ធ្លាយថា រឿង «Snow White» បញ្ចេញឧស្ម័នកាបូនច្រើនជាងភាពយន្ត «Fast & Furious»

យោងតាមរបាយការណ៍មួយ បានបញ្ចេញនូវប្រភពព័ត៌មានដ៏គួរឲ្យភ្ញាក់ផ្អើល ដោយបង្ហាញថា ភាពយន្តហូលីវូដ «Snow White» ដែលកំពុងចាក់បញ្ចាំងទូទាំងពិភពលោក និងផលិតដោយក្រុមហ៊ុន Walt Disney តាមពិតទៅ បានបំភាយឧស្ម័នកាបូនច្រើនជាងរឿង Fast & Furious នៅក្នុងវគ្គចុងក្រោយទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទុយពីប្រធានបទភាពយន្តដែលបង្ហាញនូវឆន្ទះស្រលាញ់បរិស្ថាន និងការការ​រួម​គ្នា​ជាមួយ​ធម្មជាតិបៃតង នៅឈុតក្រៅឆាកឯណោះវិញ បែរជាបង្ហាញនូវទង្វើបំផ្លាញបរិស្ថានយ៉ាងខ្លាំងក្លាសឹងមិនគួរឲ្យជឿ។ ជាមួយនឹងឯកសាររបស់ក្រុមហ៊ុនដែលបង្ហាញពីការបង្កើតរឿង Snow White បានបង្កើនការបំភាយឧស្ម័នផ្ទះកញ្ចក់កាន់តែច្រើននៅក្នុងចក្រភពអង់គ្លេស ជាងខ្សែភាពយន្ត Fast & Furious ទោះបីជាមានការពឹងផ្អែកលើរថយន្តដែលប្រើហ្គាសក៏ដោយ។

ការវិភាគលើឯកសារជាង ២៥០ ពីក្រុមហ៊ុន Walt Disney បង្ហាញថា សកម្មភាពបន្តផ្ទាល់របស់ Snow White និងរឿងគំនូរជីវចលមួយទៀតគឺ The Little Mermaid បានបង្កើតការបំពុលច្រើនជាងខ្សែភាពយន្តផ្សេងៗទៀតដែលផលិតនៅចក្រភពអង់គ្លេសចាប់តាំងពីឆ្នាំ ២០១៩ នៅពេលដែលតម្រូវការរាយការណ៍អំពីបរិស្ថានត្រូវបានណែនាំ។

តម្រូវការនេះតម្រូវឲ្យក្រុមហ៊ុននានាបង្ហាញការបំភាយឧស្ម័ននៅចក្រភពអង់គ្លេស ដូច្នេះចំនួនសរុបទូទាំងពិភពលោកអាចខ្ពស់ជាងនេះ។ ឧទាហរណ៍ The Little Mermaid ក៏ត្រូវបានថតនៅ Sardinia ខណៈដែលអ្នកផលិតខ្សែភាពយន្ត Fast and Furious បានធ្វើដំណើរទៅកាន់ប្រទេសអ៊ីតាលី និងសហរដ្ឋអាមេរិក។

នៅក្នុងវិសាលភាពទី ១ និងទី ២ «Snow White» បានបញ្ចេញកាបូនឌីអុកស៊ីត ៣,១៥៣តោន ស្មើនឹង ៣,១៤៣ តោន The Little Mermaid បញ្ចេញ ៥,១២៧តោន សរុបចំនួន ៨,២៧៩.៦ តោន ធៀបនឹង ៧,៨២៩ តោនសម្រាប់អាកាសយានដ្ឋាន Birmingham ក្នុងឆ្នាំ ២០២៣ ស្មើ ២៤៣ តោន និង ២២០ តោន ៣,៣៥១ តោនសម្រាប់ East Midlands ក្នុងឆ្នាំ ២០២៣និង២០២៤ នេះបើយោងតាមតួលេខចុងក្រោយ។

មិនតែបុណ្ណោះ Snow White ត្រូវបានថតនៅទីតាំងមួយចំនួនធំ ដែលធ្វើឲ្យម៉ាស៊ីនភ្លើងចល័តកាន់តែចាំបាច់។ ហើយជាការពិតណាស់ ឥន្ធនៈសម្រាប់ម៉ាស៊ីនភ្លើងទាំងនេះបានរាប់ជាថាមពលភាគច្រើន ដែលប្រើសម្រាប់ផលិតខ្សែភាពយន្តទាំងពីរ។ ទោះបីជាវាអាចខ្ពស់ជាងនេះ ដោយសារអ្នកផលិតខ្សែភាពយន្តបានប្រើម៉ាស៊ីនភ្លើងដែលប្រើថាមពលថ្ម និងម៉ាស៊ីនកូនកាត់ដែលប្រើថាមពលថ្មមួយចំនួនក៏ដោយ។

នេះសបញ្ចាក់ថា ការបំភាយឧស្ម័នរួមគ្នានៃ Snow White និង The Little Mermaid លើសពីការបំភាយប្រចាំឆ្នាំដែលផលិតដោយអាកាសយានដ្ឋាន Birmingham និង Luton ខ្សែភាពយន្តនីមួយៗបង្កើតការបំភាយឧស្ម័នច្រើនជាងទិន្នផលរួមប្រចាំឆ្នាំរបស់កោះ Blackpool Pleasure Beach និងនៅ O2 Arena របស់ទីក្រុងឡុងដ៍។

ដូចដែលអ្នកទស្សនា ដឹងស្រាប់ហើយថា «Snow White» គឺជាខ្សែភាពយន្តផលិតឡើងដោយ Disney ខណៈតួឯកស្រីគឺតារាសម្ដែង Rachel Zegler ចំណែកឯតារាសម្តែងអ៊ីស្រាអែល Gal Gadot ដើរតួជាមេធ្មបចិត្តអាក្រក។ យាងណាក៏ដោយ ក្រុមហ៊ុនយក្សនេះធ្លាប់ដាក់ក្ដីសង្ឃឹមដ៏ធំមួយទៅកាន់ភាពយន្តរបស់ខ្លួន ក៏ប៉ុន្តែផ្ទុយពីការរំពឹងទុក វាបានញាំញីដោយភាពចម្រូងចម្រាសរាប់ចាប់ពីរឿងនយោបាយ របស់តួឯកស្រី រហូតដល់តួនាទីមនុស្សតឿទាំងប្រាំពីរ។ ខ្សែភាពយន្តនេះត្រូវបានគេរាយការណ៍ថា អាចខាតបង់ប្រហែល ១១៥ លានដុល្លារ ជាមួយនឹងការចំណាយសរុបត្រឹមតែ១៤៥លានដុល្លារប៉ុណ្ណោះ ធៀបនឹងការចំណាយប្រហែល ២៦០លានដុល្លារ៕

អត្ថបទ៖ សាង ស្រីល័ក្ខ

ចុចអាន៖តួឯកស្រីក្នុង​រឿង «Marry My Husband» សារ​ភាព​ត្រង់ៗថា មុខមាត់​ស្អាត​ឆ្លងកាត់កាំបិតសុទ្ធសាធ