មាស សុខសោភា ចេញមុខបកស្រាយ ក្រោយផ្ទុះរឿងលុយកន្លះលានដុល្លារ សង់អាស្រមតាសក់សភ្នំត្បែង

តារាចម្រៀងសំនៀងផ្អែមអ្នកនាង មាស សុខសោភា បានចេញមុខច្រានចោលនូវការលើកឡើងមួយដែលថា អ្នកនាងមានពាក់ព័ន្ធរឿងលុយកន្លះលានដុល្លារជាមួយលោកតាសក់សភ្នំត្បែង កសាងអាស្រមនៅទីនោះ គឺជារឿងមិនពិតឡើយ។

អ្នកនាង មាស សុខសោភា បានបង្ហាញការហួសចិត្ត ខណ:មានការចុះផ្សាយមួយ បានលើកឡើងថា ខ្លួនបានចាញ់បោកដល់ថ្នាក់ចំណាយលុយផ្ទាល់ខ្លួនធ្វើបុណ្យតាមរយ:លោកតាសក់សភ្នំត្បែង ដោយនាងចាត់ទុកថា ធ្វើឱ្យប៉ះពាល់ដល់ខ្លួននាងផ្ទាល់ ក៏ដូចជាអ្នកដែលមិនដឹងអីសោះ។

តារាចម្រៀងរូបនេះ ថា “ចេះតែមកចោទប្រកាន់ដោយគ្មានការពិត ថាខ្ញុំអស់លុយរាប់លានដុល្លារ តើខ្ញុំមានលុយរាប់លានដុល្លារឯណា ដើរធ្វើបុណ្យអ៊ីចឹងនោះ? ខំច្រៀងមួយថ្ងៃៗរកតែលុយដូរឡានជិះមិនបានផងនោះ ណាមួយកំពុងបង់ខាតក្នុងការរកស៊ីផង និងចាញ់បោករឿងតុងទីនទៀតផងដូចបងប្អូនដឹងស្រាប់ហើយបញ្ហាសេដ្ឋកិច្ចកាលពីមុននោះ”។

តារាចម្រៀង មាស សុខសោភា បានចាត់ទុកថា នេះជាការផ្សាយដោយគ្មានមូលដ្ឋាន និងប៉ះពាល់ដល់ខ្លួនផងដែរ ដូច្នេះអ្នកនាងស្នើឱ្យមានការសិក្សាឱ្យច្បាស់ មុននឹងនិយាយដល់រឿងនេះ។

សូមជម្រាបដែរថា អ្នកនាងមាស សុខ សោភា កាលពីថ្មីៗកន្លងទៅបានសម្រេចបង្កើតសមូនិធិផ្ទាល់ខ្លួនមួយ ដែលមានឈ្មោះថា “មូលនិធិបេះដូង មាស សុខសោភា (Meas Soksophea Heart Foundation)” ក្នុងគោលបំណងដើម្បីជួយលោកតាសក់​សភ្នំត្បែង និងសាងសង់រូបសំណាកនៅទីនោះ។

កន្លងទៅមូលនិធិនេះ បាន​បរិច្ចាគថវិការជាង ៣០០,០០០​ដុល្លារ ដល់អង្គហាឦស្វរៈសិមោក្ខ ពេជ្រ សង្វារវង្ស ហៅលោក​តា​សក់សភ្នំត្បែង ដើម្បីទិញដីនិងសាងសង់រូបសំណាកចំនួន៥ ដែលមានទីតាំង​នៅកំពូល​ភ្នំត្បែងផងដែរ៕ អត្ថបទ៖ ចាន់រ៉ា