ជីវិតកម្សាន្ដ

អបអរសាទរ! ឈុតតំណាងជាតិកម្ពុជា ឈរលំដាប់លេខ១ ក្នុងចំណោមឈុតតំណាងជាតិស្អាតជាងគេ

បានផុស

៤ years មុន

នៅ

ថ្ងៃសុក្រ ២៦ មីនា ២០២១

ដោយ

នៅក្នុងកម្មវិធី Miss Grand International 2020 ដែលឈានដល់វគ្គបង្ហាញនូវឈុតតំណាងជាតិរៀងៗខ្លួនរបស់ Miss Grand នីមួយៗ ដោយកម្មវិធីបានដាក់រូបភាពលើបណ្ដាញសង្គមឲ្យមហាជនបោះឆ្នោតគាំទ្រ ដើម្បីជ្រើសរើសឈុតតំណាងជាតិណាមួយដែលបានការគាំទ្រច្រើនជាងគេ នៃ «Best in National Costume Miss Grand International 2020»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ លទ្ធផលនៃការប្រកួតក្នុងវគ្គឈុតតំណាងជាតិនេះ កម្មវិធី Miss Grand International បានចេញហើយ គឺមានឈុតតំណាងជាតិ ១០ប្រទេស បានជាប់ជាឈុតតំណាងជាតិដែលស្អាតជាងគេ។

ដោយឈុតតំណាងជាតិ ដែលបានជាប់ Top 10 នេះ គឺ ៥ប្រទេស ជ្រើសដោយការបោះឆ្នោតច្រើនជាងគេ និង ៥ប្រទេសទៀត ជ្រើសរើសដោយគណកម្មការនៃកម្មវីធីនេះ។ ជាមួយគ្នានោះ កាន់តែពិសេស គឺ ឈុតតំណាងជាតិកម្ពុជា ដែលគ្រងដោយ Miss Grand Cambodia 2020 លីវ ជីលី បានជាប់លំដាប់លេខរៀងទី១ ដែលទទួលបានការគាំទ្រច្រើនជាងគេបង្អស់ក្នុងចំណោមឈុតតំណាងប្រទេសផ្សេងៗ ដែលបានជាប់ «Best in National Costume Miss Grand International 2020» នេះ។

បន្ទាប់ពីបានឃើញលទ្ធផលនេះ មហាជនខ្មែរលើបណ្ដាញសង្គមបានចូលរួមអបអរសាទរគ្រប់ៗគ្នាចំពោះ Miss Grand Cambodia 2020 លីវ ជីលី ដែលធ្វើបានយ៉ាងល្អក្នុងវគ្គមួយនេះ ព្រមទាំងជូនពរឲ្យកាន់តែបានល្អខ្លាំងឡើងនៅក្នុងវគ្គប្រកួតបន្តបន្ទាប់ទៀតរហូតដល់វគ្គផ្ដាច់ព្រ័ត្រ៕