Connect with us

ជីវិតកម្សាន្ដ

នី មុន្នីនាថ ត្រៀមផ្ទាំងទស្សនីយភាព “ក្បាច់គុនល្បុក្កតោ” ក្នុងថ្ងៃបរិច្ចាគឈាមមូលនិធិ

បានផុស

នៅ

ខណ:សល់ពេលត្រឹមតែ ២ទៀតប៉ុណ្ណោះ កម្មវិធីបរិច្ចាគឈាមរបស់មូលនិធិតារាសម្តែង នី មុន្នីនាថ នឹងឈានចូលមកដល់ គេឃើញតារាស្រីរូបនេះ បានចេញមុខអំពាវនាវហើយបំផុសឱ្យប្រជាពលរដ្ឋ ពិសេសអ្នកគាំទ្រចូលរួមសកម្មភាពសប្បុរសធម៌នេះទាំងឱ្យបានគ្រប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីសកម្មភាពបរិច្ចាគឈាមដើម្បីជួយសង្គ្រោះជីវិតពលរដ្ឋដែលត្រូវការឈាមចាំបាច់ កំពូលតារាទឹកភ្នែករូបនេះ បានបញ្ជាក់ឱ្យដឹងដែរថា នាក្នុងឱកាសនោះក៏មានការចូលរួមសម្តែងផ្ទាំងទស្សនីយភាពក្បាច់គុណបុរាណខ្មែរ “ក្បាច់គុនល្បុក្កតោ” ដើម្បីចែកជូនមហាជនបានទស្សនាផងដែរ។

ជាមួយគ្នានេះដែរ នី មុន្នីនាថ បានលើកឡើងពីលក្ខណ:ពិសេស នៃក្បាច់គុនល្បុក្កតោ ពន្យល់យុវជនខ្មែថា “ក្បាច់គុនល្បុក្កតោ” គឺជាប្រភេទក្បាច់គុនបុរាណខ្មែរមួយដែលមានលក្ខណៈពិសេស និងជាផ្នែកមួយនៃសិល្បៈវាយលុកខ្មែរ។ត្រូវបានគេស្គាល់ថាមានល ក្ខណៈរឹងមាំ សាមញ្ញ ប៉ុន្តែមានប្រសិទ្ធភាពដោយផ្តោ តលើការប្រើប្រាស់កម្លាំងនិងភាពត្រឹមត្រូវ។ តារាសម្តែងស្រីរូបនេះបន្តថា លក្ខណៈពិសេសនៃក្បាច់គុនល្បុក្កតោ៖

១. ភាពរឹងមាំ៖ ក្បាច់នេះផ្តោតលើការវាយ ឬការការពារដោយប្រើចំណុចខ្លាំងនៃរាងកាយ (ដូចជាកជើង កែងដៃ ឬដៃជាដើម)។
២.ចលនាសាមញ្ញ៖ មិនមានចលនាលំអិតច្រើនប៉ុន្តែមានប្រសិទ្ធភាពក្នុងការវាយឬរារាំង។
៣.ការប្រើកម្លាំង៖ ទាមទារការគ្រប់គ្រងកម្លាំងនិងភាពត្រឹមត្រូវ។

តួយ៉ាងប្រភពនិងប្រវត្តិគឺក្បាច់គុនល្បុក្កតោគឺជាផ្នែកនៃគុនខ្មែរ (សិល្បៈវាយលុកប្រពៃណីខ្មែរ) ដែលមានឫសគល់ពីសម័យអង្គរ។ ដោយត្រូវបានអភិរក្សដោយសាលាគុនខ្មែរបុរាណ និងអ្នកប្រាជ្ញសិល្បៈវាយលុក។

សូមបញ្ជាក់ថា សម្រាប់កម្មវិធីបរិច្ចាគឈាមរបស់មូលនិធិ តារាសម្តែងកញ្ញា នី មុន្នីនាថ នឹងរៀបចំឡើងនៅថ្ងៃ ទី០៦ខែមេសា ឆ្នាំ២០២៥ ដែលធ្វើនៅទីតាំងផ្សាទំនើបអូឡាំព្យា។ ក្នុងនោះនាងក៏បានអំពាវនាវរួមគ្នាបរិច្ចាគឈាមជួយសង្គ្រោះជីវិតមនុស្សផងដែរ៕ ចាន់រ៉ា

Helistar Cambodia - Helicopter Charter Services
Sokimex Investment Group
ជីវិតកម្សាន្ដ៣៩ វិនាទី មុន

នី មុន្នីនាថ ត្រៀមផ្ទាំងទស្សនីយភាព “ក្បាច់គុនល្បុក្កតោ” ក្នុងថ្ងៃបរិច្ចាគឈាមមូលនិធិ

ព័ត៌មានជាតិ៨ នាទីutes មុន

លោក ឈាង រ៉ា ណែនាំដល់មន្រ្តីសុខាភិបាលនៃមន្ទីរពេទ្យទាំងអស់ បន្តយកចិត្តទុកដាក់លើការកសាងសមត្ថភាព

កីឡា១៩ នាទីutes មុន

ធន់ រិទ្ធី ប្រាប់​ពី​សុខភាព​ និង​អាកាសធាតុ​ក្រោយ​ទៅ​ដល់​សហរដ្ឋអាមេរិក​

ព័ត៌មានអន្ដរជាតិ២៤ នាទីutes មុន

Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ

វប្បធម៌ ជំនឿ២៧ នាទីutes មុន

រាជបណ្ឌិត្យសភាកម្ពុជា យកល្បែងប្រជាប្រិយខ្មែរជាច្រើនប្រភេទ ទៅលេងកម្សាន្តក្នុងឱកាសសង្ក្រាន្តឆ្នាំថ្មី

Sokha Hotels

ព័ត៌មានពេញនិយម