ជីវិតកម្សាន្ដ
តើជីវិតគូរបស់អូបាម៉ានិងភរិយាពិតជាបែកបាក់មែនឬ ខណៈអូបាម៉ាថ្លែងរឿងពិបាកផ្សះផ្សា?
នៅក្នុងការសន្ទនាមួយស្ថិតនៅក្នុងមហាវិទ្យាល័យ Hamilton កាលថ្ងៃទី៥ខែមេសា អតីតប្រធានាធិបតីអាមេរិក២អាណតិ្ត លោក បារ៉ាក់ អូបាម៉ា បានទទួលស្គាល់ដោយបើកចំហនូវឱនភាពដ៏ជ្រាលជ្រៅនៃទំនាក់ទំនងជាមួយភរិយា មីឆែល អូបាម៉ា ដោយចាត់ទុកថា វាបណ្តាលមកពីសម្ពាធ និងការទាមទារនៃអាណត្តិទាំងពីររបស់គាត់ក្នុងសេតវិមាន។
ការទម្លាយប្រវត្តិទំនាក់ទំនងជីវិតគូរបស់លោកជាសាធារណៈនាពេលនេះ កើតឡើងចំពេលដែលមានការរំពឹងទុក និងពាក្យចចាមអារ៉ាមអំពីស្ថានភាពនៃទំនាក់ទំនងដ៏រកាំរកូស របស់អ្នកទាំងពីរ ដោយអ្នកខ្លះថែមទាំងបង្ហាញពីលទ្ធភាពនៃការលែងលះទៀតផង។
យោងការចុះផ្សាយរបស់ marca.com អតីតប្រធានាធិបតីអាមេរិករូបនេះ បានសារភាពថា គាត់ធ្លាប់តស៊ូដើម្បីភ្ជាប់ទំនាក់ទំនងជាមួយប្រពន្ធរបស់គាត់ឡើងវិញ បន្ទាប់ពីលោកផ្តោតអារម្មណ៍ខ្លាំងពេក នៅក្នុងកំឡុងពេលខ្លួនធ្វើជាប្រធានាធិបតី។
លោកបានចែករំលែកថា៖«ខ្ញុំមានឱនភាពខ្លាំងជាមួយប្រពន្ធខ្ញុំ» ដោយពន្យល់ពីរបៀបដែលគាត់បានធ្វើការដើម្បីជួសជុលទំនាក់ទំនងជាមួយគ្នា ដោយរៀបចំផែនការ រឿងសប្បាយៗម្តងម្កាល។
ដោយឡែក ងាកមកដឹងអំពី លោកស្រី មីឆែលវិញម្តង លោកស្រីធ្លាប់លើកឡើងអំពីបញ្ហាប្រឈមដែលពួកគេបានជួប ក្នុងអំឡុងពេលដែលអ្នកទាំងពីររស់នៅក្នុងវិមានប្រធានាធិបតីអាមេរិកម្ល៉េះ។ ក្នុងបទសម្ភាសន៍មួយកាលឆ្នាំ ឆ្នាំ២០២២ លោកស្រី បានសារភាពថា សម្រាប់រយៈពេលដប់ឆ្នាំ លោកស្រីមិនអាចទ្រាំទ្របានជាមួយស្វាមី ដោយសារតែការទាមទារចិញ្ចឹមកូនៗគឺ Malia និង Sasha ខណៈពេលដែលក្មេងៗមានសម្ពាធនៃជីវិតសាធារណៈរបស់ពួកគេ។
ទោះបីជាមានការលំបាកទាំងនេះក៏ដោយ លោកស្រីបានសង្កត់ធ្ងន់ថា អាពាហ៍ពិពាហ៍តម្រូវឲ្យមានការខិតខំប្រឹងប្រែង ការគោរព និងការយោគយល់ ទោះបីជាពេលវេលាលំបាកក៏ដោយ។ ទស្សនៈរបស់នាងចំពោះអាពាហ៍ពិពាហ៍មិនមែនសំដៅលើសមភាពក្នុងគ្រប់ទិដ្ឋភាពនោះទេ ប៉ុន្តែការស្វែងរកតុល្យភាពតាមរយៈការសម្របសម្រួល។
ចំពេលមានពាក្យចចាមអារ៉ាមអំពីការលែងលះដែលលេចធ្លាយនោះ លោកស្រី មីឆែល បានបញ្ចេញសម្លេងអំពីសម្ពាធនៃការត្រួតពិនិត្យជាសាធារណៈ។ នៅកម្មវិធីបទសម្ភាសន៍ចាក់ផ្សាយតាមបណ្តាញអ៊ិនធឺណែត (podcast) មួយអតីតជំទាវទី១រូបនេះបានលើកទឹកចិត្តមនុស្សកុំឲ្យមានភាពអវិជ្ជមាននៃបណ្តាញសង្គម ឬការនិយាយបំភ្លើសមានឥទ្ធិពលលើជីវិតរបស់ពួកគេ។
យ៉ាងណាមិញ អស់ជាច្រើនឆ្នាំមកនេះ គូស្វាមីភរិយា អូបាម៉ា ត្រូវបានសាធារណជនមើលឃើញថា ជាគូស្វាមីភរិយាដែលមានអំណាច និងគួរឲ្យស្ញប់ស្ញែងបំផុតនៅសហរដ្ធអាមេរិក ដែលជារឿយៗត្រូវបានប្រារព្ធឡើងសម្រាប់ការរួបរួមក្នុងនាមជាប្ដីប្រពន្ធ និងរូបភាពសាធារណៈរបស់ពួកគេទៅកាន់អ្នកគាំទ្រជាច្រើន។ ប៉ុន្តែក្នុងមួយរយៈធំនេះ គូស្នេហ៍តែងតែលេចឮនូវពាក្យចចាមអារ៉ាមអំពីការលែងលះល្បីសុះសាយលើបណ្តាញសង្គម ខណៈដែលអ្នកទាំងពីរមិនដែលចេញមកបកស្រាយអំពីដំណឹងមួយនេះឡើយ៕
អត្ថបទ៖ សាង ស្រីល័ក្ខ
ចុចអាន៖លោកអូបាម៉ា ទម្លាក់សំណេរមួយ ក្រោយធ្លាយដំណឹងលែងលះជាមួយភរិយា
តើជីវិតគូរបស់អូបាម៉ានិងភរិយាពិតជាបែកបាក់មែនឬ ខណៈអូបាម៉ាថ្លែងរឿងពិបាកផ្សះផ្សា?
កម្ពុជាបង្ហាញដំណាំយុទ្ធសាស្រ្ត ៩ ប្រភេទ ជំរុញការវិនិយោគឆ្ពោះទៅការនាំចេញ
NBC ប្រមូលធាត់ចូលលើប្រព័ន្ធវដ្តករសាស្ត្រសម្រាប់ហិរញ្ញវត្ថុប្រកបដោយចីរភាពនៅកម្ពុជា
នគរបាលខេត្តសៀមរាប កិនកម្ទេចបំពង់ស៊ីម៉ាំង ៣០០គ្រឿង និងភ្លើងបំពាក់ខុសបច្ចេកទេសជាច្រើន
អគ្គមេបញ្ជាការកងទ័ពឱ្យកងកម្លាំងនៅព្រំដែនកម្ពុជា-ឡាវ ទប់ស្កាត់ការជួញដូរគ្រឿងញៀន និងជួញដូរមនុស្ស
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
ខេត្តថៃចំនួន២ នៅភាគខាងជើង កើតរញ្ជួយដីកម្រិតស្រាលជាង ២០លើក ត្រឹមមួយព្រឹក
សេចក្តីជូនដំណឹង ស្តីពី ការងារសាងសង់ផ្លូវភូមិប្រភេទបេតុងអាម៉េ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ២១ ម៉ោង agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា