ជីវិតកម្សាន្ដ

ពុកធ្មេញធម្មតាសោះ តារាថៃ Golf វិះតែបាត់បង់ជីវិតក្នុងវ័យក្មេង

បានផុស

៥៧ វិនាទី មុន

នៅ

ថ្ងៃចន្ទ ៣ មីនា ២០២៥

ដោយ

តារាចម្រៀងប៉ុបថៃ-ចិននិងសម្ដែងថៃលោក Golf Pichaya Nitipaisalkul ត្រូវបានបញ្ជូនទៅកាន់មន្ទីរពេទ្យកាលពីថ្ងៃទី ០៩ ខែកុម្ភៈ និងទទួលការវះកាត់លើកញ្ចឹងកភ្លាមៗ មូលហេតុចម្បងគឺលោកឆ្លងមេរោគធ្ងន់ធ្ងរពីធ្មេញ វិះតែបាត់បង់ជីវិត។

យោងតាមការចុះផ្សាយពី Khao Sod កាលពីថ្ងៃទី ០២ ខែមីនា បានរាយការណ៍ថា ការបង្ហាញខ្លួននៅក្នុងព្រឹត្តិការណ៍តាំងពិពណ៌មួយ Golf ចែករំលែកជាលើកដំបូងអំពីឧប្បត្តិហេតុសុខភាពដែលស្ទើរតែធ្វើឲ្យគាត់វិះតែបាត់បង់ជីវិត។ ដំបូងឡើយ គាត់គ្រាន់តែមានអារម្មណ៍ថាឈឺបន្តិចនៅក ប៉ុន្តែការឈឺចាប់កាន់តែធ្ងន់ធ្ងរទៅៗ ដែលធ្វើឲ្យពិបាកលេបអាហារ និងធ្វើចលនា។ ពេលចូលពេទ្យ គ្រូពេទ្យបានបញ្ជាឲ្យវះកាត់ភ្លាមៗ ដើម្បីការពារកុំឲ្យការឆ្លងរាលដាល ។ ពេលនោះ តារាសម្ដែងភ្ញាក់ផ្អើលពេលឮការប្រកាសរបស់គ្រូពេទ្យថាត្រូវហៅសាច់ញាតិទាំងអស់មកជុំគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក តារាសម្ដែអវ័យ៣៨ឆ្នាំ មានគម្រោងធ្វើដំណើរទៅប្រទេសជប៉ុន ប៉ុន្តែត្រូវលុបចោលទៅសម្រាកព្យាបាលនៅមន្ទីរពេទ្យ។ ការវះកាត់មានរយៈពេលប្រហែល ២ ម៉ោង បន្ទាប់មកគាត់បានសម្រាកនៅមន្ទីរពេទ្យរយៈពេល ៧ ថ្ងៃ និងបន្តទទួលការចាក់ថ្នាំអង់ទីប៊ីយោទិចរយៈពេល ៦ ថ្ងៃជាប់ៗគ្នា។

យោងតាមលោកវេជ្ជបណ្ឌិត មូលហេតុអាចមកពីការឆ្លងមេរោគដោយសារតែការពុកធ្មេញ ផលវិបាកពីការវះកាត់កែសម្ផស្ស ឬរលាកប្រហោងឆ្អឹង។ បច្ចុប្បន្ននេះ គាត់កំពុងរង់ចាំលទ្ធផលនៃការវិភាគបាក់តេរី ដើម្បីកំណត់ពីមូលហេតុពិតប្រាកដ។ ទោះបីជាដំណាក់កាលដ៏គ្រោះថ្នាក់បានកន្លងផុតទៅក៏ដោយ តារាថៃនៅតែមានអារម្មណ៍ឈឺចាប់ និងកំណត់ចលនា ដើម្បីកុំឲ្យប៉ះពាល់ដល់មុខរបួស។ សម្លេងរបស់គាត់ក៏រងផលប៉ះពាល់ផងដែរបន្ទាប់ពីការវះកាត់ភ្លាមៗ។

បន្ទាប់ពីឧបទ្ទវហេតុនេះ Golf បានផ្លាស់ប្តូររបៀបរស់នៅរបស់គាត់ ដោយផ្តោតលើរបបអាហារដែលមានសុខភាពល្អនិងរបៀបរស់នៅល្អជាងមុន។ គាត់បានចែករំលែកថា «ខ្ញុំធ្លាប់មិនគោរពដំបូន្មានឪពុកម្តាយខ្ញុំអំពីសុខភាព ប៉ុន្តែឥឡូវខ្ញុំយល់ថា គ្មានអ្វីមានតម្លៃជាងរាងកាយដែលមានសុខភាពល្អនោះទេ»។

សម្រាប់ Golf Pichaya Nitipaisalkul លោកកើតនៅឆ្នាំ ១៩៨៧ ជាតារាចម្រៀង និងជាតារាសម្ដែងដ៏ល្បីនៅប្រទេសថៃ។ គាត់ត្រូវបានទស្សនិកជនស្គាល់តាមរយៈតួប្រុសក្នុងរឿង «club friday the series» និង «Song Sanaeha»។ នៅក្នុងវិស័យតន្ត្រី គាត់បានឈ្នះពានរង្វាន់ធំៗជាច្រើនដូចជា Best Breakthrough Artist, Most Favorite Artist Seed Awards ឆ្នាំ ២០០៦៕