាងជាច្រើនបានបង្ហោះសេចក្តីថ្លែងការណ៍នៅលើសហគមន៍អនឡាញ DC Inside ថា Kim Sae-ron បានទទួលស្គាល់កំហុស នាងសុំទោស និងព្យាយាមបន្តជីវិឡើងវិញតក្នុងវិស័ួសិល្បៈ។ ប៉ុន្តែអរិភាព និងការព្រងើយកន្តើយជាសាធារណៈដែលនាងបានប្រឈមមុខ លើសពីអ្វីដែលនរណាម្នាក់អាចទ្រាំបាន ។

សេចក្តីថ្លែងការណ៍ដដែលបានគូសបញ្ចាក់បន្ថែមថា នៅពេលដែលយើងឃើញអ្នកនយោបាយមានទោសពីឧក្រិដ្ឋកម្មធ្ងន់ធ្ងរជាងនេះទៅទៀត តែគេទាំងនោះបែរជារស់នៅដោយសេរី ក៏មិនប្រឈមមុខនឹងការស៊ើបអង្កេតដដែលៗដូចតារាដែរ។

យ៉ាងណាមិញ គារស្លាប់របស់តារាសម្ដែងដែលផ្ដើមអាជីពតាំងពីវ័យកុមារមកបានធ្វើឲ្យទស្សនិកជននិងមិត្តរួមការងារក្នុងឧស្សាហកម្មកូរ៉េ បានសម្តែងការសោកសៅរបស់ពួកគេតាមអ៊ីនធឺណិត។ តារា​សម្ដែង Kim Ok-vin, Kim Min-chae ,តារាចម្រៀង Yezi មកពីក្រុម Fiestar, តារា​សម្ដែង Seo Ha-jun ព្រមទាំងតារាសម្តែង Won Bin បានផ្ញើកម្រងផ្កាចូលរួមរំលែកទុក្ខទាំងក្រៀមក្រំដោយមិននឹកស្មានថាKim Sae-ron អាចមានថ្ងៃនេះទេ៕

អត្ថបទ៖ សាង ស្រីល័ក្ខ

ចុចអាន៖Kim Sae Ron ធ្លាប់ព្យាបាលផ្លូវចិត្ត មុនពេលទទួលមរណភាពទាំងវ័យក្មេង