Connect with us

ជីវិតកម្សាន្ដ

តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះ​រញ្ជួយ​ដី​?

បានផុស

នៅ

ហេតុការណ៍ដ៏គួរឱ្យរន្ធត់ និងភ្ញាក់ផ្អើលទូទាំងពិភពលោកនៃគ្រោះរញ្ជួយដីកម្រិត ៧,៧​ រ៉ិចទ័រនៅកណ្តាលប្រទេសមីយ៉ាន់ម៉ា និង ប្រទេសថៃកាលពីថ្ងៃទី២៨ ខែមីនា ឆ្នាំ២០២៥ ម្សិលមិញបានក្លាយជាសោកនាដកម្មដ៏សង្វេគបំផុតសម្រាប់ជនរងគ្រោះ និងប្រជាពលរដ្ឋប្រទេសទាំង២។ ខណៈកម្រិតនៃគ្រោះរញ្ជួយដីនៅថៃលើកនេះ ជាអ្វីដែលប្រទេសជាប់ភូមិផងរបងកម្ពុជាមួយនេះ ទើបតែជួបប្រទះជាលើកដំបូង។

គ្រោះរញ្ជួយដី
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មានទាំងក្នុងនិងក្រៅស្រុកជាច្រើន បានចុះផ្សាយនូវហេតុការណ៍ដ៏អាក្រក់នៃគ្រោះរញ្ជួយដីកម្រិតខ្ពស់នេះព្រោងព្រាត ដោយបញ្ជាក់ថា ក្នុងនោះមានការបាក់រលំអគារកំពុងសាងសង់ធ្វើឱ្យមនុស្សជាច្រើននាក់ជាប់នៅក្នុងនោះ។ តួយ៉ាង អគារ​ខ្ពស់​ៗ​ជាច្រើនក្នុងទីក្រុងដ៏សុីវិល័យរបស់ថៃ រងផលប៉ះពាល់មិនតិចនោះទេ ខណៈហេតុការណ៍អាក្រក់ម្សិលមិញនេះ ក៏មានសិល្បករសិល្បការិនីខ្មែរមួយចំនួនកំពុងស្ថិតនៅទីនោះផងដែរ។

១. តារាចម្រៀងលោក ងួន ចាន់ដេវីត ហៅ G-Devith
ខណ:ពេលកំពុងនៅប្រទេសថៃ កំពូលតារាចម្រៀងរ៉េបរូបនេះ បានបញ្ចេញសារអរគុណអ្នកដែល​បារម្ភ​ពីខ្លួន កំឡុងពេលស្វែងរកផ្លូវវិលមកមាតុភូមិវិញ ធ្វើឱ្យអ្នកគាំទ្រ មានក្តីភ្ញាក់ផ្អើលនិងសម្តែងក្តីព្រួយបារម្ភ។ យ៉ាងណា ជាច្រើនម៉ោងក្រោយមក លោកក៏បានបញ្ជាក់សុខទុក្ខខ្លួនជាថ្មីថា លោកបានធ្វើដំណើរមកដល់មាតុភូមិកំណើតដោយសុវត្ថិភាព។

២. តារាកំប្លែង និងសម្តែង ម៉ា ដូណា កំឡុងពេលនោះលោកក៏មានវត្តមាននៅប្រទេសថៃ ។ លោករៀបរាប់ទាំងអារម្មណ៍ភ័យខ្លាចថា “ស្ទះខ្លាំងណាស់ យន្តហោះក៏ពេញ ឡានក៏ពេញ វគ្គម៉ៅតាក់សុីចាក់កខ្លាំង បាយបាយបាងកក”។

៣. តារាចម្រៀងម្ចាស់បទស្រលាញ់អូនដល់កាន់ឈើច្រត់ “លោក ជ័យ សុវ៉ាត ភ្លាមៗនោះបានបង្ហោះថា កំឡុងពេលរញ្ជួយដីលោកក៏កំពុងស្ថិតនៅប្រទេសថៃជាមួយម្តាយផងដែរ”។

៤. តារាសម្តែង ញឹម ច័ន្ទថន ក៏មិនខុសពីតារាប្រុស ៣ដួងខាងលើដែរ គឺនាងក៏ស្ថិតនៅប្រទេសថៃ អំឡុងជួបហេតុការណ៍ដ៏រន្ធតខាងលើនេះដែរ។ បន្ទាប់មកនាងបញ្ជាក់ថា “ខ្ញុំមកដល់មាតុភូមិខ្ញុំហេីយ អរគុណអ៊ុំពូមីងនិងបងប្អូនសិល្បៈបានបារម្ភហេីយសួរពីសុខទុក្ខនាងខ្ញុំ”៕ អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ក្រុងប៉ោយប៉ែត
សន្តិសុខសង្គម២៣ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

សន្តិសុខសង្គម៤ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ៧ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានអន្ដរជាតិ២៤ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានជាតិ១ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

Sokha Hotels

ព័ត៌មានពេញនិយម