តារាជើងចាស់ រ៉េត រ៉ូស ទម្លាយចំណងជើងរឿងដែលថតចប់ ៣ឆ្នាំហើយ មិនទាន់ឱ្យកម្រៃថត

ជ្រុលជាមិនទាន់បានលុយពីការថតកុន តារាសម្តែងជើងចាស់អ្នកស្រី រ៉េត រ៉ូស ចេញមុខទម្លាយការឈឺចាប់ខ្លួនមួយទៀត ពីការថតកុនរឿង កុងត្រាបេះដូង ខណៈដែលថតចប់ ៣ឆ្នាំកន្លងផុតទៅហើយ ម្ចាស់ផលិតកម្មនៅមិនព្រមបើកលុយកម្រៃថ្លៃថតរបស់ខ្លួន។

កាលពីថ្មីៗនេះ តារាសម្តែង រ៉េត រ៉ូស បានបង្ហាញការហួសចិត្តទៅលើអ្នកសិល្ប:ដូចគ្នា និងបុគ្គលមួយចំនួនដែលបានរិះគន់ហើយស្តីបន្ទោសថាអ្នកស្រីជាន់ពន្លិចម្ចាស់ផលិតកម្ម គ្រាន់តែរឿងសុំបើកលុយកម្រៃថ្លៃថតរបស់ខ្លួនដែលគិតមកដល់ពេលឥឡូវនេះ គឺមានរយ:ពេលយូរឆ្នាំមកហើយ។

ដោយឡែក ម្សិលមិញនេះ តារាជើងចាស់រ៉េត រ៉ូស បានបន្តទម្លាយថា ក្នុងនោះ ក៏មានរឿង កុងត្រាបេះដូង ដែលថត ៣ឆ្នាំហើយមិនទាន់បើកលុយសូម្បីតែមួយថ្ងៃ។ តារាជើងចាស់រូបនេះ ស្នើសុំថា “សូមឱ្យតម្លៃខ្ញុំជាមនុស្សចាស់ផង កុំមើលរំលងអំពើល្អខ្ញុំពេក ហើយខ្ញុំជួយអ្នកហើយ ទុកពេលឱ្យក៏យូរឆ្នាំហើយ ល្មមគិតគូរហើយដឹងសុំប្រាប់ថា បាបកម្មមានពិតកម្មពារមិនចាំជាតិក្រោយទេ”។

អ្នកស្រី រ៉េត រ៉ូស បានបញ្ជាក់ថាអ្នកស្រីផុសលើFace bookហើយដាក់លិខិតទៅសមាគមក៏យូរដែរតែលទ្ធ ផលស្ងាត់ឈឹងដូចចោរលួចសេះ នេះហើយជីវិតសិ ល្បករមិនល្បីដូចអ្នកស្រី សង្ស័យតែបែងចែកភពគ្នានៅដូចទឹកនិងប្រេងដូចដែលអូន ខាត់ សុឃីម និយា យមែនទេដឹង។

ចាំបានថាតារាសម្តែងជើងចាស់អ្នកស្រី រ៉េត រ៉ូស ថ្មីៗនេះបានដាច់ចិត្តទម្លាយរឿងរ៉ាវនៃការអន់ចិត្ត និងត្អូ ញត្អែព្រោះម្ចាស់ផលិតកម្ម មិនបើកលុយឲ្យលើកម្រៃថតរឿងក្នុងនោះអ្នកស្រីក៏បានផ្តាំផ្ញើតួសម្តែងជំនាន់ក្រោយមួយចំនួនឱ្យមានការប្រុងប្រយ័ត្នផងដែរ៕ អត្ថបទ៖ ចាន់រ៉ា