សន្តិសុខ​នៅតៃវ៉ាន់ ត្រៀមការពារ Kim Soo Hyun យ៉ាងតឹងរ៉ឹង ខ្លាចមានគ្រោះថ្នាក់កើតឡើង

កាលពីពេលថ្មីៗនេះប្រព័ន្ធផ្សព្វផ្សាយ ET Today របស់តៃវ៉ាន់ បានរាយការណ៍ថា សន្តិសុខដ៏តឹងរ៉ឹងនឹងត្រូវបានប្រមូលផ្តុំដើម្បីការពារតារាកូរ៉េ Kim Soo Hyun នៅក្នុងព្រឹត្តិការណ៍នាពេលខាងមុខ។

គេបានដឹងថា នៅថ្ងៃទី ៣០ ខែមីនា តារាសម្ដែងនឹងធ្វើដំណើរទៅកាន់តៃវ៉ាន់ ដើម្បីរៀបចំកម្មវិធីជួបជុំអ្នកគាំទ្រនៅ Kaohsiung Cherry Blossom Festival ។ ព្រឹត្តិការណ៍នេះ បានគ្រោងទុកមុនពេលមានរឿងអាស្រូវ ហើយសំបុត្រត្រូវបានលក់អស់គ្មានសល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នក​ផលិត​កម្មវិធី​បាន​និយាយ​ថា ខ្លួន​មិន​មាន​គម្រោង​លុប​ចោល​កម្មវិធី​នេះ​ទេ។ នេះ​ជា​ការ​បង្ហាញ​ខ្លួន​ជា​សាធារណៈ​លើក​ដំបូង​របស់ Kim Soo Hyun ចាប់​តាំង​ពី​មាន​រឿង​អាស្រូវ​ស្នេហា​ជាមួយ​តារា​សម្ដែង Kim Sae Ron។ ជាពិសេសថែមទៀត ដោយមើលឃើញពីសារៈសំខាន់ អ្នករៀបចំកម្មវិធីបានប្រកាសថា ពួកគេនឹងប្រមូលផ្តុំមន្ត្រីប៉ូលិសក្នុងតំបន់ជាង ៥០ នាក់ ដើម្បីការពារតារាប្រុសវ័យ៣៧ឆ្នាំ ក៏ដូចជារក្សាសណ្តាប់ធ្នាប់ និងដោះស្រាយរាល់ការរំខានប្រសិនបើមានរឿងរ៉ាវមិនល្អណាមួយកើតឡើង។

យ៉ាងណាក៏ដោយ រឿងអាស្រូវស្នេហាបានកើតឡើង នៅថ្ងៃទី ១០ ខែមីនា Channel YouTube Garosero បានចោទប្រកាន់ Kim Soo Hyun ថា មានស្នេហាជាមួយអនីតិជន។ ម្ចាស់​ប៉ុស្តិ៍ Youtube នេះ​បាន​បញ្ជាក់​ថា តារា​សម្ដែងបាន​ណាត់​ជួប Kim Sae Ron តាំង​ពី​នាង​មាន​អាយុ ១៥ ឆ្នាំ ខណៈ Kim Soo Hyun មាន​អាយុ ២៧ ឆ្នាំ។

ជាងនេះទៅទៀត បញ្ហាបំណុល ៧០០លានវ៉ុន រវាង Kim Sae Ron និងក្រុមហ៊ុនគ្រប់គ្រង Gold Medalist គឺជាមូលហេតុដែលធ្វើឲ្យតារាស្រី ធ្លាក់ក្នុងភាពអស់សង្ឃឹម។ នាងបានទទួលមរណភាពនៅថ្ងៃទី ១៦ ខែកុម្ភៈ ដែលជាថ្ងៃខួបកំណើតរបស់ Kim Soo Hyun មូលហេតុត្រូវបានប៉ូលិសប្រកាសថាធ្វើអត្តឃាត។​

មិនតែប៉ុណ្ណោះ គេ​ដឹង​ថា​ក្រោយ​ ​Kim Sae Ron ទទួល​មរណភាព តារាសម្ដែងប្រុសមិន​បាន​ទៅ​ចូល​រួម​បុណ្យ​សព ឬ​ផ្ញើ​កម្រង​ផ្កា​ឡើយ។ មាន​តែ​អគ្គនាយក Gold Medalist ​ទេ​ដែល​ផ្ញើ​កម្រង​ផ្កា​ចូល​បុណ្យ​សព។ ចាប់តាំងពីពេលនោះមក Kim Soo Hyun មិនដែលបង្ហាញមុខជាសាធារណៈនៅមុខប្រព័ន្ធផ្សព្វផ្សាយ ឬសាធារណៈជនឡើយ។ សាច់​ញាតិ​ម្នាក់​បាន​និយាយ​ថា បច្ចុប្បន្ន​តារា​សម្ដែង​រូប​នេះ​កំពុង​ស្នាក់​នៅ​ជាមួយ​ក្រុម​គ្រួសារ​ដោយ​សារ​អស្ថិរភាព​ផ្លូវចិត្ត។ ពេញមួយរយៈពេលកន្លងមក ជំហររបស់ក្រុមហ៊ុន និងឯកសារដែលបានប្រកាសទៅកាន់អ្នកសារព័ត៌មាន សុទ្ធតែត្រូវបានបញ្ជាក់ដោយ Kim Soo Hyun ។

តួឯកប្រុសរឿង My Love from the Star គឺជាអ្នកតំណាងឲ្យម៉ាកពហុវិស័យចំនួន ១៩ ពីម្ហូប ម៉ូដ និងហិរញ្ញវត្ថុ។ យោងតាមអ្នកខាងក្នុងឧស្សាហកម្ម ចំនួនទឹកប្រាក់ដែល Kim Soo Hyun ត្រូវតែបង់ប្រសិនបើគាត់បំពានកិច្ចសន្យាមានរហូតដល់១៦ ពាន់លានទៅ ២៤ពាន់លានវ៉ុន ។ តារាសម្តែងក៏កំពុងសម្តែងក្នុងរឿង Knock Off របស់ Disney+ ដែលចំណាយអស់ ៦០ ពាន់លានវ៉ុន ដើម្បីផលិត។ ប្រាក់ខែរបស់គាត់សម្រាប់រឿងនេះឈានដល់កំណត់ត្រា ៨០០លានវ៉ុនក្នុងមួយវគ្គ។ ដោយសារតែសំលេងរំខាននេះ Disney+ បានសម្រេចចិត្តពន្យារពេលការចេញផ្សាយរឿង Knock Off ដែលសម្តែងដោយ Kim Soo Hyun ។

យ៉ាងណាមិញ នៅក្នុងចម្រូងចម្រាសចុងក្រោយនេះ ក្រុមហ៊ុនគ្រប់គ្រងរបស់ Kim Soo Hyun បានប្រកាសប្តឹងប៉ុស្តិ៍ YouTube Garosero និងគ្រួសារ Kim Sae Ron ពីបទចែកចាយរូបថតឯកជនរបស់តារាសម្តែង។ ជាមួយគ្នានេះដែរ ប៉ុស្តិ៍ YouTube Garosero បានប្រកាសថា មានរូបភាព និងព័ត៌មានដ៏គួរឱ្យភ្ញាក់ផ្អើលជាច្រើនទៀតទាក់ទងនឹង Kim Soo Hyun ៕

អត្ថបទ៖ សាង ស្រីល័ក្ខ

ចុចអាន៖Lee Jin Ho ទម្លាយមូលហេតុពិតនៅពីក្រោយការស្លាប់ Kim Sae Ron និងប្រកាសប្ដឹងអ្នកមីងក្លែងក្លាយ