ជីវិតកម្សាន្ដ

ដោះលែង Yoo Ah-in ក្រោយតុលាការសម្រចព្យួរទោស ក្នុងករណីគ្រឿងញៀន

បានផុស

១ ខែ មុន

នៅ

ថ្ងៃពុធ ១៩ កុម្ភៈ ២០២៥

ដោយ

តារាសម្តែង Yoo Ah-in ដែលត្រូវបានកាត់ទោសឲ្យជាប់ពន្ធនាគាររយៈពេល ១ ឆ្នាំ និងត្រូវឃុំខ្លួននៅក្នុងតុលាការកាលពី ៥ ខែមុន ក្រោមការចោទប្រកាន់ពីបទប្រើប្រាស់គ្រឿងញៀនជាទម្លាប់ ពេលនេះត្រូវប៉ូលិសដោះលែង កាលពីថ្ងៃអង្គារ បន្ទាប់ពីបានទទួលការកាត់ទោសព្យួរពីសាលាឧទ្ធរណ៍។

តារាសម្តែងវ័យ ៣៩ ឆ្នាំ ដែលមានឈ្មោះស្របច្បាប់ថា Uhm Hong-sik បានចោទប្រកាន់ពីបទប្រើប្រាស់ដោយខុសច្បាប់នូវសារធាតុ propofol ដែលជាថ្នាំស្ពឹកផ្នែកវេជ្ជសាស្ត្រ ក្រោមលេសនៃនីតិវិធីកែសម្ផស្សចំនួន ១៨១ ដងក្នុងចន្លោះឆ្នាំ ២០២០ និង ២០២២។ គាត់ក៏ត្រូវបានចោទប្រកាន់ពីបទប្រើប្រាស់ថ្នាំស្ពឹកផ្នែកវេជ្ជសាស្ត្រចំនួន៣ ផ្សេងទៀត រួមមាន midazolam និង ketamine ។

កាលពីខែកញ្ញាឆ្នាំមុន តុលាការក្រុងសេអ៊ូលកណ្តាល បានកាត់ទោសគាត់ឲ្យជាប់ពន្ធនាគាររយៈពេលមួយឆ្នាំ ពិន័យជាប្រាក់ចំនួន ២ លានវ៉ុន (១,៤០០ដុល្លារអាមេរិក) និងពិន័យ ១.៥លានវ៉ុន ហើយបានបញ្ជាឲ្យឃុំខ្លួនគាត់ជាបន្ទាន់។

ទោះជាយ៉ាងណាក៏ដោយ នៅក្នុងការកាត់ក្តីសាលាឧទ្ធរណ៍ តុលាការកំពូលទីក្រុងសេអ៊ូល បានកាត់ទោសដាក់ពន្ធនាគាររយៈពេល ១ ឆ្នាំ ព្យួររយៈពេល ២ ឆ្នាំ និងពិន័យជាប្រាក់ចំនួន ២លានវ៉ុន ដល់តារាសម្តែង ដោយនិយាយថា ការកាត់ទោសរបស់តុលាការស្រុកនេះ ចាត់ទុកថាធ្ងន់ និងអយុត្តិធម៌ ក្នុងការពិចារណាពីហេតុផល និងកាលៈទេសៈផ្សេងទៀតសម្រាប់បទល្មើសរបស់គាត់៕