ជីវិតកម្សាន្ដ

បង្អួតឈុតប៊ីគីនីស្អាតពេក Ice ត្រូវគេសួរថា រូបពិតឬប្រើ AI

បានផុស

១ ខែ មុន

នៅ

ថ្ងៃពុធ ១៩ កុម្ភៈ ២០២៥

ដោយ

បន្ទាប់ពីបាត់មុខមួយរយៈ និងប្រកាសដកខ្លួនចេញពីគម្រោង BEAUTY AND THE BEAT (Working Title) ដែលជាភាពយន្តថ្មីរបស់ទូរទស្សន៍ GDH ដោយលើកឡើងពីបញ្ហាសុខភាពនោះ នៅទីបំផុតតារាសម្ដែងស្រី Ice Preechaya ស្រាប់តែវិលមកលេងបណ្ដាញសង្គមសាជាថ្មីដោយ បង្ហោះរូបក្នុងឈុតហែលទឹក បង្ហាញរាងកាយសម៉ត់រលោងគ្មានស្នាមសូម្បីតែមួយលើរាងកាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពី ថ្ងៃទី១៨ ខែកុម្ភៈ ឆ្នាំ២០២៥ តួឯកស្រីក្នុងរឿង «I Fine Thank You Love You» បានក្លាយជាការចាប់អារម្មណ៍លើអ៊ីនធឺណិតម្តងទៀត។ បន្ទាប់ពីរូបនាង បង្ហោះរូបខ្លួនឯងស្លៀកប៊ីគីនីដ៏តូច តាមរយៈ Instagram ផ្ទាល់ខ្លួន ដោយបង្អួតរាងស៊ិចស៊ី ធ្វើឲ្យបុរសៗពុះកញ្ជ្រោល និងមានអ្នកចុច Like ជិត ៧ម៉ឺននាក់ ត្រឹមតែពេលមួយយប់ប៉ុណ្ណោះ។

ក្រៅពីមានអ្នកតាមចូលរួមសរសើរពីសម្រស់របស់ Ice ក្នុងនោះក៏មានមនុស្សជាច្រើនបានចោទសួរទៅកាន់រូបនាងថា រូបភាពដែលបានបង្ហោះនៅលើ Instagram លើកនេះ តើជារូបភាពធម្មជាតិពិតៗ ឬត្រូវបង្កើតឡើងដោយប្រើ AI ព្រោះពេលនេះមាននិន្នាការនៃ Beauty Cam អាចប្រើឧបករណ៍ AI ដើម្បីផ្លាស់ប្តូរសម្លៀកបំពាក់ និងរាងកាយឲ្យសិចស៊ីដោយគ្រាន់តែប៉ះម្រាមដៃ។ ជាពិសេសឈុតប៊ីគីនីរបស់នាង មើលទៅស្អាតគ្រប់ជ្រុងមិនខ្វះចន្លោះសោះឡើយ។ មិនតែប៉ុណ្ណោះ នាងមានស្បែកសម៉ត់រលោងពេញរាងកាយ រហូតអ្នកលេងអ៊ីនធឺណិតស្ទើរតែមិនជឿភ្នែកថា មនុស្សម្នាក់អាចស្អាតគ្រប់ជ្រុងនោះទេ។

យ៉ាងណាក៏ដោយ តារាស្រីវ័យ៣៥ឆ្នាំរូបនេះពុំទាន់ចេញមុខឆ្លើយសំណួរដែលមហាជនឆ្ងល់នៅឡើយ។ ថាតើនាងពិតជាប្រើកម្មវិធីកែរូបថត និង AI មែនឬ? ប៉ុន្តែមិនថាតែ ទស្សនិកជនឬអ្នកគាំទ្រឡើយសុទ្ធតែគិតដូចៗគ្នាថា នាងអាចប្រើកម្មវិធីណាមួយជាជំនួយដើម្បីបានរូបភាពស្អាតរលោងនិងគ្មានស្នាម។ ជាពិសេសពួកគេគិតថា គ្មានមនុស្សណាម្នាក់អាចមានមុខរលោងស្បែកស្អាតហួសស្មានខុសពីមនុស្សពិតទេ៕