ជីវិតកម្សាន្ដ
រូបភាពដ៏គួរឲ្យភ្ញាក់ផ្អើលរបស់ Zhao Wei ក្រោយក្លាយជាតារាបាត់បង់គ្រប់យ៉ាង
នៅថ្ងៃទី ២៧ ខែកុម្ភៈ ទំព័រ ១៦៣ បានរាយការណ៍ថា Zhao Wei បានត្រលប់ទៅស្រុកកំណើតរបស់នាងនៅ Anhui ប្រទេសចិន ដើម្បីទៅលេងម្តាយនិងទស្សនាផ្កា plum ។ តារាស្រីរូបនេះ ត្រូវគេសង្កេតឃើញថា មិនបានតុបតែងមុខ រាងកាយមានសាច់ឈាមទ្រលុកទ្រលន់ ហើយត្រូវបានគេវាយតម្លៃថា លែងដូចតារាក្នុងវិស័យសិល្បៈទៀតហើយ។

យោងតាមទំព័រដដែល តារាចិនរូបនេះ គឺជាមនុស្សញៀនបារី និងគ្រឿងស្រវឹងជាច្រើនឆ្នាំមកហើយ។ តារាស្រីតែងតែងប់ងល់នឹងការផឹកស្រា រហូតបានទិញស្រាចំការ ហើយថែមទាំងនាំម៉ាកយីហោទៅលក់នៅប្រទេសចិនទៀតផង។
ទន្ទឹមនឹងនោះ ក៏មានរូបភាពជាច្រើនសន្លឹករបស់នាងបានជក់បារី ពេលដើរលេងជាមួយមិត្តភក្តិ។ ចំណង់ចំណូលចិត្តអវិជ្ជមានធ្វើឱ្យមុខរបស់តារាស្រីវ័យ៤៨ឆ្នាំ មិនសូវស្រស់ស្អាត ហើយសម្បុររបស់នាងកាន់តែយ៉ាប់យ៉ឺនលឿនជាងមិត្តភក្ដិរបស់នាង។
លើសពីនេះតួចៀសវៃ ហាក់ដូចជាបានបោះបង់ចោលនូវមហិច្ឆតារបស់នាង ក្នុងការវិលត្រឡប់មកកាន់វិស័យសិល្បៈវិញក្នុងនាមជាតារាសម្តែង។ នាងត្រូវបានគេហាមប្រាមមិនឲ្យចាក់ផ្សាយរយៈពេល៤ឆ្នាំ ប្រសិនបើនាងអាចវិលវិញ ប្រហែលជាបន្តការងារជាអ្នកដឹកនាំរឿង និងជាផលិតករទៀតទេ ។
ប្រភពដដែលបានបន្ថែមថា គ្រួសាររបស់ Zhao Wei ធ្លាប់ជាកម្លាំងដ៏មានឥទ្ធិពលនៅស្រុក Anhui របស់នាង។ តារាស្រីរូបនេះ មានភាពល្បីល្បាញពាសពេញប្រទេស ជាតារាដែលមានអ្នកទស្សនារាប់សិបលាននាក់ ហើយអាចនិយាយបានថា ជាតារាជាតិដែលធ្លាប់ស្គាល់ជាងគេនៅក្នុងប្រទេសចិន ខណៈប្អូនប្រុសរបស់នាងក៏ជាអ្នកជំនួញមហាសេដ្ឋី ហើយប្អូនស្រីបង្កើតរបស់នាង គឺជាអ្នកគ្រប់គ្រងសកម្មភាពសិល្បៈ។
យ៉ាងណាមិញ បន្ទាប់ពី Zhao Wei ធ្លាក់ក្នុងរឿងអាស្រូវ និងត្រូវបានហាមមិនឲ្យចាក់ផ្សាយនោះ គ្រួសាររបស់នាងក៏ស្រាប់តែជួបទុក្ខផ្ទួនៗគ្នា។ ប្អូនថ្លៃនិងប្អូនស្រីលែងលះគ្នា ប្អូនថ្លៃស្រីបានទទួលលុយច្រើនហើយចាកចេញទៅ។ ឪពុករបស់នាង ក៏ទទួលមរណភាពដែរ។ ឯទ្រព្យសម្បត្តិរបស់ Zhao Wei ត្រូវបានបង្កកនៅកន្លែងជាច្រើន ហើយថែមទាំងមានបំណុលរាប់មិនអស់ ដែលតួស្រីមិនអាចសងបាន។
បន្ទាប់ពីមានឧប្បត្តិហេតុជាច្រើន ត្រូវបានហាមប្រាមមិនអោយចាក់ផ្សាយ និងថ្មីៗនេះបានប្រកាសលែងលះជាមួយប្តីអ្នកជំនួញ Huang You Long នាងបានបាត់ខ្លួនពីកម្មវិធី showbiz ដោយជ្រើសរើសរស់នៅឯកជន។ ក្នុងពេលប្រកាសបញ្ចប់អាពាហ៍ពិពាហ៍ អតីតស្វាមីត្រូវបានគេដេញតាមជំពាក់បំណុលគេដ៏ច្រើន ធ្វើឲ្យមតិមហាជនចោទជាសំណួរជាច្រើនអំពីហេតុផលពិតប្រាកដ នៅពីក្រោយការបែកបាក់នេះ។
មតិសាធារណៈត្រូវបានរំជើបរំជួលដោយព័ត៌មានដែលថា Zhao Wei មានជាប់ពាក់ព័ន្ធនឹងការជួញដូរមនុស្ស និងការក្លែងបន្លំទូរគមនាគមន៍នៅក្នុងប្រទេសមីយ៉ាន់ម៉ា។ ទោះជាយ៉ាងណាក៏ដោយ ព័ត៌មាននេះមិនមានភស្តុតាងត្រឹមត្រូវទេ។
នៅពេលដែលមានឈ្មោះដែលគ្របដណ្តប់លើអេក្រង់តូច តួស្រី បានបន្សល់ទុកនូវចំណាប់អារម្មណ៍យ៉ាងខ្លាំងតាមរយៈតួនាទីបុរាណជាព្រះនាងចៀវវៃក្នុងរឿង My Fair Princess ។ អាជីពភាពយន្តរបស់នាងធ្លាប់បានឈានដល់ចំណុចកំពូល ជាមួយនឹងការងារជោគជ័យជាបន្តបន្ទាប់ និងទ្រព្យសម្បត្តិដ៏ច្រើនសន្ធឹកសន្ធាប់ ប៉ុន្តែឥឡូវស្ទើរតែគ្មានលុយកាក់៕

អត្ថបទ៖ សាង ស្រីល័ក្ខ
ចុចអាន៖សម្រស់ Joey Wong ប្រែប្លែក សង្ស័យថា ការកែសម្ផស្សធ្វើទុក្ខ

-
ព័ត៌មានជាតិ១ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៥ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល