ជីវិតកម្សាន្ដ

ស្គាល់គ្នា១៧ឆ្នាំ តារាសម្ដែង Kang Eun Bi ប្រកាសរៀបការជាមួយមិត្តប្រុសហើយ

បានផុស

៣៤ វិនាទី មុន

នៅ

ថ្ងៃព្រហស្បតិ៍ ៦ មីនា ២០២៥

ដោយ

កាលពីថ្ងៃទី ០៦ ខែមីនា តារាសម្ដែង Kang Eun Bi បានប្រាប់ព័ត៌មានអំពីអាពាហ៍ពិពាហ៍របស់នាងតាមរយៈ Instagram ដោយធ្វើការរៀបរាប់យ៉ាងលម្អិតអំពីមិត្តប្រុសដែលនាងបានសម្រេចចិត្តរៀបអាពាហ៍ពិពាហ៍ជាមួយគ្នា។

តារាស្រីរូពនេះ បានសរសេរក្នុងថ្ងៃនេះថា «ប្រហែលឆ្នាំ ២០០៨ នៅពេលដែលខ្ញុំមានអារម្មណ៍បាត់បង់ ខ្ញុំបានជួបមនុស្សម្នាក់ដែលផ្លាស់ប្តូរខ្ញុំទៅជាមនុស្សវិជ្ជមានជាងនេះ ហើយវាធ្វើឲ្យខ្ញុំគិតថា ប្រហែលជាអនាគតដ៏ឆ្ងាយ ខ្ញុំប្រហែលជាអាចបង្កើតគ្រួសារដ៏កក់ក្តៅជាមួយពួកគេបាន»។

នាងបាននិយាយបន្តទៀតថា «មនុស្សម្នាក់នោះបាននៅក្បែរខ្ញុំ ការពារខ្ញុំ ហើយរង់ចាំដោយអត់ធ្មត់ ដូចជាដើមឈើដ៏រឹងមាំ ជួយខ្ញុំរកកន្លែងសុវត្ថិភាពនៅក្នុងខ្លួន។ បន្ទាប់ពីបានរស់នៅជាមួយគ្នាអស់រយៈពេល ១៧ ឆ្នាំ ទីបំផុតពួកយើងបានសម្រេចចិត្តរៀបការជាមួយគ្នា»។

តារាស្រីវ័យ៣៨ឆ្នាំ ក៏បានចែករំលែកព័ត៌មានលម្អិតខ្លះៗអំពីអាពាហ៍ពិពាហ៍របស់នាងផងដែរ ដោយបានសរសេរថា ពួកគេរៀបចំគម្រោងអាពាហ៍ពិពាហ៍យ៉ាងលម្អិតបំផុតនិងបានស្រុះស្រួលគ្នាមុននឹងរៀបចំពិធីឡើងមក។ នាងក៏បានព្រលយទៀតថា ការរៀបការរបស់ពួកគេដូចជាការចាប់ផ្តើមណាត់ជួបគ្នាម្តងទៀត ហើយចុងក្រោយគូស្នេហ៍នេះនឹងរៀបការនៅថ្ងៃសៅរ៍ ទី០៥ ខែមេសា ឆ្នាំ២០២៥។

គួរបញ្ចាក់ដែរថា Kang Eun Bi បានបង្ហាញខ្លួនជាតារាសម្តែងក្នុងឆ្នាំ ២០០៥ ជាមួយនឹងខ្សែភាពយន្ត “Wet Dreams 2” ។ បន្ទាប់មកនាងបានបន្តសម្តែងក្នុងផលិតកម្មជាច្រើនរួមមាន ‘Rainbow Romance’, ‘The Vineyard Man’, ‘My Too Perfect Sons’ និងរឿងជាច្រើនទៀត៕