រៀបការមិនទាន់បាន៣ខែផង James Jirayu បង្ហាញទឹកមុខហត់នឿយខ្លាំង

អ្នកគាំទ្រជាច្រើនបានសម្ដែងការព្រួយបារម្ភយ៉ាងខ្លាំង បន្ទាប់ពីឃើញតារាសម្ដែង James Jirayu មានសភាពដូចមនុស្ស​ធ្លាក់​ទឹក​ចិត្ត។ ទឹកមុខរបស់លោក មើលទៅស្រងូតស្រងាត់ និងអស់កម្លាំង រីឯភ្នែករបស់គាត់មើលទៅក្រៀមក្រំ ហាកមិនបង្ហាញកាយវិការសប្បាយចិត្ត ដូចមនុស្សទើបរៀបការថ្មីថ្មោងឡើយ។

យ៉ាងណា កាលពីពេលថ្មីៗនេះ James Jirayu បានផ្តល់បទសម្ភាសន៍មួយដោយបកស្រាយកុំឲ្យមានទស្សនិកជនមានការយល់ច្រឡំលើរូបលោកទៀត។ តារាប្រុសបាននិយាយថា «ចំពោះមូលហេតុដែលលោកមានទឹកមុខមិនល្អនោះគឺដោយសារតែគេងបានតិចពេក។ ខ្ញុំក៏បានព្យាយាមអស់ពីសមត្ថភាពដែរ! ប្រពន្ធខ្ញុំក៏សួរសុខទុក្ខខ្ញុំញឹកញាប់ដែរ។ នាងតែងតែឲ្យខ្ញុំសម្រាកឲ្យបានច្រើនទើបភ្នែកមិនរូងខ្មៅធ្វើឲ្យមនុស្សអាចយល់ច្រឡំបាន»។

មិនតែប៉ុណ្ណោះ កូនកម្លោះថ្មីថ្មោងរូបនេះបានសារភាពទៀតថា ថ្មីៗនេះ លោកបានធ្វើការយ៉ាងលំបាកបំផុត ដោយគេងបានត្រឹមតែ៣ ម៉ោងក្នុងមួយថ្ងៃប៉ុណ្ណោះ ដោយសារតែគាត់កំពុងប្រញាប់ប្រញាល់ថតរឿង។ ​ឥឡូវ​នេះ​នៅ​សល់​តែ​ភាពយន្ត​មួយ​ទៀត​ដែល​ត្រូវ​ថត ហើយក៏មានមនុស្សច្រើនណាស់ដែលរង់ចាំថតបញ្ចប់ដូចគ្នា។ ជារៀងរាល់ថ្ងៃ លោកស្ទើរតែមិនអាចទៅផ្ទះ​បានទេ។ បើទៅគ្រាន់តែងូតទឹករួចវិលមកថតវិញឲ្យប្រញាប់។

ទន្ទឹមគ្នានោះដែរ គ្រប់គ្នាក៏បានចោទសួរអំពី​ការ​ស្រក​ទម្ងន់​របស់​គាត់ តួថៃរូបនេះបាន​ឆ្លើយ​យ៉ាង​រហ័ស​ថា គាត់​មិន​មាន​បំណង​ចង់​សម្រក​ទម្ងន់​ទេ។ ប៉ុន្តែក៏ទទួល​ស្គាល់​ថា ពីរ​សប្តាហ៍​កន្លង​ទៅ​នេះ​នៅ​កន្លែង​ធ្វើ​ការ​ពិត​ជា​សំពាធខ្លាំងរហូតសឹងតែហូបឬគេងមិនបានផង។ ប៉ុន្តែកុំបារម្ភ! បន្ទាប់​ពី​នេះ លោកនឹង​មាន​ពេល​សម្រាក​បានស្រួលខ្លួនវិញហើយ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖បង្អួតឈុតប៊ីគីនីស្អាតពេក Ice ត្រូវគេសួរថា រូបពិតឬប្រើ AI