ជីវិតកម្សាន្ដ
អតីតម្ចាស់មកុដ MGI ចូលដេកពេទ្យ ចំពេលផ្ទុះរឿងអាស្រូវផ្លូវច្បាប់ មិនទាន់ដោះស្រាយរួច
កាលពីពេលថ្មីៗនេះ រូបភាពរបស់អតីតម្ចាស់មកុដ Miss Grand International (MGI) ឆ្នាំ២០២១ Nguyen Thuc Thuy Tien ចូលសម្រាកក្នុងមន្ទីរពេទ្យ ចំពេលកំពុងផ្ទុះរឿងអាស្រូវផ្លូវច្បាប់ពាក់ព័ន្ធនឹងការឃោសនាផលិតផលក្លែងក្លាយ និងបោកប្រាស់ទំនុកចិត្តអតិថិជន។
នៅក្នុងរូបថតដែលផ្សព្វផ្សាយលើបណ្ដាញសង្គមយ៉ាងព្រោងព្រាត បានបង្ហាញឲ្យឃើញសកម្មភាពរបស់រាជនីសម្រស់កើតក្នុងឆ្នាំ១៩៩៨ មានសភាពស្លេកស្លាំង លើកដៃព្យួរសេរ៉ូម និងមានមនុស្សប្រុសម្នាក់នៅកៀកខ្លួនកំពុងតែបញ្ចុកអាហារដាក់មាត់របស់នាង។
យ៉ាងណា រូបថតនេះបានចែករំលែកយ៉ាងទូលំទូលាយស្របពេលដែល បវរកញ្ញា Thuy Tien នាពេលនេះកំពុងជាប់ពាក់ព័ន្ធនឹងការស៊ើបអង្កេតនៅក្នុងសំណុំរឿងផ្សព្វផ្សាយស្ករគ្រាប់បន្លែប្រភេទ KERA ។ ព្រមជាមួយគ្នានោះដែរ អ្នកលេងអ៊ីនធឺណិតជាច្រើន បានសម្ដែងការព្រួយបារម្ភចំពោះសុខភាពរបស់នាង និងជូនពរសូមឲ្យបវរកញ្ញាឆាប់ជាសះស្បើយបុណ្ណោះ។
ទោះជាយ៉ាងណាក៏ដោយ ការពិតទៅរូបថតរបស់ Thuy Tien កំពុងសម្រាកព្យាបាលនៅមន្ទីរពេទ្យ មិនត្រូវបានថតនាពេលថ្មីៗនេះទេ។ គេដឹងថារូបភាពខាងលើ គឺតាំងពីឆ្នាំ២០២២មកម្ល៉េះ ក្នុងពេលដែលរាជិនីសម្រស់ចូលសម្រាកក្នុងមន្ទីរពេទ្យដោយសារពុលអាហារប៉ុណ្ណោះ។ នេះក៏ជាពេលដែលនាងជាប់ពាក់ព័ន្ធរឿងអាស្រូវ នៅពេលដែលកញ្ញា Dang Thuy Trang ដែលជាមេ Miss Ocean 2017 Dang Thu Thao បានដាក់ពាក្យប្តឹងទាមទារសំណងចំនួន ១.៥ពាន់លានដុងដែរ។
ទាក់ទិននឹងរឿងអាស្រូវផ្លូវច្បាប់ពាក់ព័ន្ធក្នុងការផលិតទំនិញក្លែងក្លាយនៅក្រុមហ៊ុន Asia Life និងក្រុមហ៊ុន Sister Basket Company បវរកញ្ញាវៀតណាមត្រូវនាយកដ្ឋានប៉ូលិសស៊ើបអង្កេតខេត្ត Dak Lak បានចេញសេចក្តីសម្រេចផ្អាកការចាកចេញពីប្រទេសជាបណ្តោះអាសន្ន។ រយៈពេលនៃការផ្អាក ពោលគឺចាប់ពីថ្ងៃទី ១៥ ខែមីនាឆ្នាំ ២០២៥ ដល់ថ្ងៃទី ១៥ ខែឧសភាឆ្នាំ ២០២៥។
យ៉ាងណាមិញ ចំពេលមានរឿងអាស្រូវ រាជិនីសម្រស់បានលាក់ការបង្ហោះជាង ១ពាន់នៅលើ Instagram ផ្ទាល់ខ្លួន ដែលមានអ្នកតាមដាន ២.៨ លាននាក់។ បច្ចុប្បន្នមិនមានការបង្ហោះជាសាធារណៈទេ។ លើសពីនេះ កញ្ញា Thuy Tien ក៏បានចាក់សោទំព័រផ្ទាល់ខ្លួន និង Fanpage របស់នាងនៅលើ Facebook ហើយបិទ Channel TikTok របស់នាងជាបណ្តោះអាសន្ន។
ក្រោយរឿងអាស្រូវនេះ ម៉ាកយីហោម៉ូដដ៏ល្បី Dior បានលាក់រាល់ការបង្ហោះទាក់ទងនឹងរូពនាង នៅលើបណ្ដាញសង្គម។ ដោយឡែក លោក Derek Chou ប្រធានតំណាងការិយាល័យទេសចរណ៍តៃវ៉ាន់ប្រចាំនៅវៀតណាម បាននិយាយថា កិច្ចសន្យាក្នុងនាមជាទូតសុឆន្ទះ Thuy Tien ជាមួយការិយាល័យទេសចរណ៍តៃវ៉ាន់ កៀកនឹងបញ្ចប់ក្នុងខែឧសភានេះហើយ៕
អត្ថបទ៖ សាង ស្រីល័ក្ខ
ចុចអាន៖ផ្ទុះរឿងអាស្រូវផ្លូវច្បាប់ផ្ទួនៗ បវរកញ្ញាវៀតណាម Thuy Tien ប្រឈមដកហូតមកុដដ៏អាម៉ាស់
អតីតម្ចាស់មកុដ MGI ចូលដេកពេទ្យ ចំពេលផ្ទុះរឿងអាស្រូវផ្លូវច្បាប់ មិនទាន់ដោះស្រាយរួច
ស្រុកវើនសៃ នឹងរៀបចំសង្ក្រាន្តដោយមានល្បែងប្រជាប្រិយខ្មែរ និងរបាំរបស់ជនជាតិដើមភាគតិចទំពួន
បណ្ឌិត យង់ ពៅ៖ ទំនាក់ទំនងកម្ពុជា-ចិន កំពុងស្ថិតលើផ្លូវល្អបំផុត និងគំរូនៃការរួមរស់ដោយមិត្តភាព និងកិច្ចសហប្រតិបត្តិការ
ការនាំចេញទំនិញពីតំបន់សេដ្ឋកិច្ចពិសេសភ្នំពេញ មានទំហំជិត ២ ពាន់លានដុល្លារ
តំបន់ខ្លះនៅ ថៃ នឹងជួបព្យុះត្រូពិក ថ្ងៃបុណ្យចូលឆ្នាំ
ពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
អេឡុន ម៉ាសក៍ ហៅប្រឹក្សាពាណិជ្ជកម្មកំពូលរបស់ ត្រាំ ថា «ល្ងង់ជាងឥដ្ឋ១ការ៉ុង»
ឥណ្ឌូណេស៊ី ប្រកាសបញ្ជូនយន្តហោះទៅដឹកជនជាតិប៉ាឡេស្ទីននៅហ្គាហ្សាឲ្យមកស្នាក់នៅប្រទេសខ្លួន
អ៊ីរ៉ង់យល់ព្រមធ្វើកិច្ចព្រមព្រៀងនុយក្លេអ៊ែរ ទាល់តែអាមេរិកឈប់ធ្វើរឿងមួយនេះសិន
អ៊ុយក្រែន ចាប់បានជនជាតិចិន ២នាក់ ដែលប្រយុទ្ធឲ្យរុស្ស៊ី នៅ Donetsk
-
សន្តិសុខសង្គម៣ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ២ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៤ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
សន្តិសុខសង្គម១ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី