ទោះវ័យកាន់តែច្រើន លោក ហួរ ឡាវី នៅតែអាចប្រើសំឡេងច្រៀងស្រែកបានល្អ ខណ:សុខភាពក៏រឹងមាំ

ជាការពិតណាស់ទស្សនិកជនដឹងថា តារាចម្រៀងសំនៀងស្អកលោកគ្រូ ហួរ ឡាវី គឺតារាចម្រៀង​ល្បី​ល្បាញជំនាន់ដើមដែលមានបទចម្រៀងល្បីៗជាច្រើនបទ ដែលលោកបានបកស្រាយដូចជាបទ «សែនអាល័យ» និងបទ «ថ្ងៃណាបំភ្លេចអូនបាន» ជាដើម។

តារាចម្រៀងជើងចាស់ល្បីឈ្មោះ លោកគ្រូហួរ ឡា​វី បានបម្រើវិស័យសិល្ប:មានរយ:ពេលប្រមាណ៥០ ឆ្នាំហើយ។ ម្យ៉ាងទៀតទោះបីជាអំឡុងមួយរយ:ចុង ក្រោយនេះលោកគ្រូ ហួរ ឡាវីហាក់មិនសូវមានទីផ្សារចម្រៀងដោយសារការវិវត្តន៍តាមវ័យក៏ពិតមែនតែស ម្រាប់ការគាំទ្រនិងប្រជាប្រិយភាពនៅតែរក្សាបានមិនមានការចុះថមថតទេ ។

ស្របពេលនេះជាមួយគ្នានេះមានការបង្ហើបឲ្យដឹងពីតារាចម្រៀងលោក សុះ ម៉ាច ថាថ្វីត្បិតលោកគ្រូ ហួរឡាវី មានវ័យប្រមាណ ៨០ឆ្នាំ លោកនៅតែអាចប្រើសំឡេងច្រៀងស្រែកបានល្អ ហើយសុខភាពក៏រឹងមាំ។ លោក សុះ ម៉ាច បានលើកឡើងថារៀមច្បងហួរឡាវីលេងម៉ូដសក់ហាយឡាយខ្ញុំសូមចាញ់ ចាញ់ទាំងអាយុច្រើន ៨០ឆ្នាំ នៅច្រៀងនៅស្រែកបានសុខភាពក៏រឹងមាំ។

លោក សុះ ម៉ាច បានបន្ថែមថា “ខ្ញុំមិនដឹងថាបានដូចគាត់ឬអត់នោះទេជូនពរបងសុខភាពល្អនិងអាយុវែង គ្រប់រៀមច្បងទាំងអស់ជានិម្មិតរូបរបស់ខ្ញុំគឺ ខ្ញុំតែងតែគោរពឲ្យតម្លៃពួកគាត់ជានិច្ច”។

លោកគ្រូ ហួរ ឡាវី បច្ចុប្បន្នត្រូវបានគេដឹងថា លោកកំពុងប្រើជីវិតរស់នៅយ៉ាងសាមញ្ញក្នុងផ្ទះមួយក្នុងរា ជធានីភ្នំពេញតែរឿងដែលធ្វើឲ្យអ្នកគាំទ្រមានការអាណិតនោះ គឺលោកគ្រូហាក់កណ្ដោចកណ្ដែងបន្ទាប់ភរិយារបស់លោកបានទទួលមរណភាពទៅទាំងអាល័យដោយសារជំងឺកូវីដ-១៩ ៕ អត្ថបទ៖ ចាន់រ៉ា