ទោះបកស្រាយ! ខេម យល់ថា ទង្វើអ្នកប្រូម៉ូតផលិតផលរាំស្លុយលើ TikTok ធ្វើឱ្យប៉ះពាល់ខ្លាំងដល់តម្លៃសង្គម និងស្ត្រីខ្មែរ

ទោះបីមានការចេញមុខបកស្រាយពីសាមុីខ្លួនតែកំពូលតារាចម្រៀងលោក ខេម និងមហាជននៅបង្ហាញការមិនពេញចិត្តដោយយល់ថាទង្វើម្ចាស់គណនី TikTok ” koko Jenni ​”​ រាំបែកស្លុយ ធ្វើប៉ះពាល់ខ្លាំងដល់ត ម្លៃសង្គមនិងតម្លៃស្ត្រីខ្មែរ។

ប្រាកដណាស់ ថ្មីៗនេះ កើតមានការរិះគន់ជាខ្លាំងពីសំណាក់មហាជនប្រើប្រាស់បណ្តាញសង្គមហ្វេសប៊ុក ក្រោយមានការចែកចាយវីដេអូមួយ បង្ហាញសកម្មភាពរបស់ម្ចាស់គណនី TikTok មានប្រជាប្រិយភាពម្នាក់ ឈ្មោះ koko Jenni បញ្ចេញក្បាច់រាំបែកស្លុយមិនសមរម្យ នៅកំឡុងពេលប្រម៉ូតផលិតផលមួយ នាថ្ងៃសិទ្ធិនារី ៨មីនា ដែលទង្វើនេះនាំឱ្យប៉ះពាល់ដល់តម្លៃស្ត្រីខ្មែរ។

តារាចម្រៀងលោក ខេម បានបញ្ចេញទស្សន: ក្រោយពេលបុគ្គលភេទទី៣ ស្លៀកពាក់ជាស្រីរូបនេះ ចេញមុខបកស្រាយថា ប្អូន..បងនិយាយត្រង់មិនជាន់ពន្លិចអី្វទេ បើប្អូនឈប់បានគួរឈប់ទៅ បើប្អូនចង់សប្បាយបែបនេះ មិនហាមប្អូនទេ។ប៉ុន្តែគួរស្ងាត់ៗគ្នាប្អូនទៅកុំយកមកបង្ហោះទោះជាប្អូនមិនមែនភេទស្រីចំឬ មិនចំ បងមិនថានោះទេប៉ុន្តែការតុបតែងខ្លួនប្អូននេះបង្ហាញប្អូនជាស្រីហើយ ។

លោក ខេម និយាយទៀតថា”ពេលប្អូនឬមិត្តភក្តិប្អូនយកមកបង្ហោះវាធ្វើអោយប៉ះពាល់តម្លៃសង្គម និងត ម្លៃស្ត្រីខ្មែរប្រសិនបើប្អូនមិននិយាយខ្មែរឬជាជនជាតិខ្មែរនោះបងមិនបញ្ចេញយោបល់នោះទេតែនេះប្អូននិ យាយខ្មែរហើយជាជនជាតិខ្មែឬអាចនិយាយថារាំលើទឹកដីខ្មែរ ទោះចង់មិនចង់ក៏វាប៉ះពាល់រួចបាត់ទៅហើយ នេះវាពិតជាប៉ះពាល់តម្លៃសង្គមខ្មែរយើងពិតមែន”។

ទោះបីមានការបកស្រាយយ៉ាងនៅមានមហាជនជាច្រើន សម្តែងការមិនពេញចិត្តនិងរិះគន់ចំពោះទង្វើមិនគប្បីដែលជាគំរូអាក្រក់មួយសម្រាប់ក្មេងៗជំនាន់ក្រោយ ព្រមទាំងសង្គមផងដែរ ទោះបុគ្គលរូបនោះបកស្រាយថាគ្មានចេតនាធ្វើឲ្យប៉ះពាល់ដល់តម្លៃស្ត្រីឬខ្លួនជាភេទផ្ទុយ(ភេទទី៣)ក៏ពិតមែន៕ ចាន់រ៉ា