ជីវិតកម្សាន្ដ

ក្រោយជាសះស្បើយកូវីដ វី ឌីណែត ថ្លែងពាក្យប៉ុន្មានម៉ាត់នេះទៅកាន់គ្រូពេទ្យនិងមហាជន

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

បន្ទាប់ពីចូលសម្រាកព្យាបាលជិតកន្លះខែតារាចម្រៀងកញ្ញា វី ឌីណែត បានជាសះស្បើយពីជំងឺកូវីដ-១៩ហើយ ខណ:ការធ្វើតេស្ត២លើកគឺលទ្ធផលអវិជ្ជមានប៉ុន្តែនាងក៏ត្រូវបន្តទៅធ្វើចត្តាឡីស័ក១៤ថ្ងៃទៀតផងដែរ ដើម្បីតាមដានសុខភាពថាពិតជាបានជាសះស្បើយ១០០ភាគរយ។

ក្រោយពេលបានចាកចេញពីបន្ទប់ព្យាបាលជំងឺកូវីដ-១៩និងកំពុងបន្តទៅធ្វើចត្តាឡីស័ក១៤ថ្ងៃទៀតនោះ វី ឌីណែត បានពោលពាក្យប៉ុន្មានម៉ាត់ទៅកាន់ក្រុមគ្រូពេទ្យនិងមហាជនអ្នកគាំទ្រដោយលើកឡើងថា ខ្ញុំគ្មានអ្វីក្រៅតែការសំពះអរគុណដល់ពួកគាត់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា វី ឌីណែត បានបញ្ជាក់ប្រាប់បន្ថែមថា កាលពីម្សិលមិញលោកគ្រូពេទ្យបានប្រាប់ថាចំពោះការយកសំណាករបស់នាងពេលកំពុងសម្រាកព្យាបាល គឺអវិជ្ជមានពីរដងហើយអញ្ចឹងមានន័យថានាងបានជាសះស្បើយពីជំងឺកូវីដ-១៩ហើយតែទោះបីជាយ៉ាង ណានាងត្រូវចត្តាឡីស័កនៅសណ្ឋាគារ សុខាភ្នំពេញរយ:ពេល១៤ថ្ងៃទៀតដើម្បីតាមដានឲ្យច្បាស់ថានាងពិតជាបានជាសះស្បើយ១០០ភាគរយមែន។

តារាស្រី វី ឌីណែត បានបន្តទៀតថា នាងក៏សូមអរគុណដល់លោកគ្រូអ្នកគ្រូពេទ្យជំនាញទាំងអស់ដែលបានយកចិត្តទុកដាក់ព្យាបាលនាងកន្លងមក ក៏អរគុណពុកម៉ែបងប្អូនទាំងអស់សម្រាប់ការជូន ពរនិងមានការបារម្ភចំពោះនាងខ្ញុំសូមបងប្អូនទាំង អស់ថែរក្សាសុខភាពឲ្យបានល្អផង។សម្រាប់នាង ពេលនេះគឺនឹកម៉ាក់៕

អត្ថបទ ៖ ចាន់រ៉ា