Connect with us

ជីវិតកម្សាន្ដ

Justin ទំនងជាបង្ហោះស្ទូរី ឌឺដងអតីតសង្សារ  Selena

បានផុស

នៅ

អ្នកគាំទ្ររបស់តារាប្រុស-ស្រីទាំងពីរដួង ជឿជាក់ថា Justin Bieber បាននិងកំពុងតែជីកកកាយរឿងរ៉ាវដើម្បីឌឺដងទៅកាន់អតីតមិត្តស្រីគឺ Selena Gomez ចំពេលលោកមានពាក្យចចាមអារ៉ាមល្អក់កករ ពាក់ព័ន្ធនឹងបញ្ហាអាពាហ៍ពិពាហ៍ ជាមួយភរិយា Hailey Bieber ។

មិនតែប៉ុណ្ណោះ មួយសប្តាហ៍ចុងក្រោយនេះ អ្នកគាំទ្រមានការព្រួយបារម្ភកាន់តែខ្លាំងឡើង ចំពោះតារាចម្រៀងកាណាដា ដោយសារតែជារឿយៗលោកតែងតែបង្ហោះរូបនៅលើបណ្តាញសង្គមដូចមនុស្សដែលមិនអាចគ្រប់គ្រងអារម្មណ៍ផ្ទាល់ខ្លួនបាន។

អ្វីដែលកាន់តែធ្វើឲ្យមហាជនកាន់តែភ្ញាក់ផ្អើលខ្លាំងនោះគឺថា តារាចម្រៀងវ័យ៣១ឆ្នាំបាន​បង្ហោះវីដេអូមួយនៅក្នុងស្ទូរីផ្ទាល់ខ្លួនអំពីខ្សែភាពយន្ត the lord of the rings ដោយបង្ហាញអំពីសត្វ Gollum ក្នុងដៃកាន់ចិញ្ចៀនមកមើល រួចបោះចូលទៅក្នុងភ្លើងភ្លាមៗ។ ក្នុងនោះលោកបានដាក់ចំណងេជើងពីលើថា «មនុស្ស​ស្រី​នៅ​លើ​បណ្ដាញ​សង្គម ​ពេល​ពួក​គេ​ភ្ជាប់​ពាក្យ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រក៏អាចបានប៉ាន់ស្មានថា Justin កំពុងលេងសើចជាមួយ Selena ដែលបានភ្ជាប់ពាក្យជាមួយផលិតករតន្ត្រី Benny Blanco ក្នុងខែធ្នូ ឆ្នាំ ២០២៤ បន្ទាប់ពីបានទាក់ទងគ្នាអស់រយៈពេលមួយឆ្នាំ។

យ៉ាងណា ប្រភពពីខាងក្នុងបានប្រាប់ DailyMail.com ថា ខណៈពេលដែល Justin ផ្តោតលើគ្រួសារនិងមើលថែកូនប្រុសដំបូង មនុស្សគ្រប់គ្នាសុទ្ធតែដឹងទាំងអស់ ប៉ុន្តែនៅពេលដែលគាត់បានឮថា Selena ភ្ជាប់ពាក្យ គាត់ស្រាប់តែប្រែប្រួលចរិតមួយរំពេចភ្លាម។

ដោយឡែក របាយការណ៍មួយទៀតបានអះអាងថា Selena បានពន្យារពេលការប្រកាសភ្ជាប់ពាក្យជាសាធារណៈ ដោយសារតែ Justin បានប្រកាសដំណឹងក្លាយជាឪពុកដំបូងនាពេលនោះ។ យ៉ាងណា ដោយសារតែមិនចង់ឲ្យដំណឹងល្អរបស់ខ្លួនត្រូវគេភ្ចាប់ជាមួយអតីតមិត្តប្រុស ទើបគូស្នេហ៍សុខចិត្តពន្យារពេលឲ្យស្ថានការណ៍ល្អប្រសើរទើបហ៊ានបង្ហោះប្រាប់គេឯង។

ដ្បិតថាយ៉ាងនេះក្ដី រឿងរ៉ាវពិតប្រាកដគេនៅមិនទាន់ដឹងនូវឡើយទេ ក្នុងពេលដែលប៉ុន្មានខែកន្លងមកនេះ មានពាក្យចចាមអារ៉ាមអំពីភាពតានតឹងក្នុងអាពាហ៍ពិពាហ៍របស់ Justin និង Hailey ដែលត្រូវបានផ្ទុះឡើងម្តងហើយម្ដងទៀត បន្ទាប់ពីតារាចម្រៀងប្រុសបានផ្តាច់ខ្លួនឪពុកក្មេក Stephen Baldwin ៕

អត្ថបទ៖ សាង ស្រីល័ក្ខ

ចុចអាន៖ប្រឈមការខាតបង់ផ្នែកហិរញ្ញវត្ថុធ្ងន់ ក Kanye គ្រោងបណ្តាក់ទុនលើឧបករណ៍សិច

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ២៤ ម៉ោង មុន

មីយ៉ាន់ម៉ា៖ ​ក្រុមសង្គ្រោះ​តួកគី ជួយ​ជីវិត​បុរសម្នាក់ ក្រោយ​ជាប់ក្រោមគំនរបាក់បែក៥ថ្ងៃ

ព័ត៌មានអន្ដរជាតិ៦ ម៉ោង មុន

សភាពាណិជ្ជកម្មអាមេរិកនៅកម្ពុជា ស្នើឱ្យ​ដោះស្រាយបញ្ហា​ពន្ធអាមេរិកថ្មី ​ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»

ព័ត៌មានអន្ដរជាតិ២៣ ម៉ោង មុន

ត្រឹមមួយថ្ងៃដើមខែមេសា ប្រទេសអាស៊ីអាគ្នេយ៍ចំនួន៣ កើតគ្រោះអគ្គិភ័យរន្ធត់ដំណាលគ្នា

ព័ត៌មានអន្ដរជាតិ៨ ម៉ោង មុន

ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង

ព័ត៌មានជាតិ៥ ម៉ោង មុន

អាមេរិកថាកម្ពុជាយកពន្ធខ្លួន ៩៧ ភាគរយ​ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ

Sokha Hotels

ព័ត៌មានពេញនិយម