ជីវិតកម្សាន្ដ

Park Bo Gum ទម្លាយឈុតគ្រោះថ្នាក់គ្មានតួជំនួស ត្រូវហែលកណ្ដាលសមុទ្រធំល្វឹងល្វើយ

បានផុស

១ ថ្ងៃ មុន

នៅ

ថ្ងៃព្រហស្បតិ៍ ២៧ មីនា ២០២៥

ដោយ

នៅក្នុងរឿងភាគដ៏ល្បីរបស់ Netflix ក្រោមចំណងជើងថា « When Life Gives You Tangerines» Park Bo Gum បានដើរតួជា Yang Gwan Sik ដែលជាបុរសសាមញ្ញម្នាក់រស់នៅដោយស្មោះត្រង់ និងស្រលាញ់ពេញបេះដូងនៅលើកោះជេជូ ក្នុងទសវត្សរ៍ឆ្នាំ ១៩៦០។

តាមរយៈសាច់រឿងនេះមានសកម្មភាពចំនួនបួន ឆ្លងកាត់ពេលវេលា និងជំនាន់តួអង្គ Gwan Sik បានបន្សល់ទុកនូវការចាប់អារម្មណ៍ដល់ទស្សនិកជនជាមួយនឹងភាពស្មោះត្រង់ និងស៊ីជម្រៅរបស់គាត់ ជាពិសេសតាមរយៈការសម្តែងដ៏ស្រទន់របស់ Park Bo Gum ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាបែបនេះ នៅក្នុងកិច្ចសម្ភាសន៍នាពេលថ្មីៗនេះ តារាសម្តែងប្រុសវ័យ៣១ឆ្នាំ បានបង្ហាញពីរឿងរ៉ាវនៅពីក្រោយឆាក ដ៏គ្រោះថ្នាក់ជាច្រើន រួមទាំងការថតឈុតហែលទឹកសមុទ្រដោយខ្លួនឯង ដែលជាឈុតមួយផ្ទុះការចាប់អារម្មណ៍ច្រើនជាងឈុតផ្សេងៗ។

ដោយមិនចាំបាច់មានអ្នកសម្ដែងជំនួស Park Bo Gum បានសម្រេចចិត្តហែលកណ្ដាលរលកសមុទ្រដ៏ធំ ដែលតួ Gwan Sik កំពុងរសាត់អណ្ដែតកណ្ដាលសមុទ្រ។ លោកបាននិយាយថា «វាជាលើកទីមួយ ដែលខ្លួនបានហែលទឹកក្នុងសមុទ្រ ប៉ុន្តែទោះជាមានតួជំនួស ប៉ុន្តែលោកថាចង់ធ្វើវាដោយខ្លួនឯង ដោយសារតែលោកជាមនុស្សស្រឡាញ់ទឹកនិងចូលចិត្តហែលទឹក ហើយក៏មានទំនុកចិត្តគ្រប់គ្រាន់។ ទោះជាពេលនោះ រលកបាននាំលោកចេញទៅឆ្ងាយ ហើយជើងមិនអាចប៉ះបាតសមុទ្របានពិតមែន ប៉ុន្តែតារាប្រុសបានគិតថា តើពេលណាលោកនឹងមានឱកាសហែលក្នុងសមុទ្របែបនេះម្តងទៀត»?

ជាលទ្ធផល គឺជាឈុតដ៏ស្រស់ស្អាតគួរឲ្យរំជួលចិត្តដែលត្រូវបានអ្នកជំនាញហែលទឹកសរសើរយ៉ាងខ្លាំង។ គាត់បាននិយាយថា មិត្តភក្តិរបស់លោកបានផ្ញើសារមកថា អ្នកជំនាញហែលទឹកបានសរសើរឈុតនេះ។ ដោយសារតារាប្រុសមិនបានធ្វើលំហាត់ពីមុនមកទេ ដូច្នេះការទទួលបានពាក្យសរសើរពីអ្នកជំនួញគឺជារឿងអស្ចារ្យមួយ។

សម្រាប់ Park Bo Gum តួនាទីរបស់ Gwan Sik មិនត្រឹមតែជាបញ្ហាប្រឈមក្នុងការសម្តែងប៉ុណ្ណោះទេ ប៉ុន្តែក៏ជាដំណើរខាងក្នុងផងដែរ។ លោកថា ចរិតនេះធ្វើឲ្យលោកមើលមកវិញនូវរបៀបដែលលោកស្រឡាញ់ និងបង្ហាញពីអារម្មណ៍របស់លោកចំពោះមនុស្សជុំវិញខ្លួន។

តារាកូរ៉េរូបនេះថែមទាំងពោលសរសើរដល់តួអង្គ Gwan Sik ថា «មិនមែនជាមនុស្សនិយាយស្តីទេ ប៉ុន្តែគាត់រស់នៅដោយស្ងប់ស្ងាត់ យកចិត្តទុកដាក់ និងធ្វើគ្រប់យ៉ាងដោយអស់ពីចិត្ត។ គាត់មិនទាមទារអ្វីទេ គ្រាន់តែចូលរួមចំណែកដោយស្ងៀមស្ងាត់ ខ្ញុំគិតថាប្រសិនបើខ្ញុំមានកូនស្រីនាពេលអនាគត ខ្ញុំចង់ឲ្យនាងជួបមនុស្សដូច Gwan Sik ។ ពីតួនាទីនេះ ខ្ញុំបានដឹងថាអ្នកមិនគួរភ័យខ្លាចក្នុងការបង្ហាញក្តីស្រឡាញ់ មិនថាក្នុងទំនាក់ទំនង ឬនៅកន្លែងធ្វើការនោះទេ»។

មិនតែប៉ុណ្ណោះ Park Bo Gum មិនខ្លាចនឹងលះបង់សម្រស់សម្រាប់តួនាទីរបស់ខ្លួននោះទេ។ គាត់បាននិយាយថាគាត់ឡើងប្រហែល ៤-៥ គីឡូក្រាម ដើម្បីឲ្យមានអារម្មណ៍ថាមានសុខភាពល្អនិងពិតប្រាកដ ជាពិសេសមុខមាត់និងដងខ្លួនត្រូវតម្រូវឲ្យមានស្ពែកស្រគាំ ដូចទៅនឹងតួអង្គ Gwan Sik ដែលជាមនុស្សនៅលើជេជូ។

ជាមួយនឹងការរៀបចំយ៉ាងប្រុងប្រយ័ត្ន និងអាកប្បកិរិយា Park Bo Gum បាននាំយកតួ Gwan Sik ដែលមានភាពស្និទ្ធស្នាល សាមញ្ញ ប៉ុន្តែពោរពេញដោយកម្លាំងខាងក្នុង។ មិនត្រឹមតែជាតួអង្គល្អប៉ុណ្ណោះទេ វាក៏ជាស្ពានតភ្ជាប់រវាង Park Bo Gum និងទស្សនិកជនផងដែរ៕