ជីវិតកម្សាន្ដ

តារាសម្ដែង TVB ម្នាក់ ប្រកាសក្ស័យធន ក្រោយរងការចោទប្រកាន់ថា ជំពាក់បំណុលគេវ័ន្ត ក

បានផុស

៤ សប្តាហ៍ មុន

នៅ

ថ្ងៃអង្គារ ១១ មីនា ២០២៥

ដោយ

តួសម្ដែងប្រចាំ TVB គឺលោក Vinci Wong ត្រូវបានតុលាការកំពូលហុងកុងប្រកាសថាក្ស័យធន បន្ទាប់ពីក្រុមហ៊ុនឥណទានមួយចោទប្រកាន់គាត់ ពីបទខកខានក្នុងការសងប្រាក់កម្ចីគ្មានសុវត្ថិភាពសរុបចំនួន ២.៨ លានដុល្លារហុងកុង (៣៦០,៤៨៧ ដុល្លារអាមេរិក)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន The Star លោក Wong បានអវត្តមានពីសវនាការនៅថ្ងៃទី ០៣ ខែមីនា នៅពេលដែលចៅក្រមបានចេញដីកាក្ស័យធន។ ជាពិសេស តារាសម្ដែងប្រុសបានដាក់ពាក្យសុំក្ស័យធនកាលពីខែធ្នូឆ្នាំមុន បន្ទាប់ពីត្រូវបានប្តឹងដោយក្រុមហ៊ុនឥណទាន។ នៅពេលនោះ លោកបានបដិសេធមិនធ្វើអត្ថាធិប្បាយបន្ថែមទេ ដោយបញ្ជាក់ថា ករណីនេះស្ថិតក្រោមការចាត់ការតាមផ្លូវច្បាប់។ ថ្វីបើមានការថយក្រោយក៏ដោយ គាត់នៅតែមានសុទិដ្ឋិនិយម ដោយប្រាប់អ្នកសារព័ត៌មានថា «ខ្ញុំនឹងបន្តប្រឈមមុខនឹងវាដោយភាពវិជ្ជមាន និងកម្លាំង»។

ក្នុងវ័យ ៥៤ ឆ្នាំ Vinci Wong ត្រូវបានគេស្គាល់យ៉ាងច្បាស់សម្រាប់តួនាទីរបស់គាត់ នៅក្នុងរឿងភាគ TVB «Life For Lifeុ, “Healing Hands II និង Hidden Treasures» ។

ក្រៅពីអាជីពកម្សាន្តរបស់លោក Wong ក៏បានសកម្មក្នុងជំនួញផងដែរ។ ពីមុនគាត់ធ្លាប់ធ្វើជាប្រធានមន្ទីរពេទ្យ Tung Wah Group និងកាន់កាប់ភាគហ៊ុន ២៨% នៅក្នុងអាជីវកម្មគ្រួសាររបស់គាត់ WKK Distribution Limited ដែលបង្កើតឡើងដោយជីតារបស់គាត់ Wong Sha Shan ។ អាជីវកម្មនេះត្រូវបានគេរាយការណ៍ថាមានតម្លៃប្រហែល ៧០ លានដុល្លារហុងកុង។

ទ្រព្យសម្បត្តិរបស់គ្រួសារគាត់ ត្រូវបានគេប៉ាន់ស្មានថាមានចំនួន ៣ ពាន់លានដុល្លារហុងកុង ហើយគាត់ត្រូវបានគេរាយការណ៍ថា រស់នៅក្នុងអចលនទ្រព្យដែលមានតម្លៃ ២៣.២៩ លានដុល្លារហុងកុងនៅក្នុងសង្កាត់ Tai Kok Tsui របស់ហុងកុង។ ទោះជាយ៉ាងណាក៏ដោយ ទ្រព្យសម្បត្តិទាំងនេះភាគច្រើនមិនមែនមានតែឈ្មោះរបស់គាត់ទេ៕