ជីវិតកម្សាន្ដ

អាជីព Angelababy កំពុងស្ថិតក្នុងស្ថានភាពអស់សង្ឃឹមខ្លាំង

បានផុស

៥២ វិនាទី មុន

នៅ

ថ្ងៃអង្គារ ៤ មីនា ២០២៥

ដោយ

បណ្ដាញព័ត៌មាន Sohu បានរាយការណ៍កាលពីថ្ងៃទី ២៨ ខែកុម្ភៈថា គឺជាថ្ងៃកំណើតរបស់ Angelababy ហើយដើម្បីត្រៀមថ្ងៃសំខាន់ តារាស្រីរូបនេះ មិនត្រឹមតែថតរូបពីរផ្សេងគ្នាប៉ុណ្ណោះទេ ថែមទាំងបានប្រកាសកុងត្រាថ្មីមួយទៀត ដើម្បីរំលឹកដល់អាយុជីវិតថ្មី សំណាងល្អ និងភាពចម្រុងចម្រើន ខណៈដែលកាលពីមុននាងទើបតែត្រូវបានហាមមិនឲ្យនិយាយនៅលើបណ្ដាញសង្គម។

យ៉ាងណា មុនពេលតារាស្រីវ័យ៣៦ឆ្នាំ ធ្លាក់ចូលទៅក្នុងរឿងអាស្រូវ ខួបកំណើតរបស់នាងគឺមានភាពអ៊ូអរខ្លាំងណាស់។ នាងបានទទួលការជូនពរជាច្រើនពីមិត្តរួមការងារ និងដៃគូ ហើយថែមទាំងមានពិធីជប់លៀងអបអរសាទរផ្សេងៗជាច្រើនផងដែរ។ ប៉ុន្តែក្នុងឆ្នាំនេះ មានតែតារាសម្ដែង Li Chen ប៉ុណ្ណោះដែលបានផ្ញើសារអបអរសាទរដល់ Angelababy។

ក្រោយមក នៅលើបណ្តាញសង្គម Weibo ប្រធានបទ មិត្តភាពរបស់ Li Chen និង Angelababy បានលេចចេញមក។ ជាពិសេស ទស្សនិកជន បានលើកឡើងអំពីអ្នសិល្បៈផ្សេងទៀតដែលមិនអាចមកចូលរួមក្នុងពិធីមួយនេះបាន។ មិនត្រឹមតែប៉ុណ្ណោះ មិត្តភ័ក្តិល្បីឈ្មោះពីរដួងគឺ Yang mi និងពិធីករប្រុសម្នាក់ទៀត ដែលធ្លាប់ជប់លៀងជាមួយតារាស្រី ពេលនេះក៏កំពុងតែឃ្លាតឆ្ងាយពីនាងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេស Angelababy បានគេចផុតពីការហាមប្រាមក្នុងការនិយាយ ប៉ុន្តែការពិតអាជីពរបស់នាង គឺមិនស្ថិតស្ថេរ ហើយកេរ្តិ៍ឈ្មោះទៀតសោទ មិនអាចត្រលប់មកវិញដូចពីមុននោះទេ។ កន្លងមក ភាពយន្តដែលត្រូវបានចាក់ផ្សាយនាពេលថ្មីៗនេះ ប៉ុន្តែទទួលបានការពិនិត្យគុណភាពអន់។ ខ្សែភាពយន្តនេះ បានប្រើប្រាស់ឥទ្ធិពលពិសេសមិនល្អ និងឈុតឆាកក្លែងក្លាយ រហូតដល់ក្លាយជាប្រធានបទនៃការពិភាក្សាដែលមានអ្នកចូលមើលរហូតដល់ ៥០ លានដងនៅលើ Weibo ។ ទស្សនិកជនជឿថា សូម្បីតែនៅឆ្នាំ ២០២៥ គុណភាពនៃខ្សែភាពយន្តរបស់នាង នឹងអាក្រក់ដូច Love in the Sea of Hatred (២០១៧) ដែរ។ ជាមួយគ្នានេះ ការសម្ដែងរបស់នាង ក៏រងការរិះគន់ផងដែរ។

នៅក្នុងខែកុម្ភៈ ខ្សែភាពយន្តចុងក្រោយរបស់ Angelababy គឺ «Everlasting Longing» ត្រូវបានចាក់ផ្សាយ ប៉ុន្តែមិនអាចបង្កើតការពិភាក្សាណាមួយបានទេ។ ការចាក់ផ្សាយភាពយន្តទាំងនេះ មិនត្រឹមតែមិនបានជួយ Angelababy ប៉ុណ្ណោះទេ ថែមទាំងធ្វើឲ្យកេរ្តិ៍ឈ្មោះរបស់នាង កាន់តែអាក្រក់ថែមទៀត។ តារាស្រីរងការរិះគន់ថាល្បីជាង១០ឆ្នាំ សម្ដែងជាង១៥ឆ្នាំតែធ្វើមិនបានល្អ។

ទស្សនិកជនបានស្នើឲ្យនាងឈប់សម្តែង ។ ផលិតករក៏បានដឹងថា Angelababy មិនអាចទាក់ទាញទស្សនិកជន និងមិនអាចអនុវត្តខ្សែភាពយន្តនេះបានទេ។ យោងតាម QQ វានឹងពិបាកសម្រាប់នាង ក្នុងការទទួលបានតួឯកស្រីបន្ថែមទៀតនាពេលអនាគតដ៏ខ្លី៕